Vikipediya:Ana Səhifə:Xəbərlər/36. Həftə 2019

Hörümçək-adam

• Danimarkanın Orhus şəhəri işıqforları vikinqlərin təsviri ilə təchiz edib. İşıqforlarda adi işarələrin əvəzinə əllərində döyüş qalxanı və baltası tutan vikinqlər təsvir edilib.
• Ukrayna parlamenti prezident Vladimir Zelenskinin seçkiqabağı kampaniyası zamanı anti-korrupsiya vədlərinin bir hissəsi olaraq, deputatların toxunulmazlığının ləğv edilməsinə səs verib.
• Rusiya ABŞ-ı Suriyanın İdlib vilayətində hava hücumu keçirməklə atəşkəs rejimini təhlükə altına almaqda ittiham edib.
• Britaniya və Şimali İrlandiya boyu minlərlə insan baş nazir Boris Consonun ölkənin Avropa İttifaqını tərk etməsi üçün təyin olunan son möhlət tarixindən öncə parlamentin işini bir ay təxirə salmaq qərarına qarşı etiraz edib.
• Polşa prezidenti Andjey Duda (şəkildə) bildirib ki, ölkə hökuməti İkinci Dünya müharibəsi illərində dəyən ziyana görə Almaniyadan təzminat tələb edəcək.

Son ölümlər: Robert Muqabe, Valeri Harper, Məhərrəm Qurbanov