Vladimir Canıbekov

Vladimir Aleksandroviç Canıbekov [d.13.5.1942, Qazaxıstan SSR, Cənubi Qazaxıstan vilayəti, Bostanlıq rayonunun İsgəndər kəndi. (Özbəkistan, indiki Daşkənd vilayəti. Bostanlıq rayonunun İsgəndər qəs.)] — SSRİ təyyarəçi kosmonavtı, aviasiya general mayoru, iki dəfə Sovet İttifaqı Qəhrəmanı (1978,1981).

Vladimir Canıbekov
rus. Владимир Александрович Джанибеков, ing. Vladimir Aleksandrovich Dzhanibekov
Vladimir Aleksandroviç Canıbekov
Doğum tarixi	13 may 1942
Doğum yeri	İskəndər kəndi, Cənubi Qazaxıstan vilayəti, Qazaxıstan SSR, SSRİ
Vətəndaşlığı	SSRİ
Təhsili	Sankt-Peterburq Dövlət Universiteti, Yeysk Ali Hərbi Aviasiya İnstitutu[d] (–1965)
Fəaliyyəti	SSRİ təyyarəçi kosmonavtı
Partiyası	Sovet İttifaqı Kommunist Partiyası (1970–1991)
Mükafatları
Üzvlüyü	SSRİ Rəssamlar İttifaqı
Vikianbarda əlaqəli mediafayllar

Həyatı

Yeysk Ali Hərbi Aviasiya Təyyarəçilər Məktəbini bitirdikdən (1965) sonra HHQ-də təyyarəçi-təlimatçı kimi xidmət etmişdir. 1970-ci ildən kosmonavtlar dəstəsindədir. 5 kosmik uçuş keçirmişdir. İlk uçuşunu (10–16.1.1978) “Soyuz-27” kosmik gəmisində (KG) gəmi komandiri kimi və “Salyut-6” orbital stansiyasında həyata keçirmişdir. Uçuş 5 sutka 22 saat 59 dəqiqə davam etmişdir. İkinci uçuşu (22–30.3.1981) “Soyuz-39” KG (beynəlxalq sov.-monqol ekipajının komandiri kimi) və “Salyut-6”orbital stansiyasında olmuşdur (uçuş müddəti 7 sutka 20 saat 42 dəq.). Üçüncü uçuşu (24.6.–2.7.1982) sov.-fransız ekipajının komandiri kimi “Soyuz T-6” KG və “Soyuz T-5” KG ilə birləşmiş “Salyut-7” orbital stansiyasında yerinə yetirmişdir. Uçuş 7 sutka 21 saat 51 dəqiqə davam etmişdir. 17–25.7.1984-cü ildə “Soyuz T-12” və “Soyuz T-11” KG ilə birləşmiş “Salyut-7” orbital stansiyasında komandir kimi dördüncü uçuşu həyata keçirmişdir. Uçuşun davam etdiyi 11 sutka 19 saat 14 dəq. ərzində o, açıq kosmik fəzaya çıxışı həyata keçirmişdir (3 saat 35 dəq.). 112 sutka 3 saat 51 dəqiqə davam edən beşinci uçuşu (6.6.–26.9.1985) “Soyuz T–13” KG-ndə (gəminin komandiri kimi) və “Salyut-7” orbital stansiyasında yerinə yetirmişdir. Açıq kosmosda 5 saat davam edən mürəkkəb texnoloji əməliyyatları yerinə yetirmişdir. 5 dəfə Lenin ordeni, Fransanın Fəxri Legion ordeni (1982) və medallarla təltif olunmuşdur.

Mükafatları və təltifləri

• Lenin ordeni (5 dəfə)
• Fransanın Fəxri Legion ordeni (1982)
• "Qırmızı Ulduz" ordeni (1978, 1981)
• 2 dəfə Sovet İttifaqı Qəhrəmanı
• "1941-1945-ci illər Böyük Vətən müharibəsində qələbənin 20 illiyi" yubiley medalı
• "SSRİ Silahlı Qüvvələrinin 50 illiyi" yubiley medalı
• "SSRİ Silahlı Qüvvələrinin 60 illiyi" yubiley medalı
• "Sovet milislərinin 50 illiyi" yubiley medalı

O, həmçinin, Qaqarin, Kaluqa (Rusiya), Aralık (Qazaxıstan) və Hyuston (ABŞ) şəhərlərinin fəxri vətəndaşıdır.

Həmçinin bax

• Qazaxıstan SSR

Xarici keçidlər

• http://english.ohmynews.com/articleview/article_view.asp?article_class=4&no=363760&rel_no=1 Arxivləşdirilib 2007-06-27 at the Wayback Machine