Venta şəlaləsi

Venta şəlaləsi (latış. Ventas rumba‎) — Avropanın ən enli şəlaləsi. Latviyanın Kuldiqa şəhəri ərazisində yerləşir. Suyun həcmindən asılı olaraq şəlalənin eni 100-110 metr arasında dəyişir. Bəzən isə eni 279 metr olur. Onun hündürlüyü yerindən asılı olaraqda dəyişə bilir. Hündürlük 1,6 - 2,2 metrdir. Əslində bu Venta çayı üzərində olan bir astanadır. Şəlalə boyunca uzanan astanalar ziqzaqvari forma əmələ gətirir. Venta çayı üzərində olan bu şəlalə təbiət abidəsi elan edilmiş və Venta vadisi təbiət yasaqlığına daxil edilmişdir..

Venta şəlaləsi
latış. Ventas rumba‎
Ümumi məlumatlar
Hündürlüyü	2.2 m
Eni	100—110 m
Çay	Venta çayı
Yerləşməsi
56°58′04″ şm. e. 21°58′44″ ş. u.
Ölkə	Latviya
Venta şəlaləsi
Vikianbarda əlaqəli mediafayllar

Tarixi

19-cu əsrdə Kurzeme vilayətinin Rusiya İmperiyasının əlinə keçməsi və Reç Pospotilanın parçalamnması ilə naviqasiya kanallarının çəkilməsi işinə başlanılmışdır. Hədəf Neman çayını Dubisa çayı ilə birləşdirmək olur. Bu tikintidə türk məhbuslarından istifadə edilir. 1831-ci ildə Venta çayında suyun çatışmaması səbəbindən işlər dayandırılmışdır.

Turizm

Venta Şəlaləsi Latviyanın ən məşhur turistik bölgələrindən biridir. Kuldiqa şəhəri Venta çayının sahilində yerləşir. Yaz aylarında suyun əhəmiyyətli dəyişiklik səbəbiylə şəlalə cazibədar bir yerə çevrilir. Şəlalədən cənubda Qala Parkı, Köhnə Kuldiqa şəhər mərkəzinin tarixi binaları yerləşir. Şəlalənin yuxarı hissəsində köhnə kərpic körpü 1874-cü ildə tikilmişdir. Körpünün hazırkı, iki avtomobilin sərbəst keçidinə imkan verir.

Balıq ovu

Şəlalə ərazisində balıqçı qayıqları mövcuddur. Təqribi olaraq 1640-cı ildə kurlyandiyalı hersoq Yakob Kettler balıqları çay axarı əksinə üzərkən ovlayan aləti kəşf etmişdir. Bununlada Atlantik qızılbalığı və Xəzər qarasolu kimi balıqları bir başa havada ikən tutmaq olurdu.. Hazırda Venta çayında nərə balıqları olmasa da Xəzər qarasolu və Atlantik qızılbalığıı indidə görülür.