Valeri Dikarev
Valeri Pavloviç Dikarev (rus. Вале́рий Па́влович Ди́карев; 10 sentyabr 1939[1], Bakı – yanvar 2001, Moskva) — müdafiəçi mövqeyində çıxış etmiş sovet futbolçusu. Məşqçi. Respublika dərəcəli futbol hakimi (1973). SSRİ idman ustası (1961).
| Valeri Dikarev | |||||||||||||||||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
 | |||||||||||||||||||||||||||||||||||||
| Ümumi məlumatlar | |||||||||||||||||||||||||||||||||||||
| Doğum tarixi | 10 sentyabr 1939[1] | ||||||||||||||||||||||||||||||||||||
| Doğum yeri | |||||||||||||||||||||||||||||||||||||
| Vəfat tarixi | yanvar 2001 (61 yaşında) | ||||||||||||||||||||||||||||||||||||
| Vəfat yeri | |||||||||||||||||||||||||||||||||||||
| Vətəndaşlığı |
 SSRİ → Rusiya |
||||||||||||||||||||||||||||||||||||
| Boyu | 178 sm | ||||||||||||||||||||||||||||||||||||
| Mövqeyi | müdafiəçi | ||||||||||||||||||||||||||||||||||||
| Karyerası | |||||||||||||||||||||||||||||||||||||
|
|||||||||||||||||||||||||||||||||||||
| Təltif və medalları | |||||||||||||||||||||||||||||||||||||
 |
|||||||||||||||||||||||||||||||||||||
|
|
|||||||||||||||||||||||||||||||||||||
Klub karyerası
redaktəValeri Dikarev 10 sentyabr 1939-cu ildə Bakı şəhərində anadan olub.[2] "Neftyanik" klubunun Uşaq-Gənclər İdman Məktəbinin yetirməsidir.[2] Peşəkar futbolçu karyerasına 1957-ci ildə, futbol üzrə SSRİ birinci liqasında çıxış edən "Neftyanik"də start verib.[3] 1957–1960-cı illər ərzində Bakı təmsilçisinin heyətində ümumilikdə 63 oyuna çıxıb.[3]
1961-ci ildə Moskvanın "Spartak" klubuna keçib. Yeni klubunda ilk rəsmi oyununu 8 aprel 1961-ci ildə, SSRİ çempionatı oyunu çərçivəsində "Spartak Yerevan"a qarşı keçirib.[4] "Qırmızı-ağlar"ın heyətində keçirdiyi ilk mövsümdəcə ölkə çempionatının bürünc medalına sahib olub. Növbəti mövsümdə isə həm SSRİ çempionu adını qazanıb, həm də mövsümün ən yaxşı 33 oyunçusu siyahısında qərarlaşıb.[5] 1967-ci ildə Dikarev digər üç "Spartak" oyunçusu ilə birlikdə klubun baş məşqçisi Nikita Simonyan tərəfindən komandadan xaric edilib. Məşqçilər korpusunun fikrincə, belə addıma səbəb Daşkənddəki matç zamanı bu futbolçuların qeyri-qənaətbəxş çıxış etmələri olub.[6].
"Spartak"dan ayrıldıqdan sonra hərəsində bir mövsüm olmaqla Moskvanın "Lokomotiv" və Qorkinin "Volqa" klublarında çıxış edib.[3][5]
Milli komanda karyerası
redaktə11 oktyabr 1964-cü ildə Avstriya milli komandasına qarşı keçirilmiş yoldaşlıq oyununda SSRİ milli komandasının heyətində debüt edib. 1964–1965-ci illər aralığında formasını geyindiyi SSRİ milli komandasının heyətində ümumilikdə 3 oyun keçirib.[2]
Oyun üslubu
redaktəValeri Dikarev etibarlı və fədakar müdafiəçi, ağıllı mövqe oyunu ilə seçilən, rəqiblə fərdi oyunda uğurla çıxış edən futbolçu kimi xarakterizə olunur.[5]
Məşqçilik və hakimlik karyerası
redaktə1969-1970-ci illər aralığında Blaqoveşenskin "Amur" klubunda baş məşqçi işləyib.[5]
1970-ci illərdə futbol hakimi kimi fəaliyyət göstərib.[5]
Nailiyyətləri
redaktəKomanda
redaktəSpartak Moskva
- SSRİ çempionu: 1962
- SSRİ çempionatının gümüş mükafatçısı: 1963
- SSRİ çempionatının bürünc mükafatçısı: 1961
- SSRİ Kubokunun qalibi: 1963, 1965
Şəxsi
redaktə- SSRİ-də mövsümün ən yaxşı 33 oyunçusu siyahısında № 3: 1962
Dövlət mükafatları
redaktə- SSRİ idman ustası: 1961
İstinadlar
redaktə- ↑ 1 2 Valeri Dikarev † // Transfermarkt (çd.). 2000.
- ↑ 1 2 3 "Валерий ДИКАРЕВ". Rusteam.su. İstifadə tarixi: 2024-09-24.
- ↑ 1 2 3 "Дикарев Валерий Павлович". Footballfacts.ru. 2023-02-28 tarixində arxivləşdirilib. İstifadə tarixi: 2024-09-24.
- ↑ "Валерий Дикарев". 2009-04-10 tarixində arxivləşdirilib. İstifadə tarixi: 2024-09-29.
- ↑ 1 2 3 4 5 "ДИКАРЁВ ВАЛЕРИЙ ПАВЛОВИЧ". Old.bigenc.ru. 2024-08-01 tarixində arxivləşdirilib. İstifadə tarixi: 2024-10-06.
- ↑ "Зал Славы Спартак Москва — Дикарев Валерий". 2009-10-11 tarixində arxivləşdirilib. İstifadə tarixi: 2024-10-09.