Vera Poska-Qryuntal
Vera Poska-Qryuntal (est. Vera Poska-Grüntal) — Estoniyalı hüquq müdafiəçisi, hüquqşünas və jurnalist; eston feminizminin lideri.
| Vera Poska-Qryuntal | |
|---|---|
| Doğum tarixi | 25 mart 1898[1] |
| Doğum yeri | |
| Vəfat tarixi | 29 yanvar 1986[1] (87 yaşında) |
| Vəfat yeri | |
| Təhsili | |
| Mükafatları |
 |
Bioqrafiya
redaktə25 mart 1898-ci ildə Reveldə vəkil ailəsində anadan olmuşdur. Ailədə doqquz uşaq var idi: altı qız və üç oğlan, Vera ikinci övladdır. Tallinn gimnaziyasını bitirmişdir. 1915-ci ildə Petroqradda, sonra Voronejdə hüquq təhsili almağa başlayır. 1917-ci ildə o, Estoniya Tələbələrinin Pıxyala Cəmiyyətinə (EÜS Põhjala) qoşulur. Evləndikdən sonra Kuressaareyə, 1920-ci ildə Tartuya köçür. Müharibə və inqilab nəticəsində kəsilən təhsilini Tartu Universitetində davam etdirir. Dörd uşaq anası olaraq 1925-ci ildə hüquq fakültəsini bitirib. Sonra Tallinn Şəhər Hüquq Bürosunda vəkil işləyib, 1929-1935-ci illərdə Tartuda nikah və boşanma məsələləri üzrə hüquqi yardımı göstərir. 1939-cu ildə hüquq elmləri üzrə magistr dərəcəsi almışdır (dissertasiyanın mövzusu: yetkinlik yaşına çatmayanların əməyinin mühafizəsi).
1944-cü ildə Qırmızı Ordunun hücumu zamanı ailəsi ilə birlikdə İsveçə mühacirət edir. Onun əri Timofey Qruntal Stokholm Universitetində hökumət təqaüdü alır. 1955-ci ildə ərinin ölümündən sonra Vera Poska-Qryuntal Kanadaya köçür. Buraya 1951-ci ilin yazında qızı Konstans əri Kaljo Pill və oğulları Juri və Jaan ilə birlikdə gedir.
Təqaüdə çıxana qədər o, arxiv işçisi idi. 29 yanvar 1986-cı ildə Stokholmda vəfat edir. Vera Poska-Qryuntalın 12 cilddən ibarət şəxsi arxivi İsveç Milli Arxivində saxlanılır[2].
Fəaliyyət
redaktəEstoniya feminizminin lideri. 1928-ci ildə Parisdə Birinci Sosial İş Konqresində iştirak edir. Beynəlxalq qeyri-hökumət təşkilatı olan Beynəlxalq Qadın Hüquqşünaslar Federasiyasının təsisçilərindən biri - hüquqi yardım, hüquqi ədəbiyyat və maarifləndirmə proqramları, tədqiqat və nəşrlər, habelə vəkillik, hüquqi islahatlar vasitəsilə qadınların və uşaqların statusunu yüksəldir. Onun təşəbbüsü ilə 1931-ci ildə Ev və Məktəb Dərnəyi, Tartu Soroptimist Cəmiyyəti, 1939-cu ildə Tartu Analıq Rifah Cəmiyyəti və Evsiz analar üçün ev qurulur.
1934-cü ildə o, digər qadın hüquqşünaslarla birlikdə Estoniyada ailə hüququnun islahatına dair qanun layihəsi təqdim edir. 1936-1938-ci illərdə Beynəlxalq Universitet Qadınları Federasiyasının konqreslərinə dəvət olunub. 1939-cu ilin martından 1940-cı ilin fevralına qədər Paris Universitetində təqaüdçü kimi çalışmışdır. Onun yetkinlik yaşına çatmayanların müdafiəsi mövzusunda dissertasiyası 1941-ci ildə tamamlanır, lakin müdafiəsiz qalır.
1952-ci ildə İsveçdə eston dilində çıxan Triinu jurnalını təsis edir[3] və 1981-ci ilə qədər onun redaktoru olur. O, Kanadaya köçdükdən sonra bu jurnal Torontoda (sürgündə) Estoniya Qadınlar Cəmiyyətinin orqanı olur.
Mükafatları
redaktəİstinadlar
redaktə- ↑ 1 2 Vera Grünthal–Poska // Eesti biograafiline andmebaas ISIK (est.).
- ↑ "Vera Poska Grünthals arkiv (ingår i Baltiska arkivet)". Riksarkivet (isveç). 2021-05-14 tarixində arxivləşdirilib. İstifadə tarixi: 2021-05-29.
- ↑ de Haan, Francisca; Krasimira Daskalova; Anna Loutfi. A Biographical Dictionary of Women's Movements and Feminisms in Central, Eastern, and South Eastern Europe 19th and 20th Centuries. — Budapest, New York: Central European University Press, 2006. — С. 450-454. — ISBN 978-963-7326-39-4.
- ↑ "Teenetemärkide kavalerid". Vabariigi President (eston). 21.02.1940. 2021-06-02 tarixində arxivləşdirilib. İstifadə tarixi: 2021-05-29.