Vladimir Borovikovski

Vladimir Borovikovski (rus. Влади́мир Луки́ч Боровико́вский) (2 iyun 1757 - 6 aprel 1825) — Ukrayna əsilli rəssam.

Həyatı

Vladimir Borovikovski 24 iyulun 1757-ci ildə Mirqorod da (indiki Ukrayna ərazisi) anadan olub. Onun atası Luka Borovik Ukraynalı kazak və həvəskar ikon rəssamı idi. Ailə ənənələrinə görə, Borovikin oğullarının dörddüdə Mirqorod alayında xidmət etmiş, lakin Vladimir erkən yaşda poruçik rütbəsində istefaya çıxmış və özünü incəsənət həyatına həsr etmiş- yerli kilsələr üçün əsasən ikon rəsimləri çəkmişdir.

1770-ci ildə Borovikovski Vasili Kapnist ilə tanış olur. Dostu Vasili Kapnist ilə yeni fəth olunmuş Krıma səyahət zamanı Kremençukda İmperatriça II Yekaterina üçün yaşayış yeri hazırlanırdı. Kapnist İmperatriça II Yekaterinanın otaqları üçün iki alleqorik rəsm çəkmək üçün Borovikovskini istədi. İmperatriça II Yekaterina rəsimləri çox bəyəndi və onun Sankt-Peterburqa gəlməsini istədi.

1788-ci ildə Borovikovski Sankt-Peterburqa köçdü. Borovikovski Sankt-Peterburqda ilk on ilini şair, memar və musiqiçi Nikolay Lvovun evində yaşadı. Borovikovski 30 yaşında Sankt-Peterburq İncəsənət Akademiyasına girmək istəsədə, yaşı çox olduğundan qəbul olunmadı. O, Avstriya rəssamı Johann Baptist Lampi daha sonra Dmitri Levitzki xüsusi dərslər aldı.

1795-ci ildə Borovikovski akademik ünvan aldı. O, məşhur portret rəssamı oldu. Yaşadığı illər ərzində 500 portret yaradıb. Borovikovskinin atelyesi var idi və portretlərinin daha az əhəmiyyətli hissəsini boyamaq üçün köməkçilərinə verirdi.

Borovikovski Sankt-Peterburqa İncəsənət Akademiyasının müəllim kimi işlədi, lakin şagirdlərin evində yaşadı. Onların arasında Aleksey Venetsianov və Bugaevski Blagodarni (Vladimir Borovikovskinin sağ ikən çəkilən tək portretinin müəllifi) var idi. 1819-cu ildə Borovikovski Sphinx Dying mason lojasının üzvü olmuşdur. O zaman o, əsasən Smolensk qəbiristanlığında kilsə ikonaları və Kazan kafedralı (Sankt-Peterburq) üçün bəzi ikonlar çəkdi.

6 aprel 1825-ci ildə o, qəflətən vəfat etdi və Sankt-Peterburqda Aleksandr Nevski monastırının Lazarus qəbiristanlığında dəfn olundu.