Vüsal Rzazadə
Vüsal (Səid) Rzazadə (d. 7 dekabr 1977) — şair, jurnalist, iş adamı. 1995-ci ildən Azərbaycan Jurnalistlər Birliyinin üzvü, "Günün tələbi" jurnalının və "Yeni Azərbaycan Bələdiyyəsi", "Xəbər al", "Gəlir+" qəzetlərinin təsisçi və baş redaktoru olmuşdur. "Orman.az" saytının baş redaktorudur.
| Vüsal (Səid) Rzazadə | |
|---|---|
| Doğum tarixi | |
| Vətəndaşlığı |
 Azərbaycan |
| Milliyyəti | azərbaycanlı |
| Təhsili | Cənubi Rusiya Humanitar İnstitutu |
| Tanınır | şair, jurnalist, iş adamı |
Həyat və fəaliyyəti
redaktəRzazadə Vüsal Məhəmməd oğlu - 7 dekabr 1977-ci ildə Beyləqan rayonu Kəbirli kəndində anadan olub. 1996-ci ildə Ağdam 32 saylı köçkün məktəbini bitirmişdir. Elə həmin il Kənd Təsərrüfatı Nazirliyinin Fermer və Sahibkarlıq məktəbinə daxil olmuş, əla qiymətlərlə bitirmişdir. 1997-ci ildə daxil olub, 2002-ci ildə Cənubi Rusiya Humanitar institunu əla qiymətlərlə bitirib. Uşaq yaşından nəzm, nəsr yazır, yaradıcılıqla məşğuldur. X. Şuşinski adına muğam məktəbini bitirmiş, hələ 1986-88 illərdə "Gənc texniklər" stansiyasında beyzik dilində kompüter kursunu bitirmişdir. 1995-ci ildən Azərbaycan Jurnalistlər Birliyinin üzvüdür. Müxtəlif dövrlərdə müxtəlif media orqanlarının kapitanı olub. Çoxsaylı kitabların redaktoru olub. Gənc yaşlarından bizneslə məşğul olub. 1996-cı ildə "Xəyal-80", 1998-ci ildə "Ümid-98, 2004-cü ildə "Days Demand", 2017-ci ildə "Mebeland" MMC-ni yaradaraq, daim iş fəaliyyətində olmuş, iş yerləri açmış, müstəqil pul qazanmış, iqtisadiyyata töhfələr vermişdir. Hal-hazırda "Mebeland" MMC-nin direktorudur. Bir müddət Sahibkarlıq, Özəlelm və Yüngül Sənaye İşçilərinin Həmkarlar İttifaqının Abşeron rayon komitəsinin sədri olub. 2019-cu ildən Ümid Partiyasının üzvüdür.
1995-ci ildən mətbuatdadır. 2001-ci ildə "Xüsusi İlham Əliyevçilər" təşkilatı yaradaraq, onun prezident olmasını dəstəkləmiş, 2003-cü ildə İ.Əliyev Prezident olandan sonra təşkilatın fəaliyyətini dondurmuşdur.
"Yeni Azərbaycan Bələdiyyəsi" qəzeti, aylıq "Günün tələbi" jurnalı, gündəlik dərc edilən "Xəbər al" qəzeti və uzun illər həftəlik 56 səhifə dərc edilən "Gəlir+" iqtisadi qəzetinin təsisçi və baş redaktoru olmuşdur.
Azərbaycanda lk dəfə qazandıran plastik abunə kartlı media orqanı yaradaraq bu və digər layihələri ilə mətbuata öz töhfələrini vermiş, yeniliklər gətirmişdir.
Ailəsi
redaktəAiləlidir. İki qız atasıdır.
Şair-jurnalist, Azərbaycan Yazıçılar Birliyinin katibi Xəyal Rzanın qardaşıdır.