Vikipediya:Qruplaşma
 | Bu səhifə Vikipediya haqqında bir essedir. Səhifə vikipediyaçılar üçün məsləhət və rəy xarakteri daşıyır. Vikipediyanın rəsmi prinsiplərindən və qaydalarından biri deyil, eləcə də, vikicəmiyyətin ümumi fikrini əks etdirməyə bilər. Bəzi esselər geniş mövzuları əhatə edir, bəzi esselər isə ancaq spesifik mövzulara toxunur. |
Vikipediyada qruplaşma dedikdə əsasən müəyyən istifadəçilərin vikipediyadan kənarda yaxın əlaqələr quraraq vikipediyadakı proseslərdə kütləvi iştirak etmələrinə və müzakirənin şəffaflığına mənfi təsir etmələri başa düşülsə də, anlayışın təsviri nisbidir.
Nə qruplaşma deyil
redaktəBir neçə istifadəçinin fikrinin üst-üstə düşməsi onların qruplaşma olduqları mənasına gəlmir. Ümumiyyətlə, Vikipediyada qərarlar istifadəçilərin ümumi fikir birliyi ilə verilir və bu cür fikir birliyi əlbəttə ki, bir çox istifadəçinin aralarındakı müzakirə və fikirlərinin uzlaşması nəticəsində əldə olunur. Odur ki, eyni bir fikri müdafiə edən bir çox saydakı istifadəçini "qruplaşma" adlandırmaq olmaz. "Qruplaşma" anlayışı, xüsusilə, müzakirənin azlıq tərəfində, yəni istifadəçilərinin çoxunun müdafiə etdiyi fikrlə razılaşmayan istifadəçilər tərəfindən səsləndirilir. Belə istifadəçilər öz fikirlərinin doğru olduğunu, "səhv olan" qarşı fikri dəstəkləyən çox saydakı istifadəçinin isə aralarında qruplaşma yaratdığını düşünürlər.
Bəzi istifadəçilər üçün isə qruplaşma anlayışı istifadəçilərin real həyatdakı əlaqələri ilə müəyyən olunur. Vikipediyaçıların əksəriyyəti oflayn tədbirlərdə iştirak edirlər, vikipediyadan kənarda bir-biri ilə ünsiyyətdə olurlar və görüşürlər. Təbii olaraq da müəyyən qrup istifadəçilər arasında əlaqələr daha yaxın ola bilər. Vikipediyadan kənarda müəyyən istifadəçilərin yaxınlaşaraq öz aralarında tez-tez müzakirə aparmalarını, mövzulara fikir bildirmələrini "qruplaşma" adlandırmaq və ya adlandırmamaq nisbi məsələdir. Bu istifadəçilər həqiqətən də vikipediyadan kənar bir platformada "qruplaşmış" ola bildikləri üçün onları "qruplaşma" adlandırmaq mümkündür. Lakin bu halda belə onları əsl qruplaşdırma adlandırmaq olmaz. Çünki bu istifadəçilər sadəcə vikipediya qərarlarına təsir etmək üçün yox, sadəcə vikipediyadakı problemləri həll etməyi, gələcək layihələri fikirləşməyi müzakirə etmək üçün də "qruplaşmış" ola bilərlər.
Real həyatda bir-birini tanıyan istifadəçilərin müzakirədə eyni fikri müdafiə etməsinin digər istifadəçiləri narahat etməsi başadüşüləndir. İstifadəçilər belə halları qruplaşma kimi qəbul edirlər. Lakin bir şeyi yaddan çıxarmaq olmaz ki, iki istifadəçinin bir-birini real həyatda tanıması onların müzakirədə zidd fikirlər səsləndirmək məcburiyyətində qoymamalıdır.
Qruplaşmanın əlamətləri
redaktə- Səs ovçuluğu
- Maraqların toqquşması
- Neytrallığın pozulması
- Müzakirələrdə eyni mövqedə olmaq