Vikipediya:Bilirsinizmi/38. Həftə 2021

Vikipediya məqalələrindən

• İsveçrənin Bergün kəndi "çox gözəl olduğu üçün və sosial şəbəkələrdə paylaşılan şəkilləri kənddə olmayan insanları pis hiss etdirdiyi üçün" turistlərin kənddə şəkil çəkdirməsi qadağan olunub.
• Yaponiya folklorunda üçrəngli pişiklər dənizçilər tərəfindən uğurlu hesab olunurlar və onların kabusları qovduqlarına inanılır.
• ABŞ xeyriyyəçisi Lenni Robinson Betmen forması ilə Baltimor xəstəxanalarındakı xəstə uşaqları ziyarət etdiyi üçün "Baltimor Betmeni" ləqəbi qazanmışdır.
• San-Fransisko sakini Coşuo Norton (şəkildə) 1859-cu ildə özünü ABŞ imperatoru elan etmiş, şəhərdə öz pulunu buraxmış, hətta pulu bir neçə restoran tərəfindən qəbul edilmişdir. 1870-ci ildə baş tutmuş siyahıalmada isə peşəsi "imperator" olaraq göstərilmiş və "dəli" olduğu qeyd olunmuşdur.
• 1926-cı ildə Şükran günü naharında servis edilmək məqsədilə Ağ evə Rebekka adlı yenot göndərilsə də, ABŞ prezidenti Kalvin Kulic onu yemək əvəzinə ev heyvanı kimi saxlamaq qərarına gəlmişdir.