Voleybol üzrə qadınlararası Avropa Liqası

Voleybol üzrə qadınlararası Avropa Liqası — 2009-cu ildən təşkil olunan, yalnız Avropadan 8 ölkənin qatıldığı qadın voleybol yarışlarıdır. Turnir 2009-cu ildən Avropa Voleybol Konfederasiyasının təşkiltaçılığı ilə keçirilməyə başlandı. Məqsəd yay fəslində Avropanın bir sıra nəhəng yığmalrını bir araya toplayıb azərkeşləri voleybol ziyafətinə boğmaqdır. Turnir daha böyük önəm kəsb etdikdən sonra Dünya Qran Prisinə lisenziya verməyə başladı. Belə ki, turnirdə medal qazanmış hər bir ölkə bir sonrakı mövsümdə Dünya Qran Prisi yarışlarına vəsiqə əldə edir. Çox vaxt bu nominal xarakter daşıyır. Belə ki, Avropa Liqasında ilk üçlüyə düşmüş millilər əsasən güclü komandalar olur və onlar onsuzda başqa yarışlardan Qran Pri yarışlarına vəsiqə əldə edə bilirlər. Bu səbədən turnirə son vaxtlar bir qədər zəif milli komandaların da qatıldığı müşahidə etmək olur. Ancaq 2013-cü ildə böyük süprizlə ikinci yeri tutmuş Belçika millisi bu medalın sayəsində 2014-cü ildə tarixində ilk dəfə olaraq Dünya Qran Prisinə qatıla bilmişdi.

Turnirə bütün komandalar "CEV"in xüsusi dəvəti əsasında qatılır. Azərbaycan millisinin Avropa Liqasındakı debütü isə 2014-cü ilə təsadüf edir. Elə həmin ildən Avropa Liqasının formatında dəyişiklik edildi. Qərarə əsasən, artıq iki qrupada dörd komandanın iki dövrəli mübarizəsindən sonra yarımfinal yarışları olmayacaq idi. Birbaşa qrup liderləri turnirin finalında qarşılaşacaqlar.[1]

Turnirin arxiviRedaktə

Təşkilatçılıq Medal Kürsüsü
İl Ev Sahibi Çempion İkinci Üçüncü
2009
Ətraflı
  Kayseri  
Serbiya
 
Türkiyə
 
Bolqarıstan
2010
Ətraflı
  Kayseri  
Serbiya
 
Bolqarıstan
 
Türkiyə
2011
Ətraflı
  Kayseri  
Serbiya
 
Türkiyə
 
Bolqarıstan
2012
Ətraflı
  Kayseri  
Çexiya
 
Bolqarıstan
 
Serbiya
2013
Ətraflı
  Kayseri  
Almaniya
 
Belçika
 
Bolqarıstan

Medal reytinqiRedaktə

Yer Komanda Qızıl Gümüş Bürünc Medal
1   Serbiya 3 - 1 4
2   Çexiya 1 - - 1
  Almaniya 1 - - 1
4   Bolqarıstan - 2 3 5
5   Türkiyə - 2 1 3
6   Belçika - 1 - 1

İstinadlarRedaktə

  1. "Avropa Liqası fərqli formatda keçiriləcək" (azərb.). azertag.gov.az. 30-05-2014. İstifadə tarixi: 2014-05-30.

Xarici keçidlərRedaktə