Vikipediya:İnzibatçılara müraciət

↓	Zəhmət olmasa, aşağıdan yeni mövzu əlavə edin

İnzibatçı hüququnun alınması

Salam, hörmətli inzibatçılar. Bir müddət əvvəl KM'da inzibatçıların qeyri-aktivliyi müzakirə olundu. Müzakirədə qeyd olundu ki inzibatçıların öz hüququndan könüllü şəkildə imtina etmələyi daha yaxşıdır.Məndə bu fikrə qatılıram. Lakin təəssüflər olsun ki qeyri-aktiv inzibatçılardan heç biri öz hüququndan könüllü şəkildə imtina etmədi. Əvvəlcədən də qeyd edirəm ki, mən bu müraciətimi heç kimə qarşı şəxsi zəmin də etmirəm. Hər bir inzibatçıya böyük hörmətim var.Lakin hörmətli Wertuose və Baskervill -nin inzibatçı fəaliyyəti qənaətbəxş olmayaraq davam edir. Anlayıram, hər kəsin işi var. Lakin inzibatçılıq əlavə məsuliyyətdir. Daşıya bilməyən, yetərincə zamanı olmayan etməməlidir. Bu səbəbdən siz inzibatçılardan xahiş edirəm ki, müvafiq proseduru tətbiq edərək qeyd etdiyim inzibatçılardan statusu alınması üçün lazımi olan səsverməni başladasınız. Yenə qeyd edirəm ki, şəxslərə qarşı heç bir qərəzim yoxdur. — Wealszy (müzakirə) 16:25, 24 aprel 2023 (UTC)

@Eldarado zəhmət olmasa nəzər yetirin. — Wealszy (müzakirə) 13:40, 25 aprel 2023 (UTC)

Gözləmədə: Salam Wealszy, müraciətiniz qeydə alındı. Qaydalara uyğun yoxlanış ediləcək, uyğundursa növbəti prosedura keçiləcək. Təşəkkür edirəm. Hörmətlə — eldarado(müzakirə | fəaliyyət | meta səhifəsi) 06:47, 26 aprel 2023 (UTC)

 Cavab: Ana səhifənin yenilənməsi, SNS və vandalizm halları ilə effektiv mübarizə apara bilmək üçün inzibatçı hüququna sahib olmam önəmli məsələdir. Cənab Wealszy bu günə qədər inzibatçı hüququmun məndən alınması üçün 6 cəhd olub və inanıram ki, bunlardan heç biri qərəzli mövqe daşımayıb. Ən azından mən özümü buna inandırmışam. Fəaliyyətimi tam bərpa etmişəm və sizə təklif edirəm ki, may ayının sonuna qədər mənim fəaliyyətimi daha yaxından izləyəsiniz və o zaman bir daha əmin olacaqsınız ki, fəaliyyətimlə Azvikiyə fayda verən bir inzibatçıyam. Hörmətlə:— Baskervill (müzakirə) 22:54, 26 aprel 2023 (UTC)

Wealszy, qaydalara görə qeyri fəal inzibatçılar statuslarının alınması üçün müzakirəyə çıxarıla bilər və hal hazırda Wertuose və Baskervill uyğundur. Lakin hər iki inzibatçının təcrübəsi və dəyərli töhfələri ilə yanaşı son günlərdəki fəallığını nəzərə alaraq təklif edirəm ki, bir ay da zaman verək. Bəlkə yenidən iki dəyərli vikipediyaçını geri qazandıq. Wertuose, sizdən də bir açıqlama gəlsəydi mövzu ilə əlaqədar çox yaxşı olardı. Hörmətlə — eldarado(müzakirə | fəaliyyət | meta səhifəsi) 09:52, 30 aprel 2023 (UTC)

@Eldarado son günlər Baskervillin fəaliyyətində müsbət dəyişikliklər baş verib. Təəssüf ki, bu Wertuose'nin fəaliyyətində baş verməyib, lakin viki üçün iki vikipediyaçını qazanmaq daha vacibdir. Bunun üçündə bir ay zaman vermək olar, amma yenə müsbət dəyişiklik baş verməzsə, statusun alınması ilə bağlı səsvermə başladılsın. — Wealszy (müzakirə) 10:10, 30 aprel 2023 (UTC)

Wealszy, mənimlə həmfikir olduğunuz üçün təşəkkür edirəm və o zaman bu müzakirəni bir ay ərzində yekunlaşdırmırıq və gözləmədə saxlayırıq. Hörmətlə — eldarado(müzakirə | fəaliyyət | meta səhifəsi) 10:18, 30 aprel 2023 (UTC)

Wealszy, "fəaliyyətində müsbət dəyişiklik baş verməyib" deyərkən nəyi nəzərdə tutursunuz? Hazırkı qaydalara görə aktivliyin göstəricisi son 6 ayda 500 redaktədir. Ötən ilin 28 oktyabr tarixindəki səsvermədən sonra keçən 6 ay ərzində mənim 500 redaktəm var, XToolsda bunu asanlıqla yoxlamaq mümkündür və səhifəmdəki redaktə sayım görünən linkdən yoxlaya bilərsiniz. Bir də məlumunuz olsun ki, bu cür tələb az-vikidən başqa heç bir digər vikidə yoxdur və bu qaydanın təşəbbüskarı vaxtilə mən özüm olmuşam, bu həmin dövrdə az-vikidə yaranmış situasiya ilə bağlı olub.--Wertuose (müzakirə) 19:29, 5 may 2023 (UTC)

@Eldarado salam. bir ay keçdi zəhmət olmasa Wertuose'dən statusun alınması ilə bağlı müvafiq müzakirəni başladın. — Wealszy (müzakirə) 18:54, 31 may 2023 (UTC)

Məqaləmin qəbul olunmaması

MƏnim daxil etdiyim məqalə qəbul olunmur, istinad daxil etməkdə çətinlik çəkirəm. Necə kömək edə bilərsiniz VusalaNabisoy (müzakirə) 16:37, 9 may 2023 (UTC)

VusalaNabisoy salam, söhbət hansı məqalədən gedir? fəaliyyətinizdə üzərində işlədiyiniz məqaləyə rast gəlmədim. Atakhanli (müzakirə) 22:49, 9 may 2023 (UTC)

amma yəqin ki, söhbət Azizov Aziz-dan gedir. Atakhanli (müzakirə) 22:50, 9 may 2023 (UTC)

Salam. Bəli. Mən məqaləni yerləşdirsəm də təsdiqlənmir. yaxud adminlər tərəfindən silinir. Yardım edə bilərsinizmi? Yanlış olan nədir? — Bu imzasız yazı VusalaNabisoy (m • t) adlı istifadəçi tərəfindən əlavə edilib;

VusalaNabisoy məqalə vikipediyanın ensiklopedik əhəmiyyət kriteryalarına cavab vermədiyi üçün silinə bilər və ya ciddi stil kitabçası pozuntusu ehtiva etməsi səbəbi ilə və s. həmin şəxs haqda məlumat necə əldə edə bilərəm? çünki həmin şəxsin ensiklopedik olub-olmamasını bilmirəm. deyilsə, yaratsanız yenə silinəcək. Atakhanli (müzakirə) 06:40, 11 may 2023 (UTC)

Qiymətləndirmə

Vikipediya:Məqalə namizədləri və Vikipediya:Qiymətləndirmə səhifələrində cavab gözləyən namizədlər var. NMW03 (müzakirə) 18:48, 9 may 2023 (UTC)

Şəxsən mən seçilmiş məqalə namizədlərindən 5 məqaləni təqdim etmişəm. Hər idarəçi bir bu qədər namizəd məqalənin üzərində işləsə problem qalmazdı.— Baskervill (müzakirə) 03:14, 10 may 2023 (UTC)

Müraciət

Salam. Mənim Vikipediyamın yaradılması üçün köməklik etməyinizi xahiş edirəm. — Bu imzasız yazı Teymur Valeh (m • t) adlı istifadəçi tərəfindən əlavə edilib; 03:25, 20 may 2023 (UTC)

Salam, Teymur Valeh. Özünüz haqda məqalə yayımlamaq istəyirsiz? Gadir (müzakirə) 20:40, 20 may 2023 (UTC)

Teymur Valeh salam, qarşılaşa biləcəyiniz hər hansı çətinlik ilə bağlı mənə və ya digər təcrübəli istifadəçilərə müraciət edə bilərsiniz. siz öz istifadəçi səhifənizdə özünüz barədə məlumat yerləşdirə bilərsiniz. özünüzün viki məqaləsini yaratmağı nəzərdə tutursunzusa, lütfən ilk olaraq tanış olun: VP:ŞEƏ. uğurlar. Atakhanli (müzakirə) 21:00, 20 may 2023 (UTC)

Blok

Türk Yolu İctimai Birliyi (müzakirə • töhfələr)
"eManat" Ödəniş Sistemi (müzakirə • töhfələr)
Affa U17 liga (müzakirə • töhfələr)

• VP:REKLAM əsasən bloklanmalıdır.

Gadir (müzakirə) 20:31, 20 may 2023 (UTC)

@Atakhanli, zəhmət olmasa, yuxarıda qeyd etdiyim və aşağıdakı adları blokla.

Anti-texribatci041 (müzakirə • töhfələr)
Antitexribatci041041 (müzakirə • töhfələr)

• VP:TƏHQİRAMİZ əsasən bloklanmalıdır. Həmçinin VP:BURADADEYİL.

Gadir (müzakirə) 11:17, 23 may 2023 (UTC)

@White Demon, unutdum adlarını, təxmini xatırlayıram. @Wealszy, qeyd edərdiz. Gadir (müzakirə) 12:22, 23 may 2023 (UTC)

@Gadir adları budur: Sik899, Peyser Ermeniler — Wealszy (müzakirə) 12:36, 23 may 2023 (UTC)

Gadir, ürəyimə danmışdı əslində belə olacağı. Açığı, bu səhifəyə yazmağı ağıl etdiyinə görə, mənbə məsələsini izah etmək olardı. --► Hörmətlə: SolaVirum 23:50, 23 may 2023 (UTC)

Açığı, izah edirdim, amma redaktəsi geri qaytarılmışdı artıq və hazırda da bloklanıb. Gadir (müzakirə) 00:01, 24 may 2023 (UTC)

@White Demon, baxardınız. Gadir (müzakirə) 08:57, 25 may 2023 (UTC)

Wikifounded (müzakirə • töhfələr)

• VP:ALDADICI əsasən bloklanmalıdır.

Gadir (müzakirə) 05:28, 26 may 2023 (UTC)

Salam nə üçün əlavəm silinib? Wikifounded (müzakirə) 05:41, 26 may 2023 (UTC)

Salam. Səbəbi qeyd edilib. Bu arada, sizin istifadəçi adınız Vikipediya qaydalarına uyğun deyil və dəyişmək üçün müraciət etməzsəniz, hesabınızın fəaliyyəti müddətsiz məhdudlaşdırılacaq. Bu səhifədən müraciət edə bilərsiniz. Hörmətlə, Gadir (müzakirə) 05:45, 26 may 2023 (UTC)

Üzürlü hesab edəsiniz wikipediada yeniyəm mənə bununla bağlı dəstək ola bilərsinimiz ? bir iki sualım var da Wikifounded (müzakirə) 05:51, 26 may 2023 (UTC)

Bir - iki sualım var onu necə ünvanlıya bilərəm Wikifounded (müzakirə) 05:54, 26 may 2023 (UTC)

Ad dəyişdirmək çox vaxt aparacaq, ondansa yeni hesab açın. Bikar Orxan (müzakirə) 05:50, 26 may 2023 (UTC)

oldu Wikifounded (müzakirə) 05:52, 26 may 2023 (UTC)

Müraciətlərə niyə etinasız yanaşılır? Gadir (müzakirə) 05:30, 26 may 2023 (UTC)

Mən adın dəyişməsi üçün müraciyyət ünvanladım nə zmana dəyişər ki? Wikifounded (müzakirə) 06:29, 26 may 2023 (UTC)

Təzə hesab yaratmaq daha tez olacaq. Bikar Orxan (müzakirə) 06:30, 26 may 2023 (UTC)

problem odur ki məqalələr yaratmışdım silinəcəkmi başqa hesabım var sizin emailə yazdım) Wikifounded (müzakirə) 07:09, 26 may 2023 (UTC)

Ad dəyişdirmə hüququ

İnzibatçılardan xahiş edirəm, ad dəyişdirmə hüququndan sui-istifadə edən @Gadir-dən bu hüququ alasız. Bu hüquqdan həddindən artıq çox sui-istifadə edib. Sayını itirmişəm. Hələlik sonuncunu qeyd edəcəm.

Məsələn bu məqalə. İstifadəçi iddia edir ki, Kamal Kılıçdaroğlu yox, Kamal Qılıncdaroğlu olmalıdır. Baxın hər şeyi qoyuram bir kənara Google-a dırnaq içində "Kamal Kılıçdaroğlu" yazanda 115 min, yenə dırnaq içində "Kamal Qılıncdaroğlu" yazanda isə cəmi 3900 nəticə çıxır. İndi bu istifadəçi ilə nəyin mübahisəsini, müzakirəsini edəsən? 115 mini qoyub, 3900-ün müzakirəsini edənlə nə danışasan? Bu istifadəçinin AzVikiyə bu və buna bənzər redaktələrlə xeyirdən çox valalh zərəri var. Adamın boş-boşuna vaxtını alır, əsəblərini oynadır.

@Eldarado və @Eminn yadınızdadırsa bir dəfə də bu barədə müzakirəmiz olmuşdu və bu hüququ almışdız bu istifadəçidən. İndi necə olur bu istifadəçi yenidən oxşar hərəkətlər edir? samral ^müzakirə 08:26, 28 may 2023 (UTC)

Samral, xahiş edirəm, özünüzü ələ alın və məni əssasız ittiham etməyin. Məni zərərli fəaliyyətlə ittiham etmək həm gülünc, həm də ciddi ittihamdır. Burada səhvi siz etmisiniz, məqalənin adı 2014-cü ildən o formada idi. Tarixçədən də baxa bilərsiniz. Siz niyə görə onu heç bir müzakirə aparmadan orada müzakirə nəticəsində yazıb dəyişdirmisiniz, açıqlayın, zəhmət olmasa. Addəyişmə haqlı olsa belə, müzakirə lazım idi, siz müzakirəsiz dəyişdirdiyiniz üçün geri almışam. Zəhmət olmasa, müzakirəni qeyd edə bilərsiniz? Gadir (müzakirə) 08:43, 28 may 2023 (UTC)

Bu addəyişməni izah edə bilərsiniz? Gadir (müzakirə) 08:49, 28 may 2023 (UTC)

Zəhmət olmasa, zərərli fəaliyyətlərimi qeyd edin. Gadir (müzakirə) 09:10, 28 may 2023 (UTC)

Əvvəla "özünüzü ələ alın" ifadəniz VP:N qaydasının pozulmasıdır. 2-cisi Kılıçdaroğlu ilə bağlı müzakirə deyəndə elə o məqalənin müzakirə səhifəsindəki müzakirəni nəzərdə tutmuşdum. Əlvənd mirzəyə gəldikdə əvvəla o məqalənin adı əvvəldən o cür olub və 2021-də Qızılbaş adlı istifadəçi müzakirəsiz və əsassız şəkildə bu məqalənin adını dəyişib. Həmçinin demək olar ki, bütün akademik və etibarlı mənbələrdə şəxsin adı məhz o cürdür. Desəz ki, bəs axı Qaraqoyunlu Əlvənd mirzə də var. Qaraqoyunlu Əlvənd mirzə, Ağqoyunlu Əlvənd mirzə qədər məşhur deyil. Təşbehdə qüsur olmaz, Prezident İlham Əliyev ilə digər İlham Əliyevlərin fərqi kimi. Vallah billah mən sizin addəyişmələrinizdən və mənasız və yersiz addəyişmə müzakirələrinizdən bezmişəm. Siz bezmirsiz? Yorulmursuz? Töhfə verin də AzVikiyə ondansa. Niyə bu mənasız müzakirələrlə adamı yorursuz, bezdirirsiz. Nədi məqsədiniz? samral ^müzakirə 09:25, 28 may 2023 (UTC)

Özünüzü ələ almağınzı xahiş edirəm, yəni etika qaydalarına əməl etməyinizi. Niyə bu qədər aqressiv davranırsınız və bu qədər kobud üsluba nə gərək var? Müzakirə açsaydınız, nəticəyə əsasən, müvafiq dəyişikliyi edərdiniz. Özünüz məni hüquqdan sui-istifadədə ittiham edirsiniz, amma özünüzün bu etdiyi nədir? Məqalənin adı 10 ildir ki, elə idi. Xahiş edirəm, ifadələrinizə diqqət edin və nəzakətli olun. Bu, birinci hal deyil ki, mənimlə bu tonda müzakirə aparırsınız. Müzakirə səhifəsində müzakirə yox idi, sadəcə bir istifadəçi yazmışdı, o qədər. Bu, konsensus deyil. O ki qaldı, mənim məqsədimə, mənim məqsədim Vikipediyaya əlimdən gəldiyi qədər töhfə verməkdir və hansı ki, bunu bacardığım qədər edirəm. Siz bunu görməyə bilərsiniz, amma bu, belədir. Gadir (müzakirə) 09:36, 28 may 2023 (UTC)

@NMW03, @Solavirum, @White Demon, xahiş edirəm, hüquqlar məndən əssasız yerə alınmadan və başqa bir hadisə baş vermədən öncə məsələ ilə bağlı fikirlərinizi bildirəsiniz. Zəhmət olmasa, sizlər də müzakirədə iştirak edin. Gadir (müzakirə) 09:39, 28 may 2023 (UTC)

Hələ bu redaktəyə, nəzakətsizliyə baxın. Gadir (müzakirə) 09:41, 28 may 2023 (UTC)

@Samral, istifadəçiyə qarşı bu qədər aqressiv olmağa ehtiyac yoxdur. Məqalənin adının Kamal Kılıçdaroğlu olmasında məndə razıyam, amma müzakirəni tapa bilmədiyi üçün əvvəlki vəziyyətinə qaytarması vandalizm sayılmamalıdır. @Gadir, o Tuğ məqaləsində də həqiqətən məsələni lazımsız yerə uzatmısız. Fakt odur ki, bizdə Tuğ deyəndə birinci bayraq yada düşmür, həmin yer yada düşür. Məsələni bu qədər uzatmağa nə ehtiyac var? Şiroi Akuma 09:56, 28 may 2023 (UTC)

@White Demon, məncə, mötərizədə kənd yazılsa yaxşı olar. Yenə də digər istifadəçilərin də fikirləri maraqlıdır. Onlar da deyirsə ki, qalsın, problem yoxdur, qalsın. @Samral, vaxtilə Almaniyaya aid 2 məqalənin adını müzakirəsiz dəyişdiyim üçün məni şikayət etdiniz və hüquqlar məndən alındı. Halbuki, mən o əməliyyatı düz 1 il əvvəl etmişdim və onda heç bu hüquq idxal belə edilməmişdi. Amma indi siz müzakirəyə əsasən yazıb niyə dəyişmisiniz? Ortada müzakirə varsa, qeyd edin. Məsələn, burada siz haqlı idiniz və mən də addəyişməni etdim. Yəni müzakirə açın, Qılıncdaroğlunu da konsensus ilə Kılıçdaroğlu edək. Problem nədir ki? Niyə belə aqressiv davranış sərgiləyirsiniz? Gadir (müzakirə) 10:59, 28 may 2023 (UTC)

@Gadir, deyirəm sizə cavab vermək istəmirəm. Deyirəm mənasız, yersiz müzakirələr aparıb yoruculuq, bezidiricilik edirsiz. İsrarla adımı teq edib əl çəkmirsiz. Siz Vikipediya ilə forumu qarışdırmısız. Necə ki, bu müzakirədə @Bikar Orxan sağolsun səbirlə sizinlə müzakirə aparıb müxtəlif mənbələrdən, hətta Azərbaycan Respublikasının Prezidentinin rəsmi saytından mənbə təqdim edib. Siz ona nə yazmısız? Gah məsələn "az24saat.org" adlı bir sayta istinad edərək məqalənin adının Qılıncdaroğlu olmağını tələb etmisiz, gah isə məsələn yenə məhz "az24saat.org" adlı sayta istinad edərək qeyd etmisiz ki, onlar Ərdoğan əvəzinə "Erdoğan" yazıblar bu səhvdi. Görürsüz, siz özünüz türk siyasətçilərinin soyadlarını səhv yazan sayta əvvəlcə istinad edirsiz, onu sanki etibarlı obyektiv mənbə imiş kimi təqdim edirsiz, sonra yenə də həmin saytı səhv yazan saytlardan biri kimi göstərirsiz. Yəni ki, öz-özünüzü inkar edirsiz. Bikar Orxan adlı istifadəçinin tutarlı dəlil və arqumentlərindən sonra nə yazmısız? "Sabah qərar verərik. :)" Bu viki-icma ilə məzələnməkdir. Bu Vikipediyanı foruma çevirməkdir. Aydındı? Deyirsiz hansı müzakirəyə istinad etmişəm? Məhz elə həmin müzakirədəki Bikar Orxanın tutarlı müzakirəsinə istinad etmişəm. Addəyişdirmə hüququma və 12 illik vikitəcrübəmə istinad etmişəm. Yuxarıda Google nəticələrini qeyd etmişəm. 115 min - 3900 arasındakı 111 minlik yəni 96 faizlik bir fərqin harasını müzakirə edim mən? Siz ya çox bekarsız ki, bu cür müzakirələrlə viki-icmanın vaxtını alırsız, ya da məqsədiniz elə bu cür müzakirələrlə insanların əsəblərini oynatmaqdı. samral ^müzakirə 11:21, 28 may 2023 (UTC)

Məni teq edib mesaj yazmısınız və mən də sizə cavab yazmışam. Siz ora qeyd etmisiniz ki, "müzakirəyə əsasən". Və mən də axtarıb həmin müzakirəni tapa bilməmişəm və geri almışam. Burda yanlış yoxdur. Məsələ bundan ibarətdir. @White Demon, istifadəçi nəzakətsizlik etməyə və aqressiyaya davam edir, zəhmət olmasa, diqqət yetirin. Gadir (müzakirə) 12:27, 28 may 2023 (UTC)

@Gadir istinad olaraq göstərdiyiniz saytlarda o cür adlandırılma verilməsi elə vikipediyadakı səhv ucbatındandır. Müzakirəni tapmıyıb adı dəyişmək məsələsində Samralı indi olduğu kimi tag eliyib soruşmaq olardı. @Samral "Sabah qərar verərik. :)" cümləsi yumor xarakteri daşıyır. Bu qədər sərt reaksiya verməyə ehtiyac yox idi. Bikar Orxan (müzakirə) 13:31, 28 may 2023 (UTC)

Report.az, BBC kimi mənbələr nə üçün "Erdoğan" yazıblar, maraqlıdır. Gadir (müzakirə) 13:35, 28 may 2023 (UTC)

samral, əsaslandırma düzgün deyil. Bunu çox rahat başa düşürsünüz ki, "Kılıçdaroğlu" yazanda "Google"da yalnız Azərbaycandilli məzmun çıxmır. --► Hörmətlə: SolaVirum 11:51, 2 iyun 2023 (UTC)

Konsensus yaranana qədər əvvəlki halına çevirdim. Təklifim ondan ibarət ki, "Kamal Kılıçdaroğlu[mənbə] və ya Kamal Qılıncdaroğlu[mənbə] (yerli dildə adı və s.)" formasında olsun, başlıq da Kılıçdaroğlu ilə. --► Hörmətlə: SolaVirum 11:54, 2 iyun 2023 (UTC)

@Solavirum, zəhmət olmasa rəyimə və linkə diqqətlə baxın. Mən təkcə Kılıçdaroğlu deyib əsaslandırmamışam. Kamal Kılıçdaroğlu demişəm. Türklər Kemal deyir. samral ^müzakirə 12:12, 2 iyun 2023 (UTC)

Kamal Kılıçdaroğlu yazanda da sadəcə Azərbaycandilli məzmun çıxmır onsuz. Gadir (müzakirə) 12:15, 2 iyun 2023 (UTC)

Niyə ki? Şiroi Akuma 12:17, 2 iyun 2023 (UTC)

Qılıncdaroğlu yazanda çıxan nəticələr Kılıçdaroğlu yazanda çıxan nəticələrdən qatbaqat azdır. Şiroi Akuma 12:19, 2 iyun 2023 (UTC)

Bağışlayın, mən dırnaqsız axtarış etdim. Olar onda, amma ki, digər versiya da Solavirum dediyi kimi, alternativ versiya kimi başlıqda qeyd edilsin. Hörmətlə, Gadir (müzakirə) 12:21, 2 iyun 2023 (UTC)

Amma bu barədə məqalənin müzakirə səhifəsində müzakirə aparmağımız daha doğru olar. Gadir (müzakirə) 12:22, 2 iyun 2023 (UTC)

@Gadir, mən əvvəldən dırnaq-dırnaq deyirəm. Nəbilim vallah. Söz tapa bilmirəm daha. samral ^müzakirə 12:53, 2 iyun 2023 (UTC)

Hörmətli @Samral, bu barədə əvvəldən məqalənin müzakirə səhifəsində müzakirə açsanız, daha doğru olardı, hesab edirəm. Hörmətlə, Gadir (müzakirə) 12:55, 2 iyun 2023 (UTC)

@Gadir, fərqi nədi? Nəyi uzadırıq? Niyə uzadırıq? Bu müzakirəni lap köçürək ora. Fərqi yoxdu mənim üçün. Əsas odu bu ciddi səhv aradan qaldırılmalıdır. samral ^müzakirə 14:25, 2 iyun 2023 (UTC)

Hacı Ramil Bədəlov

Bu şəxs tanınmış bir şəxslərdən biridir.Onun adı wikipediada çəkilsədə ona aid səhifə yoxdu Muhammed Rza 313 (müzakirə) 11:41, 2 iyun 2023 (UTC)

@Muhammed Rza 313, Hacı haqqında ətraflı məlumatınız varsa bunu siz də edə bilərsiniz. Mən də məmnuniyyətlə sizə bu işdə kömək edərəm. samral ^müzakirə 12:13, 2 iyun 2023 (UTC)

Samral, zəhmət olmasa, istifadəçinin müzakirə səhifəsinə nəzər yetirin. Deyəsən yaratmaq istədiyi səhifə elə bu haqdadır. Gadir (müzakirə) 12:16, 2 iyun 2023 (UTC)

uyğunsuz istifadəçi adı

bu istifadəçi → Tafsilar-info, VP:REKLAM qaydalarına görə bloklanmalıdır. — Xeyal ^(müzakirə) 10:53, 6 iyun 2023 (UTC)

Təəssüf ki, yuxarıda qeyd etdiyim kimi, sorğulara etinasız yanaşılır. Bu istifadəçini gördüm, amma yenə baxılmayacağını düşündüyüm üçün qeyd etmədim. Gadir (müzakirə) 11:00, 6 iyun 2023 (UTC)

REKLAM qaydasında yazılıb: "Bu cür istifadəçi adlarına sahib, lakin əlaqəli məqalələrdə problemli şəkildə redaktə etməyən istifadəçilər bloklanmamalıdır. Bunun əvəzinə, istifadəçi adlarını dəyişdirməyə təşviq edilməlidirlər." NMW03 (müzakirə) 11:05, 6 iyun 2023 (UTC)

Əvvəllər bu barədə istifadəçilərə müraciətlərim olub, amma xeyri olmayıb, adlarını dəyişməyiblər. Amma düşünürəm ki, bloklanmalı və müzakirə səhifələrinə bu barədə mesaj yerləşdirilməlidir. Əgər dəyişdirərlərsə də blokları açılmalıdır. Belə görmüşəm. Məncə, belə tətbiq olunmalıdır. Gadir (müzakirə) 11:07, 6 iyun 2023 (UTC)

"Məncə" ilə olmur. Qaydada elə yazılmayıb. NMW03 (müzakirə) 11:09, 6 iyun 2023 (UTC)

Haqlısız, ancaq çox vaxt cavab vermirlər və fəaliyyət göstərməyə o adla davam edirlər. O səbəbdən dedim, bloklanıb xəbərdarlıq edilsə, daha yaxşı olar. Bu, aldadıcı adlar üçün də keçərlidir? Gadir (müzakirə) 11:11, 6 iyun 2023 (UTC)

ümumiyyətlə, bu hesablar o vaxt problemli olur ki, redaktə edirlər, aldadıcı fəaliyyət sərgiləyirlər. bəzi hallarda gedib 2014-cü ilin 0 fəaliyyəti olan istifadəçi adların ortaya çıxarırlar ki, bəs bloklanmalıdır. Atakhanli (müzakirə) 06:18, 7 iyun 2023 (UTC)

Bu məntiqlə redaktələrinin üzərindən saatlar keçmiş istifadəçiləri də bloklamak doğru deyil axı onda. Gadir (müzakirə) 06:55, 7 iyun 2023 (UTC)

@NMW03, belə istifadəçi adlarına icazə var, "Vikiistifadəçi"? Gadir (müzakirə) 11:18, 7 iyun 2023 (UTC)

Təkrarlanan vandalizm

Hörmətli inzibatçılar! 1-2 ilə yaxındır eyni şəxs, müxtəlif hesablar və IP-lər tərəfindən bənzər vandalizm aktları törədilir. Son rastlaşdığım isə bu IP-dir Nazirlər Kabineti (Azərbaycan) səhifəsinin tarixçəsinə baxaraq görə bilərsiniz. Bu şəxs İcra Hakimiyyəti->Bələdiyyə, Prezident->Ölkəbaşçısı kimi öz düşüncələrindəki "öztürkcələşdirmə" proyektlərini vikipediya üzərində gerçəkləşdirir. Acınacaqlısı isə odur ki, onun redaktələri bəzən aylarla dəyişdirilmir, geri alınmır. İcra başçılarının məqalələrində bələdiyyə deyə dəyişdirilib 6 ay qalan titullar oldu. Nazirlər Kabineti məqaləsi kimi çox oxunan məqalədə 1 aydır absurd yazılar aktiv olaraq qalırdı. Xahiş edirəm, sizə əmanət edilmiş səlahiyyətlər çərçivəsində tədbir görün. - Dr.Wiki54 (müzakirə) 11:09, 6 iyun 2023 (UTC)

Sizin bir dəfə də bu barədə müraciətinizi xatırlayıram. Keçən il idi deyəsən. Bilirsiniz ki, qeyri-aktivlik dövründə belə hallar çox oldu, çox rastlaşdıq. Düşünürəm ki, bunun qarşısını almağın yeganə yolu TrVikidəki kimi bir oxşar sistem tətbiq etməkdən keçir. Gadir (müzakirə) 11:35, 6 iyun 2023 (UTC)

@Gadir mümkün versiyadır. Dr.Wiki54 (müzakirə) 16:36, 6 iyun 2023 (UTC)

o vaxt yadımdadır, kütləvi idi. xeyli redaktəsin də geri qaytarmışdım. ip-dən əlavə, istifadəçi hesabı ilə də edilirdi. hələ bir ara düşünmüşdüm ki, yəqin həqiqətən də nazirliyin adı dəyişilib. girib saytından yoxlamışdım)) Atakhanli (müzakirə) 06:14, 7 iyun 2023 (UTC)

Zəhmət olmasa, bu məqaləyə də nəzər yetirin. Gadir (müzakirə) 11:04, 7 iyun 2023 (UTC)

@Gadir görmüşəm, böyük ehtimalla şəxs elə özüdür. və redaktələrində problem görmürəm. Atakhanli (müzakirə) 11:05, 7 iyun 2023 (UTC)

@Atakhanli, iş burasındadır ki, həmin məzmunun yeri Vikipediya yox, Vikikitab və Vikimənbədir. Gadir (müzakirə) 11:09, 7 iyun 2023 (UTC)