Valeh Kərimov
Valeh Seyfulla oğlu Kərimov (20 mart 1944, Miyana, Şərqi Azərbaycan ostanı) — Azərbaycan aktyoru, Azərbaycan Respublikasının xalq artisti (2000).
| Valeh Kərimov | |
|---|---|
| Digər adı | Moşu |
| Doğum tarixi | 20 mart 1944 (79 yaş) |
| Doğum yeri | |
| Vətəndaşlığı | |
| Fəaliyyəti | aktyor |
| Mükafatları |
  |
HəyatıRedaktə
Valeh Kərimov 1944-cü il mart ayının 20-də İranın Şərqi Azərbaycan ostanının Miyana şəhərində dünyaya gəlib. 1969-cu ildə M. A. Əliyev adına Azərbaycan Dövlət İncəsənət İnstitutunun Dram və kino aktyoru fakültəsini bitirdikdən sonra öz aktyor taleyini həmişəlik olaraq Sumqayıt Teatrı ilə bağlayıb. Bu teatrda 70-ə yaxın obraz yaradıb, rejissor kimi bir neçə tamaşaya quruluş verib.
1990-cı ildən Azərbaycan Teatr Xadimləri İttifaqının üzvüdür. 1990-cı ildə "Azərbaycan SSR Əməkdar artisti", 2000-ci ildə isə "Azərbaycan Respublikasının Xalq artisti" fəxri adına, həmçinin Prezident mükafatına layiq görülüb.
2015-ci ildən etibarən Gəncə Dövlət Dram Teatrında aktyor və rejissor kimi fəaliyyət göstərir.[1]
4 iyun 2020-ci ildə "Vaqif Səmədoğlu" medalı ilə təltif edilmişdir.[2]
2023-cü ilin mart ayında Mingəçevir Dövlət Dram Teatrında aktyor və quruluşçu rejissor kimi işə başlayıb.[3]
AiləsiRedaktə
Loğman Kərimovun qardaşıdır. Həyat yoldaşı Zöhrə Bayram qızı Kərimova Sumqayıt şəhərindəki 20 saylı "Göy qurşağı" uşaq bağçasının müdirəsi olmuş, 30 may 2016-cı ildə vəfat etmişdir.[4]
Əsas rollarıRedaktə
Sumqayıt Dövlət Dram Teatrı
- oynadığı rollar
- Müsyo Jordan və dərviş Məstəli şah (M. F. Axundov) — qonaq
- Sevil (C. Cabbarlı) — Balaş
- Yadındamı? (A. Məmmədov) — Zaur
- Müsibəti Fəxrəddin (N.b. Vəzirov) — Fəxrəddin
- Toy (S. Rəhman) — Surxay
- Nəsrəddin (Y. Əzimzadə) — Nəsrəddin
- Elbrus evlənir (G. Xuqayev) — Elbrus; Albadam
- Ülviyyə (R. İsmayılov) — Qədim
- Tamahkar (S. S. Axundov) — Hacı Murad
- Komsomol poeması (İ. Coşğun) — Gəray bəy
- Skapenin kələkləri (Molyer) — Silvestr
- Demoklisin qılıncı (N. Hikmət) — komisyonçu
- Adamın adamı (Anar) — İbiş İbişli
- Maskarad (M. Lermontov) — Sprixt
- Vəfalı Səriyyə (C. Cabbarlı) — Məhərrəm
- Müfəttiş (N. Qoqol) — Xlestakov
- Lənkəran xanının vəziri (M. F. Axundov) — vəzir
- Bəxt üzüyü (V. Səmədoğlu) — Moşu
- Bir gecəlik ər (R. N. Güntəkin) — Hilmi
- Hamlet (mono-tamaşa; V. Şekspir) — Hamlet
- Qarışqa yuvası (Ə. Qiyas) — Qafar
- Mənim ağ göyərçinim (T. Vəliyeva) — hərbçi
- quruluş verdiyi tamaşalar
- Tamahkar (S. S. Axundov) — 10.02.1974 / 25.04.1993
- Gəl qohum olaq (İ. Məlikzadə) — 08.12.1997
- Sehrli yaylıq (K. Həsənov) — 22.03.2000
- Lotereya (M. Moyame) — 02.04.2003.
FilmoqrafiyaRedaktə
- Anlamaq istəyirəm (film, 1980) — rol: iclas iştirakçısı
- Bağdada putyovka var... (film, 2000) — rol: Qürbət
- Balqabaq (film, 2007)
- Bəxt üzüyü (film, 1991) — Moşu Göyəzənli
- Gəl qohum olaq (film, 2001)
- Milli bomba (film, 2004) — rol: Məmmədin atası
- Hərənin öz payı+tayı (film, 2006) — rol: Seyfi
- Mən sənin dayınam (film, 2001)
- Pəncərə (film, 1991)
- Yerlə göy arasında (film, 1999)
- 100 kağız (film, 2015)
- Ölülər XXI əsr (film, 2016)
- Bəxt üzüyü 2 (film, 2017) — Moşu Göyəzənli
İstinadlarRedaktə
- ↑ "Xalq artistinə vəzifə verildi". 2021-09-21 tarixində arxivləşdirilib. İstifadə tarixi: 2015-09-18.
- ↑ Bakı Post. "Bu şəxslər "Vaqif Səmədoğlu" medalı aldılar" (az.). Bakupost. 05.06.2020. 2021-09-25 tarixində arxivləşdirilib. İstifadə tarixi: 2020-06-05.
- ↑ "İşsizlikdən şikayətlənən "Moşu"ya vəzifə verildi". 2023-03-31 tarixində arxivləşdirilib. İstifadə tarixi: 2023-03-31.
- ↑ Sumqayıtın bağça müdiri dünyasını dəyişdi Arxivləşdirilib 2021-09-22 at the Wayback Machine. xeberle.com, 31.05.2016 (az.)