VI Eduard

VI Eduard (d. 12 oktyabr 1537 — ö. 6 iyul 1553) — İngiltərə və İrlandiyanın Tüdor sülaləsindən olan üçüncü kralıdır. 10 yaşında İngiltərə taxtına keçsə də, hakimiyyəti 6 il davam etmişdir.

VI Eduard
ing. Edward VI
Şəxsi məlumatlar
Doğum tarixi	12 oktyabr 1537
Doğum yeri	Riçmond-apon-Tems[d], Böyük London, Böyük London regionu[d], İngiltərə
Vəfat tarixi	6 iyul 1553 (15 yaşında)
Vəfat yeri	Qriniç[d], Kent qraflığı, İngiltərə
Vəfat səbəbi	vərəm
Dəfn yeri	Vestminster abbatlığı
Atası	VIII Henri
Anası	Ceyn Seymur
Vikianbarda əlaqəli mediafayllar

Uşaqlıq illəri

Şahzadə Eduard 12 oktyabr 1537 tarixində Hampton Sarayında dünyaya gəldi. VIII Henrinin Jane Seymour`dan doğulan yeganə vəliəhdi idi. Bu səbəbdən paytaxtın bütün kilsələrdə şükran ilahiləri oxundu. 15 oktyabr tarixində xaç suyuna salındı və bu mərasim əsnasında atası tərəfindən Cornwall və Chester hersoqu elan edildi. Bütün bunlara baxmayaraq anası Kraliça Jane doğumdan sonra ağır xəstələndi. Hətta oğlunun vəftiz mərasiminə qatıla bilmədi və 24 oktyabr 1537 tarixində vəfat etdi. Bundan sonra vəliəhdin tərbiyəsi ilə kralın sonuncu qadını olan Ketrin Parr məşğul oldu. Güclü protestant olan Ketrin Parr tamamilə katolik təsirində olan sarayda vəliəhdi əsl protestant kimi böyütdü.

Səltənət illəri

28 yanvar 1547 tarixində VIII Henri vəfat etdi və İngiltərə taxtına 9 yaşlı Eduard oturdu. Kral az yaşlı olduğundan ölkə Böyük Şura tərəfindən idarə olunurdu. İlk başlarda şuranın rəhbəri kralın dayısı Eduard Seymour, daha sonra isə John Dudley oldu.

VI Eduard isə taxta çıxdıqdan bir müddət sonra tez-tez xəstələnməyə başladı. Ağırlaşan xəstəliyinin səbəbi isə vərəm idi. Ölümündən öncə vəsiyətini dəyişərək, taxtı ögey bacısı Mariyaya deyil, qohumu Ceyn Qreyə təhvil verdi. Buna səbəb isə bacısının qatı katolik, Ceyn Qreyin isə protestant olması idi. VI Eduard ölümündən öncə bu vəsiyətini imzaladı və iki bacısını da taxt namizədliyindən çıxardı. Böyük Şuranın rəhbəri olan John Dudley isə kralın ölümünü 4 gün boyunca gizli saxladı.

Qalereya

• 
  Şahzadə Eduard, 1539
• 
  Şahzadə Eduard, 1546
• 
  Ölüm yatağındakı VIII Henri taxtını oğlunu vəsiyət edərkən

Mənbə

• https://discovery.nationalarchives.gov.uk/details/c/F53968
• http://www.npg.org.uk/collections/search/person.php?LinkID=mp01429
• Alford, Stephen (2002), Kingship and Politics in the Reign of Edward VI, Cambridge: Cambridge University Press, ISBN 0-521-03971-1.