Villa Kastelli helikopter qəzası
Villa Kastelli helikopter qəzası (isp. Accidente aéreo de Villa Castelli) — 2015-ci ilin 9 mart tarixində Argentinanın şimal-qərbində yerləşən La Rioja bölgəsinin Villa Kastelli kəndi ərazisində baş vermiş helikopter qəzası. İki helikopterin toqquşması nəticəsində 10 nəfər həlak olmuşdur.[1]
| Villa Kastelli helikopter qəzası | |
|---|---|
 Qəzaya uğramış Eurocopter AS350 modelli helikopter. | |
| Ümumi məlumatlar | |
| Tarix |
|
| Qəza növü | helikopter qəzası |
| Yer | Villa Kastelli, Argentina |
| Ölkə | |
| Sərnişin sayı | 8 |
| Komanda | 2 |
| Yaralı sayı |
|
| Ölü sayı | 10 |
| Helikopter | |
| Qeydiyyat nömrəsi | LQ-FJQ, LQ-CGK |
Arxa plan redaktə
Helikopterlər, fransız televiziya kanalı TF1 də yayımlanan "Dropped" adlı yarışma verlişinin çəkimlərini həyata keçirmək üçün istifadə edilməkdə idi. Yarışmada iştirak etmələri üçün səkkiz tanınmış fransız idmançı müəyyənləşdirilmişdi: Florens Arthaud, Alan Bernard, Filip Kandeloro, Jan Lonqo, An-Flor Marker, Kamilla Muffat, Aleksis Vastin və Slavin Viltord. İdmançılardan sadəcə Bernard və Viltord hadisə baş verən an helikopterdə deyildilər.[2]
Qəza Argentinanın paytaxtı Buenos Ayres şəhərinin 1170 km şimal-qərbində yerləşən Villa Kastelli kəndində baş vermişdir. Qəzada həyatını itirən idmançıların hər biri fransız vətəndaşları idi. İmdançılarla yanaşı iki nəfəri yerli pilot olmaqla toplam 10 nəfər həlak olmuşdur. Qəzada həlak olanlar əsasən Fransa idman dünyası üçün önəmli olan simalardır.
Bunlardan dünyaca tanınmış yelkən ustası Florens Arthaud, 2012 Yay Olimpiya Oyunları zamanı qadınlar arasında keçirilən üzmə yarışlarında qızıl medal qazanmış Kamilla Muffat və 2008 Yay Olimpiya Oyunları zamanı boks üzrə keçirilən yarışlarda gümüş medal qazanmış Aleksis Vastini göstərmək olar. Qəzanın baş verdiyi saatlarda bölgədə uçuş üçün mülayim havanın hakim olduğu açıqlanmışdır. Hadisə şahidlərinin dediklərinə əsasən qəza anında partlayış səsi eşidilmiş və iki helikopter bir-biri ilə toqquşmuşdur.[3]
İstinadlar redaktə
- ↑ Lent.az. "Argentinada iki helikopter toqquşdu: 10 ölü". 01.03.2015. 2015-04-15 tarixində orijinalından arxivləşdirilib. İstifadə tarixi: 2015-03-03.
- ↑ RT. "French star athletes, TV crew among 10 dead in Argentina twin helicopter crash". 9 mart 2015. 2016-03-11 tarixində arxivləşdirilib. İstifadə tarixi: 2015-03-03.
- ↑ "Argentina La Rioja: Ten dead as helicopters crash". BBC. 2015-03-10 tarixində arxivləşdirilib. İstifadə tarixi: 2015-03-03.