Vaqif İbrahimov

Vaqif İbrahimov
Vaqif İbrahimov
	Vaqif Rza oğlu İbrahimov
	; Vaqif İbrahimov
Doğum tarixi	9 may 1947 (76 yaş)
Doğum yeri	Cəhri, Babək rayonu,; Naxçıvan MSSR, Azərbaycan SSR, SSRİ
Vətəndaşlığı	SSRİ→; Azərbaycan
Elm sahəsi	riyaziyyat
Elmi dərəcəsi	fizika-riyaziyyat elmləri doktoru
Elmi adı	professor
İş yeri	Bakı Dövlət Universitetinin Mexanika-riyaziyyat fakültəsi
Təhsili	Azərbaycan Dövlət Universitetinin Mexanika-riyaziyyat fakültəsi
Mükafatları

Vaqif İbrahimov (tam adı: Vaqif İbrahimov Rza oğlu; 9 may 1947, Cəhri, Naxçıvan rayonu) — AMEA-nın müxbir üzvü (2017), Fizika-riyaziyyat elmləri doktoru,^[1] Azərbaycan Respublikasının əməkdar müəllimi (30.09.2009).^[2]

Həyatı redaktə

Vaqif Rza oğlu İbrahimov 9 may 1947-ci ildə Naxçıvanın Cəhri kəndində anadan olmuşdur. O, hesablama riyaziyyatı sahəsində tanınmış alimdir. Onun tədqiqat sahəsi yüksək tərtib törəmələrdən istifadə edən Obreşkov tipli çoxaddımlı üsullardan və bu üsulların adi diferensial, inteqral və inteqro-diferensial tənliklərin həllinə tətbiqindən ibarətdir.

Fizika-riyaziyyat elmləri doktoru V.R.İbrahimov irəliyə qaçma, ekstrapolyasiya və interpolyasiya üsullarını ümumi formada tədqiq etmək məqsədi ilə Obreşkov tipli dayanıqlı k- addımlar üsulunun dəqiqlik tərtiblərinin ən böyük qiymətlərinin hesablanılması üçün bir neçə düstur qurmuş və bu düsturların effektivliyini göstərmişdir. O, irəliyə qaçma üsullarının istifadəsi üçün proqnoz-korreksiya tipli üsullar qurmuş və bu üsulların yığılması üçün kafi şərtləri müəyyənləşdirmişdir. Dayanıqlı irəliyə qaçma üsullarının digər üsullara nisbətən daha dəqiq olması V.R.İbrahimov tərəfindən isbat olunmuş və bu şərtləri ödəyən konkret üsullar qurulmuşdur. O, Riçardson ekstrapolyasiya üsulundan bir dəfə istifadə etdikdə, çoxaddımlı üsulun dəqiqliyinin artmasının yuxarı sərhəddini müəyyənləşdirmiş və bu məqsədlə üsulun xətası üçün xüsusi asimptotik münasibət almışdır. Daha dəqiq üsulların qurulması üçün V.R.İbrahimov hibrid üsulların qurulmasını təklif etmiş, birinci və ikinci tərtib adi diferensial tənliklərin həlli üçün hibrid üsullar qurmuş və onları tədqiq etmişdir.

V.R.İbrahimov Volter tipli inteqral tənliklərin həlli üçün hər addımda inteqral nüvəsinin sabit sayda hesablanmasından istifadə edən çoxaddımlı üsullar qurmuş və bu üsulların yığılması üçün kafi şərtlər tapmışdır. Bu üsulların Volter tipli inteqral tənliklərin həllində yeni istiqamət olduğunu nəzərə alaraq,o, çoxaddımlı və hibrid üsulların kəsişməsində yerləşən üsullar qurmuş və bu üsulları Volter tipli inteqral və inteqro-diferensial tənliklərin həllinə tətbiq etmişdir.

V.R.İbrahimov xüsusi test tənliklərinin köməyi ilə Volter tipli inteqral və inteqro-diferensial tənliklərin həlli üçün geniş dayanıqlıq oblastına malik üsullar qurmuşdur.

Həmçinin simmetrik üsullar qurmuşdur, hansi ki, onlari simmetrik sərhədli Volter tipli inteqral tənliklərin həllinə tətbiq etmişdir. Daha yüksək dəqiqliyə və genişlənmiş dayaniqliq oblastina malik ,dayaniqli üsullarin qurulması və onların ADT-in,Volter tipli inteqral və inteqro-diferensial tənliklərin həllinə tətbiqi məqsədi ilə V.R.İbrahimov hibrid üsullardan və irəliyə qaçma üsullarindan istifadə etmişdir.

V.R.İbrahimov PCI2010 Arxivləşdirilib 2018-03-11 at the Wayback Machine и PCI2012 Arxivləşdirilib 2014-12-02 at the Wayback Machine, International conference dedicated to the 85th anniversary of Professor Yahya Mamedov,The 5th International Conference on Control and Optimization with Industrial Applications Arxivləşdirilib 2017-09-12 at the Wayback Machine və The 6th International Conference on Control and Optimization with Industrial Applications kimi bir sıra konfranslarin təşkilat komitəsinin üzvlərindən olmuşdur.

Əmək fəaliyyəti redaktə

2006- h/h, professor, Hesablama riyaziyyatı kafedrası^[3], Mexanika-riyaziyyat fakültəsi, BDU
2004-2011, prorektor, BDU
1985-2006, dosent, Hesablama riyaziyyatı kafedrası, Mexanika-riyaziyyat fakültəsi, BDU
1982-1985, baş müəllim, Hesablama riyaziyyatı kafedrası, Mexanika-riyaziyyat fakültəsi, BDU
1975-1982, assistent, Hesablama riyaziyyatı kafedrası, Mexanika-riyaziyyat fakültəsi, BDU
1972-1975,aspirant,Mexanika-riyaziyyat fakültəsi,BDU
1970-1972, ordu sıralarında həqiqi hərbi xidmət
1969-1970, laborant, Hesablama riyaziyyatı kafedrası, Mexanika-riyaziyyat fakültəsi, BDU

Mükafatlar və fərqlənmə redaktə

2014 Azərbaycan Respublikası Prezidenti yanında Elmin inkişafi fondu, Azerbaycan Respulikasının Rəbitə və İnformasiya Texnologiyaları Nazirliyi və UNESCO üzrə Azerbaycan Respulikasının Milli Komissiyası tərəfindən verilmiş diplom ( İKT sahəsində dərc olunmuş ən yaxşı elmi işlərə görə mükafat müsabiqədində II yer tutduqlarına görə təltif olunmuşdur).
2011-2014 Azərbaycan Respublikası Prezidenti yanında Elmi inkişaf fondu tərəfindən verilmiş Grand.
2011 Beynalxalq İASHE London təşkilatı tərəfindən verilmiş “Elmin infişafı” diplomu.
2009 Azərbaycan Respublikasının əməkdar müəllimi^[4].

Nəşrlər redaktə

On some properties of Richardson's extrapolation. Dif. equation. № 12, 1990
About one relationship between the order and the degree of for stable formula with forward-jumping. J. Compute. Mat. and Mat. Fiz. 1990.№ 7
On the maximal degree of the k-step Obrechkoff’s method. Bulletin of Iranian Mathematical Sociaty.^[5] Vol.28, №1, 2002.
On one application of forward jumping methods. Applied Numerical Mathematics^[6]. Volume 72, October 2013
Application of the hybrid method with constant coefficients to solving the integro-differential equations of first order. World Congress: 9th International conference on mathematical problems in engineering, aerospace and sciences, Vienna, Austria, 10-14 July 2012.
The application of the hybrid method to solving the Volterra integro-differential equation^[7]. World Congress on Engineering 2013, London, U.K., 3-5 July, 2013.
On the research of multi-step methods with constant coefficients. Monograph / LAP LAMBERT Academic Publishing^[8], 2013

İstinadlar redaktə

↑ "Arxivlənmiş surət". 2018-09-30 tarixində arxivləşdirilib. İstifadə tarixi: 2014-11-13.
↑ "Bakı Dövlət Universitetinin əməkdaşlarına fəxri adların verilməsi haqqında" Azərbaycan Respublikası Prezidentinin 30 oktyabr 2009-cu il tarixli, 538 nömrəli Sərəncamı. e-qanun.az Arxivləşdirilib 2014-11-09 at the Wayback Machine (az.)
↑ "Arxivlənmiş surət". 2021-12-09 tarixində arxivləşdirilib. İstifadə tarixi: 2014-11-13.
↑ "Arxivlənmiş surət". 2019-04-10 tarixində arxivləşdirilib. İstifadə tarixi: 2014-11-13.
↑ "Arxivlənmiş surət" (PDF). 2014-10-23 tarixində orijinalından (PDF) arxivləşdirilib. İstifadə tarixi: 2014-11-13.
↑ "Arxivlənmiş surət". 2015-09-24 tarixində arxivləşdirilib. İstifadə tarixi: 2014-11-13.
↑ "Arxivlənmiş surət" (PDF). 2022-01-20 tarixində arxivləşdirilib (PDF). İstifadə tarixi: 2014-11-13.
↑ "Arxivlənmiş surət". 2016-03-05 tarixində orijinalından arxivləşdirilib. İstifadə tarixi: 2014-11-13.

[1] "Arxivlənmiş surət". 2018-09-30 tarixində arxivləşdirilib. İstifadə tarixi: 2014-11-13.

[2] "Bakı Dövlət Universitetinin əməkdaşlarına fəxri adların verilməsi haqqında" Azərbaycan Respublikası Prezidentinin 30 oktyabr 2009-cu il tarixli, 538 nömrəli Sərəncamı. e-qanun.az Arxivləşdirilib 2014-11-09 at the Wayback Machine (az.)

[3] "Arxivlənmiş surət". 2021-12-09 tarixində arxivləşdirilib. İstifadə tarixi: 2014-11-13.

[4] "Arxivlənmiş surət". 2019-04-10 tarixində arxivləşdirilib. İstifadə tarixi: 2014-11-13.

[5] "Arxivlənmiş surət" (PDF). 2014-10-23 tarixində orijinalından (PDF) arxivləşdirilib. İstifadə tarixi: 2014-11-13.

[6] "Arxivlənmiş surət". 2015-09-24 tarixində arxivləşdirilib. İstifadə tarixi: 2014-11-13.

[7] "Arxivlənmiş surət" (PDF). 2022-01-20 tarixində arxivləşdirilib (PDF). İstifadə tarixi: 2014-11-13.

[8] "Arxivlənmiş surət". 2016-03-05 tarixində orijinalından arxivləşdirilib. İstifadə tarixi: 2014-11-13.

[1]

[2]

[3]

[4]

[5]

[6]

[7]

[8]