Müslümov Valeh Əlizaid oğluAzərbaycanın Milli Qəhrəmanı; Qarabağ müharibəsi şəhidi.[1]

Valeh Müslümov
Müslümov Valeh Əlizaid oğlu
Valeh Müslümov.jpg
Şəxsi məlumatlar
Doğum tarixi 2 sentyabr 1968(1968-09-02)
Doğum yeri Lerik
Vəfat tarixi 10 aprel 1992(1992-04-10) (23 yaşında)
Vəfat yeri Ağdərə
Vəfat səbəbi Şəhid
Vətəndaşlığı
Atası Əlizaid
Hərbi fəaliyyəti
Xidmət illəri 1991-1992
Döyüşlər Qarabağ müharibəsi
Təltifləri Azərbaycanın Milli Qəhrəmanı

HəyatıRedaktə

Müslümov Valeh Əlizaid oğlu 1968-ci il 2 sentyabrda Lerik rayonunda doğulmuşdur. 1983-ci ildə 2 saylı Lerik rayon orta məktəbini səkkizinci sinfini bitirmiş və Sumqayıt şəhər 17 saylı peşə məktəbində dülgər ixtisasına yiyələnmişdir. Bir müddət Tikinti Trestinin Səyyar Mexanikləşdirilmiş dəstəsində çalışır. 1986-cı ildə hərbi xidmətə çağırılır, 1988-ci ildə ordudan tərxis olunaraq Sumqayıta qayıdır.

AiləsiRedaktə

Subay idi.

Döyüşlərdə iştirakıRedaktə

1991-ci ilin avqustunda DİN-nin Xüsusi Təyinatlı Milis Dəstəsində xidmətə başlayır. Şuşa, Tovuz və Qubadlıda keçirilən döyüş əməliyyatlarında iştirak edir. 1992-ci il aprel ayının 10-da[2] Marquşevan kəndində gedən döyüşdə qəhrəmanlıq göstərir, qeyri-bərabər döyüşdə yaralanır, çoxlu qan itirdiyindən onun həyatını xilas etmək mümkün olmadı.

MükafatlarıRedaktə

Azərbaycan Respublikası Prezidentinin 6 iyun 1992-ci il tarixli 831 saylı Fərmanı ilə Müslümov Valeh Əlizaid oğluna ölümündən sonra "Azərbaycanın Milli Qəhrəmanı" fəxri adı verilmişdir.[1]

Lerik rayonunda dəfn edilmişdir. Milli Qəhrəmanın adını daşıyan Lerik şəhər 2 nömrəli orta məktəbdə xatirə muzeyi açılıb[3].

MənbəRedaktə

İstinadlarRedaktə

  1. 1 2 "National Heroes". Azerbaijans.com. İstifadə tarixi: 10 January 2019.
  2. Əsgərov V. Azərbaycanın Milli Qəhrəmanları / Redaktor: Kamil İsmayılov. — Bakı: Respublika Xatirə Kitabı Redaksiyası, 2005. S. 116.
  3. Lerikdə Milli Qəhrəman Valeh Müslümovun xatirə muzeyinin açılışı olub