Vilyam H. Meysi
Vilyam Holl Meysi Cr. (ing. William Hall Macy Jr; 13 mart 1950[1][2][…], Mayami, Florida[3]) — ABŞ aktyoru. O, həm böyük, həm də müstəqil filmlərdə çəkilib.[4] Onun rol aldığı məşhur filmlərdən bəziləri arasında "Farqo", "Boogie Nights" və "Jurassic Park III" var. Meysi iki "Emmi" və dörd "Ekran Aktyorları Gildiyası" mükafatı qazanıb. O, "Farqo" filmindəki performansına görə "Oskar" mükafatına namizəd göstərilib. Meysi 2011-ci ildən 2021-ci ilə qədər "Utanmaz" teleserialında Frenk Qallaher adlı personajı canlandırıb. Aktyor 1997-ci ildən etibarən Felisiti Haffman ilə evlidir.
| Vilyam H. Meysi | |
|---|---|
 Meysi 2012-ci ildə | |
| Doğum tarixi | 13 mart 1950[1][2][…] (74 yaş) |
| Doğum yeri | |
| Vətəndaşlığı | |
| Həyat yoldaşı |
|
| Uşağı | 2 |
| Fəaliyyəti | aktyor, televiziya aktyoru, kino aktyoru, yazıçı, xarakter aktyoru[d], ssenarist, müəllim, film prodüseri, teatr aktyoru, teatr rejissoru, kinorejissor |
| Fəaliyyət illəri | 1971-ci ildən |
| Təhsili | |
| IMDb | ID0000513 |
 Vikianbarda əlaqəli mediafayllar | |
Həyatı redaktə
Vilyam Holl Meysi Florida ştatında yerləşən Mayami şəhərində doğulub. O, Corciya və Merilend ştatlarında böyümüşdür. Onun atası Vilyam Holl Meysi Sr. İkinci Dünya müharibəsində bombardmançı pilot kimi xidmət etmiş və daha sonra iş adamı kimi çalışmışdır. Meysinin anası Lois, birinci əri müharibədə həlak olduqdan sonra onun atası ilə tanış olmuş dul idi.[5][6][7]
Meysi Merilend ştatının Kamberlend şəhərindəki Allegany Liseyində oxuyub və 1968-ci ildə oranı bitirib. Orta məktəbi bitirdikdən sonra o, baytarlıq təbabəti təhsili almaq üçün Qərbi Virciniyadakı Bethany Kollecinə yollanıb. Lakin o, bunu bəyənməmiş və Vermontdakı Goddard Kollecinə getmişdir. Burada o, məşhur dramaturq Devid Memetin yanında təhsil almaq imkanı qazanmışdır. Meysi 1972-ci ildə Goddard Kollecini bitirib.
Kollecdən sonra Meysi aktyorluğa olan həvəsini davam etdirdi və Nyu-Yorkdakı HB Studio-da teatr təhsili aldı. Bu təhsil onun aktyorluq bacarıqlarını inkişaf etdirməyə kömək etdi və uğurlu aktyor olmasına yol açdı.[8]
Filmoqrafiya redaktə
- Maqnoliya (1999)
- Siqaret çəkdiyiniz üçün təşəkkürlər (2005)
- Utanmaz (2011–2021)
İstinadlar redaktə
- ↑ 1 2 W. H. Macy // Internet Broadway Database (ing.). 2000.
- ↑ 1 2 William H. Macy // Internet Broadway Database (ing.). 2000.
- ↑ 1 2 Deutsche Nationalbibliothek Record #138380597 // Ümumi tənzimləmə nəzarəti (GND) (alm.). 2012—2016.
- ↑ Robert, Abele. "Interview with William H. Macy". Maxim. July 2001: 84.
- ↑ "William H. Macy Biography". Yahoo! Movies. June 28, 2012 tarixində arxivləşdirilib. İstifadə tarixi: July 7, 2010.
- ↑ "William H. Macy Biography (1950–)". Film Reference. 2020-08-03 tarixində arxivləşdirilib. İstifadə tarixi: 2023-10-31.
- ↑ "MACY'S ROOTS RUN DEEP INTO PASCAGOULA". Sun Herald. April 11, 2004. August 13, 2019 tarixində arxivləşdirilib. İstifadə tarixi: May 13, 2019.
- ↑ "HB Studio Alumni". 2019-02-12 tarixində arxivləşdirilib. İstifadə tarixi: 2023-10-31.
Xarici keçidlər redaktə
- Vilyam H. Meysi — IMDb səhifəsi
- Vilyam H. Meysi — Twitter səhifəsi