WFMU

WFMU — Cersi Siti (ABŞ) şəhərində yerləşən və 91.1 MHz tezliyində FM diapazonunda yayımlanan qeyri-kommersiya radio-stansiyası.

WFMU
Şəhər	Cersi-Siti
Ölkə	ABŞ
Çağırış siqnalı	WFMU, community radio
Tezlik	91,1 FM
Yayım ərazisi	Nyu-York, Qərbi Nyu-Cersi, Şərqi Pensilvaniya
Başlama tarixi	1958-ci il
Koordinatlar	40°47′19″ şm. e. 74°15′20″ q. u.
Sahibi	Auricle Communications
Sayt	wfmu.org
Vikianbarda əlaqəli mediafayllar

Tarixi

WFMU 1958-ci ilin aprel ayında yayıma başlamışdır. Yayım lisenziyası Upsala kollecinə (UpsalaCollege) aid idi. 1995-ci ilin may ayında kollecin bağlanmasından bir müddət əvvəl, Auricle Communications ondan lisenziya aldı və o vaxtdan bəri radio-stansiya tam müstəqil hesab olunur. Auricle Communications özü qeyri-kommersiya təşkilatıdır, onun idarə heyəti radio-stansiyanın keçmiş və hazırkı işçilərindən və həmçinin WFMU-nun dinləyicilərindən ibarətdir. 1998-ci ilin avqust ayında radio-stansiya Cersi Siti (Nyu-Cersi ştatı) şəhərinə, radio dinləyicilərinin ianələri ilə əldə edilən binaya köçdü.

Fəlsəfəsi

WFMU fəlsəfəsi – azad yayım formasına (freeform radio) sadiq olması ilə seçilir. Bütün pleylistlər DJ-lər tərəfindən tərtib edilir və hər hansı bir radio-format çərçivəsi ilə məhdudlaşmır. Proqramların demək olar ki, 100%-i radio-stansiyanın özündə istehsal edilir.