Vikipediya:Çətin bloklar tətbiq etməyə hazır inzibatçılar
 | Bu səhifə Vikipediya haqqında bir essedir. Səhifə vikipediyaçılar üçün məsləhət və rəy xarakteri daşıyır. Vikipediyanın rəsmi prinsiplərindən və qaydalarından biri deyil, eləcə də, vikicəmiyyətin ümumi fikrini əks etdirməyə bilər. Bəzi esselər geniş mövzuları əhatə edir, bəzi esselər isə ancaq spesifik mövzulara toxunur. |
Bu səhifə Vikipediyada inzibatçı kimi atdığı addımlara və gördüyü tədbirlərə görə saytdan kənarda və real həyatda təhdid və təqiblərə məruz qalan inzibatçıların sayının artmasına cavab olaraq yaradılmışdır. Belə hallar adətən inzibatçıların real həyatları ilə bağlı həddən artıq şəxsi məlumatlarını qeyd etmələri, bəlkə də hansısa bir düşməninin bu məlumatları bir araya gətirə biləcəyini və onu tanıyacağını düşünmədən tədricən vermələri, yaxud da Vikipediyaya ilk qoşulduqlarında anonimliklərini qorumaq üçün heç bir səbəb görmədikləri üçün baş verir.
Nisbətən az görünən olsa da, təqiblərlərin içərisində kibertəqib, oflayn təqib, onların şəxsi məlumatlarını icazəsi olmadan paylaşma, şifahi təhqir, fiziki zorakılıqla hədə-qorxu gəlmə, evdə əlaqəyə keçmə, ailə ilə bağlı təhdidlər, iş yerində əlaqəyə keçmə, işdən qovma təhdidi və istehza ola bilər.
Aşağıdakı siyahı ya Vikipediyada onları real həyatdakı şəxsiyyətləri ilə əlaqələndirən heç bir məlumatın olmadığına əmin olan, yaxud atdığı qətiyyətli addımların nəticələrinə bəri başdan hazır olan inzibatçılardan ibarətdir.
Pozucu ya da təhqiredici redaktorlarla qarşılaşan və ya daha əvvəllər belə bir şəxsi blokladığına görə təhdid edilən hər hansı inzibatçı bu siyahıdakı inzibatçılardan biri ilə əlaqə saxlaya və onlardan işi öz üzərinə götürməsini xahiş edə bilər. Ciddi vəziyyətlərdə, lütfən, birbaşa könüllü əlaqə qrupu ilə əlaqə saxlayın.
Siyahıda özünüz də olsanız, şəxsi olaraq təhdid edildiyiniz halda başqa bir inzibatçının işi öz öhdəsinə götürməsini istəyə bilərsiniz, həmçinin birdən artıq inzibatçının müdaxilə etdiyi vaxt özünüzü daha təhlükəsiz hiss edə bilərsiniz. Siyahıdakı inzibatçılar heç bir səbəb göstərmədən istənilən vaxt adlarını silməkdən çəkinməməlidir.
Siyahıda olan inzibatçılar istifadəçi səhifələrində {{İstifadəçi çətin bloklar}} şablonundan istifadə edə bilərlər. Bu, istifadəçini Kateqoriya:Çətin bloklar tətbiq etməyə hazır inzibatçılar səhifəsinə əlavə edəcək və şablon bu formada görünəcək:
 Bu inzibatçı lazım gəldikdə çətin bloklar tətbiq edə bilər və edəcək. |