Valeriya Qudim

Valeriya Qudim (1 mart 1995, Kiyev) — Ukraynanı təmsil edən bədii gimnast. Valeriya Qudim 2012 və 2016-cı ildə Ukraynanı Olimpiya Oyunlarında təmsil etdi. Qudim həm də I Avropa Oyunlarında bir gümüş və bir bürünc medal, Universiada Oyunlarında isə bir qızıl, üç gümüş və iki bürünc medal qazanıb.

Valeriya Qudim
ukr. Валерія Василівна Гудим
Şəxsi məlumatlar
Vətəndaşlığı	Ukrayna
Doğum tarixi	1 mart 1995(1995-03-01) (29 yaş)
Doğum yeri	Kiyev, Ukrayna
Boyu	168 sm
Çəkisi	50 kq
İdman növü	bədii gimnastika
Medallar Dünya Çempionatı Bürünc 2013 Kiyev 10 gürz Avropa Oyunları Gümüş 2015 Bakı 5 lent Bürünc 2015 Bakı 6 gürz/2 həlqə Dövlət təltifləri
19 oktyabr 2016 tarixində yenilənib.

Karyerası

Valeriya Qudim birinci dəfə Olimpiya Oyunlarına 2012-ci ildə qatıldı. London şəhərində baş tutan yarışlarda o, komanda yoldaşları ilə birgə 54.375 xal topladı və 5-ci yeri tutdu.

Valeriya Qudim 2016-cı ildə Ukrayna bayrağı altında Braziliyanın Rio-de-Janeyro şəhərində XXXI Yay Olimpiya Oyunlarına qatıldı. O, qrup yarışlarında komanda yoldaşları Olena Dmitraş, Yevgeniya Qomon, Oleksandra Qridasova və Anastasiya Voznyak ilə birgə final yarışlarında 34.282 xal topladı və 7-ci yeri tutaraq mübarizəni dayandırdı.