Ümumdünya Humanitar Yardım Günü
Ümumdünya Humanitar Yardım Günü (ing. World Humanitarian Day) — humanitar məqsədlər uğrunda fəaliyyət göstərərkən həyatını itirmiş insanları tanımağa həsr olunmuş əlamətdar gündür. Birləşmiş Millətlər Təşkilatının Baş Məclisi tərəfindən 19 avqust olaraq təyin edilmişdir. Baş katibin o vaxtki İraqdakı xüsusi nümayəndəsi Serjiu Vieyra di Mellu və 21 həmkarının BMT-nin Bağdaddakı qərargahının bombalanması nəticəsində öldürüldüyü gündür.
Tarixi redaktə
Braziliya vətəndaşı olan Serjiu Vieyra di Mellu Birləşmiş Millətlər Təşkilatında ömrünün 30 ildən çox hissəsini silahlı qarşıdurmanın səssiz qurbanlarını ortaya çıxartmaq, onların iztirablarını azaltmaq və diqqətlərini özlərinə cəlb etmək kimi çətin humanitar vəziyyətlərə xidmət edilməsinə həsr etmişdir. 19 avqust 2003-cü ildə Bağdadda 21 həmkarı ilə birlikdə ölümü dünya miqyasında silahlı qarşıdurma qurbanlarını düşüncə tərzi, fəlsəfəsi, dinamizmi və cəsarəti ilə hamıya ilham verən və gələcək nəsillərin təqlid etməsi üçün sonsuz bir miras olaraq qalmış görkəmli bir humanitar liderdən məhrum etdi.
2006-cı ildə Vieyra di Mellu ailəsi və bir qrup yaxın dostu icmalar arasında dialoqun təşviq edilməsi və humanitar böhran qurbanlarının vəziyyətini aradan qaldırmaq üçün bitməmiş missiyasını davam etdirmək üçün "Sergio Vieira de Mello Foundation" qurdular. Fond bütün hökumətlər, Birləşmiş Millətlər Təşkilatı, Beynəlxalq Təşkilatlar və Qeyri-Hökumət Təşkilatları ilə sıx əməkdaşlıq edərək hər il Dünya Humanitar Yardım Gününü anlamlı şəkildə qeyd etməyi qarşısına məqsəd qoymuşdur.
19 avqustun Humanitar Yardım Günü olaraq təyin edilməsi Vieyra di Mellu ailəsi və Fondun həm Cenevrədə, həm də Nyu-Yorkda Fransa, İsveçrə, Yaponiya və Braziliya səfirləri ilə sıx əməkdaşlıq edərək səy göstərməsinin nəticəsidir.
Anım redaktə
Ümumdünya Humanitar Yardım Günü ilk dəfə 19 avqust 2009-cu ildə anıldı. Sonrakı illər müəyyən bir mövzu üzərində cəmləşdi.
- 2010-cu ildə "Biz Humanitar İşçilərik" mövzusu ilə sektordakı humanitar işçilərin faktiki işləri və nailiyyətləri diqqət mərkəzində idi.[1]
- 2011-ci il "İnsanlara Kömək edən insanlar" kampaniyası hər kəsdə yardım işinin ruhunu ilhamlandırmaq idi.
- 2012-ci il "Mən buradaydım" kampaniyası hər hansı şəxs üçün, hər hansı bir yerdə yaxşı bir şey etməyə işarə idi. Kampaniya dünyada 1 milyarddan çox insanın sosial əhatə dairəsinə sahib idi.
- 2013-cü ildə, hadisənin 10 illiyində BMT və tərəfdaşları "Dünyanın daha çox ehtiyacı var …" adlı təməlqoyma bir layihə başlatdılar.[2]
İstinadlar redaktə
- ↑ https://www.unocha.org/sites/unocha/files/OOM%20WHD_final_May2017.pdf Arxivləşdirilib 2018-07-25 at the Wayback Machine unocha.org İyun, 2017
- ↑ https://globalwa.org/2013/08/world-humanitarian-day/ Arxivləşdirilib 2020-09-18 at the Wayback Machine globalwa.org 19 avqust, 2013