Vikipediya:Qadcetlər/Vikiverilənlərə ixrac

İxrac pəncərəsi
Nümunə:Çəhrayı bölgəyə iki dəfə kliklədikdə pəncərə açılır
Qədceti işə salmaq

Sözügedən qədceti Nizamlamalar→Qədcetlər→Vikiverilənlər→Kartoçkalardan Vikiverilənlərə məlumatı sürətli ixrac etmək qısayolundan aktivləşdirmək, Qeyd et düyməsini sıxmaq lazımdır. Bundan sonra vikiverilənlər parametrləri qoşulmuş şablonlarda bəzi parametrlərin fon rənginin dəyişdiyini müşahidə edəcəksiniz.

Parametrlərin fonu sarı və qırmızı rəngdə ola bilər. Sarı fon həmin bölmədən ən azı bir parametrin, qırmızı isə heç bir parametrin Vikiverilənlərdə olmadığını bildirir. İxrac etmə əməliyyatı uğurlu və ya uğursuz ola bilər. Uğursuz olma halı yalnız sadə, keçid verilməyən mətnlərin ixrac olunmasına çalışıldığı zaman baş verir.

Qədcetdən istifadə qaydası

Əgər qırmızı və ya sarı fonlu bölmələrlə rastlaşmısınızsa, həmin fon rənginin üzərinə iki dəfə klikləməklə ixracat pəncərəsi ilə tanış olacaqsınız. Buradan uyğun göstəriciləri seçib İxrac et düyməsini klikləyin. Bundan sonra həmin məlumat Vikiverilənlərə yerləşdiriləcək və bununla digər dillərdə bu sistemlə işləyən şablonlar avtomatik dolacaq.

Üstünlükləri
  • Vaxta qənaət edir.
  • Köhnəlmiş məlumatları bir neçə saniyədə yeniləməyə yardımçı olur.
  • Doğum və ölüm yeri parametrlərində yalnız ən kiçik ərazi bölgüsü seçilir. Məsələn, Bakı, Azərbaycan SSR, SSRİ parametrindən yalnız Bakı bazaya daxil ediləcək. Buna səbəb Vikiverilənlərin məhz bunu tələb etməsidir.
  • Vikiverilənlərdə Azərbaycanca Vikipediyadan məlumatların daxil edilməsi prosesi sürətlə artır.
Qeydlər
  • Qədcet yalnız Vikiverilənlər qoşulmuş şablonlarda istifadə oluna bilər. Əgər hansısa şablonda bu qədcet işə düşmürsə, deməli ilk öncə həmin şablonda uyğunlaşdırma aparılmalıdır.
  • Bütün parametrləri Vikiverilənlərə ixrac etmək mümkün deyil. Buna səbəb Vikiverilənlərdə buna uyğun parametrin olmaması və şablonların həmin göstəricilərə qoşulmamasıdır. Buna baxmayaraq ən vacib məlumatları ixrac etmək mümkündür.
  • E.ə şəklində olan doğum/ölüm tarixlərində problemlər yarana bilər.
Diqqət etməli məsələlər
  • Yalnız dəqiq bildiyiniz parametrləri ixrac etmək lazımdır. Əks halda Vikiverilənlərdə məlumatların qarışma ehtimalı var.
  • Bəzən lazımsız parametrlər də Vikiverilənlərə daxil oluna bilər. Nümunə üçün, bir alim haqqındakı məqalənin şablonundakı Elmi dərəcəsi bölməsinə Tarix elmləri doktoru parametri əlavə olunub Tarix məqaləsinə keçid verilibsə, qədcet avtomatik Vikiverilənlərdəki Elmi dərəcəsi parametrinə Tarix məqaləsini əlavə edəcək. Buna görə də hər bir parametrin sahəyə uyğun olduğuna diqqət etmək lazımdır.
  • İntervikisi səhv verilmiş parametrləri ixrac etdikdən sonra problem yaşana bilər. Buna görə də ixrac olunacaq parametrin intervikisinin düzgün olduğundan əmin olmaq lazımdır.
  • İntervikisi olmayan parametrləri ixrac edərkən həmin parametr Vikiverilənlərdə "Q123456789" şəklində verilə bilər. Bu Azərbaycanca Vikipediya üçün problem deyil, lakin mümkündürsə, həmin elementin ingiliscə adını və izahını da əlavə etmək digər dildə fəaliyyət göstərən istifadəçilərə də kömək edəcək.