VDSL (ing. Very high speed Digital Subscriber Line"Çox yüksək sürətli rəqəmsal abunəçi xətti")[1][2][3] — verilənləri əvvəlki asimmetrik rəqəmsal abunəçi xətti (ADSL), G.992.1, G.992.3 (ADSL2) və G.992.5 (ADSL2+) standartlarından daha sürətli ötürən rəqəmsal abunəçi xətti (DSL) texnologiyaları.

VDSL modemİ.

VDSL 25 kHz-dən 12 MHz-ə qədər tezlik diapazonundan istifadə edərək[4] tək bükülmüş mis naqillər üzərində aşağı axın üzrə 52 Mbit/s və yuxarı axınında 16 Mbit/s sürət təklif edir.[5] Bu dərəcələr o deməkdir ki, VDSL bir əlaqə üzərindən yüksək dəqiqlikli televiziya kimi proqramları, eləcə də telefon xidmətləri və ümumi internetə çıxışı dəstəkləyə bilir. VDSL analoq telefon xidməti və aşağı sürətli DSL əlaqələri üçün istifadə edilən mövcud naqillər üzərində yerləşdirilir. Bu standart 2001-ci ilin noyabrında Beynəlxalq Telekommunikasiya İttifaqı (BTİ) tərəfindən təsdiq edilmişdir.

İkinci nəsil sistemlər (VDSL2; ITU-T G.993.2 2006-cı ilin fevralında təsdiq edilmişdir)[6] həm yuxarı, həm də aşağı axın istiqamətlərində eyni vaxtda 100 Mbit/s-dən çox məlumat sürətini təmin etmək üçün 30 MHz-ə qədər tezliklərdən istifadə edir. Maksimum mövcud bit sürəti təxminən 300 metr (980 ft) məsafədə əldə edilir. Lokal halqa zəifləməsi artdıqca performans azalır.

Konsepsiyanın inkişafı redaktə

VDSL konsepsiyası ilk dəfə 1991-ci ildə "Bellcore"–Stenford birgə tədqiqatı vasitəsilə nəşr edilmişdir. Tədqiqat o zamanlar geniş yayılmış, hər ikisi 1,5 Mbit/s sürət təmin edən HDSL və nisbətən yeni ADSL-in potensial davamçılarını axtarmışdı. Xüsusilə o qısa telefon xətlərində 10 Mbit/s-dən çox olan simmetrik və asimmetrik məlumat sürətinin mümkünlüyünü araşdırmışdır. VDSL2 standartı ITU T G.993.1-in təkmilləşdirilməsidir. Bu 35 MHz-ə qədər bant genişliyindən istifadə edərək bükülmüş cütlərdə 400 Mbit/s-ə qədər iki istiqamətli xalis məlumat sürətində asimmetrik və simmetrik ötürülməni dəstəkləyir.

Supervektorlaşdırma redaktə

Supervektorlaşdırma vektor texnologiyasının "Deutsche Telekom" tərəfindən icad edilmiş və geniş şəkildə həyata keçirilən təkamülüdür. Bu, qarşılıqlı əlaqə və müdaxilə müqavimətini daha da artırır, 250 Mbit/s aşağı axın və 100 Mbit/s yuxarı axın sürətində evdə sabit internetə imkan verir.

İstinadlar redaktə

  1. "«Azeurotel»". www.azevt.com.
  2. "ITU-T Recommendation G.993.1: Very high speed digital subscriber line transceivers (VDSL)". 3 March 2016 tarixində arxivləşdirilib. İstifadə tarixi: 24 July 2016.
  3. "ITU-T Recommendation G.993.2: Very high speed digital subscriber line transceivers 2 (VDSL2)". 27 July 2012 tarixində arxivləşdirilib. İstifadə tarixi: 24 July 2016.
  4. "G.993.1 (06/04)". ITU. 2023-06-10 tarixində arxivləşdirilib. İstifadə tarixi: 2023-09-06.
  5. "VDSL Speed". HowStuffWorks. 21 May 2001. 12 March 2010 tarixində arxivləşdirilib. İstifadə tarixi: 6 September 2023.
  6. "New ITU Standard Delivers 10x ADSL Speeds: Vendors applaud landmark agreement on VDSL2". News release. International Telecommunication Union. 27 May 2005. 3 September 2016 tarixində arxivləşdirilib. İstifadə tarixi: 22 September 2011.

Əlavə ədəbiyyat redaktə

Xarici keçidlər redaktə