Vikipediya

Şimal porsuğu (Marvel Comics)

Şimal porsuğu (ing. Wolverine) və ya Rosomaxa[5] , əsl adı Ceyms Houlet — Marvel Comics tərəfindən yaradılmış xəyali super qəhrəman. İlk dəfə 1974-cü ildə nəşr olunmuş "İnanılmaz Halk" komiksinin 180-ci buraxılışında peyda olmuşdur.

Şimal porsuğu
ing. Wolverine
Nəşriyyat ABŞ Marvel Comics
Yayım tarixi "İnanılmaz Halk" #180 (oktyabr, 1974)
Yaradıcı(lar) Roy Tomas
Len Ueyn
Con Romita
Herb Trimp[1]
Xüsusiyyətlər
Əsl adı Ceyms Houlett
Doğum tarixi 1830-cu illər
Doğum yeri Alberta əyaləti, Kanada Kanada
Cinsiyyəti kişi
Boyu 160 sm
Çəkisi 88 kq (Adamantium skeletsiz)
136 kq (Adamantium skeleti ilə)
Göz rəngi göy
Saç rəngi qara
Növü mutant
Komiks bioqrafiyası
Kainat 616
Üzvlükləri Alfa Uçuş
Qisasçılar
İks-adamlar
Partnyorları
Ləqəbləri Loqan, Cim Loqan, Silah Çi, Ölüm, Eksprement X, Qara əjdaha, Kapitan Terror, Cəsus On, Emilio Qarra
Gücləri

    • Superinsan dayanıqlığı, hisləri, refleksləri
    • Regenerasiya sahəsində uzunömurlülük
    • Döyüş sənəti ustası
    • Üç adamantiumla örtülmüş caynaqlar

Marvel dünyasının ən kiçik boylu personajlarından biri olub, boyu sadəcə 160 sm-dir. İks-adamlar komandasının sabiq üzvüdür. Bu komandaya ilk dəfə 1975-ci ildə "Böyük ölçülü İks-adamlar" komiksinin may buraxılışında qatılmışdır. Yeni Qisasçılar və Yeni Fantastik dördlük komandalarında da görünmüşdür. 20th Century Fox tərəfindən çəkilən 7 filmdə əsas personaj kimi yer almış, 2 filmdə isə qısa səhnədə görünmüşdür.[6]

Vyetnam müharibəsindən[7] sonra ABŞ mədəniyyətinə uymayan bir personaj olmuşdur. Öz adında ilk komiksi 1988-ci ildə nəşr olunmağa başlamışdır.

2008-ci ilin mayında #1 out of "Wizard" jurnalının "Top 200 komiks personajı" siyahısında 1-ci, həmin ilin iyulunda isə "Empire" jurnalının "100 ən böyük komiks personajı" siyahısında 4-cü yeri tutmuşdur.[8] Fandomania.com saytının "100 ən böyük personaj" siyahısında 21-ci yerdə qərarlaşmışdı. 2011-ci ilin mayında Şimal porsuğu IGN-nın "Top 100 komiks personajı" siyahısında 4-cü yerdə, 2012-ci ildə "Top 50 Qisasçı" siyahısında 5-ci yerdə göstərilmişdir." 2013-cü ildə ComicsAlliance Şimal porsuğunu "50 ən cazibədar komiks personajı" siyahısında 41-ci yeri vermişdir.

Nəşr olunma tarixi redaktə

 
"İnanılmaz Halk" komiksinin 180-ci sayı.

Halk redaktə

Şimal porsuğu ilk dəfə "İnanılmaz Halk" komiksinin 180-ci sayında (oktyabr, 1974) qonaq personaj kimi yer alır. Personajın hekayəsini Len Ueyn yazır, illüstrasiyası Herb Trimpe hazırlanır və Cek Ebel tərəfindən rəngləndirilir. Personajın məşhur sarı-göy forması Con Romita tərəfindən dizayn edilir.

İlk zamanlarda super güclərə sahib olan Kanada hökumətinin bir cəsusu olaraq tanıdılır və pəncələri hər zaman xaricdədir, heç vaxt xaricə çıxmır.

İks-adamlar redaktə

Şimal porsuğu İks-adamlar komandasına ilk dəfə 1975-ci ildə Deyv Kokrum tərəfindən hazırlanan "Böyük ölçülü İks-adamlar" komiksinin ilk sayında qoşulur. Komiksin üz qabığı hazırlanarkən əvvəllər kiçik maskaya sahib olan Şimal porsuğu üz qabığının dizayneri Qil Keyn tərəfindən böyük maska ilə təsvir olunur. Amma Deyv Kokrum onun Betmenə[9] oxşadığını əsaslandırıb dizaynın onun xoşuna gəldiyini bildirir. Kokrum həm də personajın maskasız ilk təsvirini çəkən şəxsdir.

Daha sonra oxucunun marağından düşən İks-adamların canlanması "Əsrarəngiz İks-adamlar"nin 94-cü sayında Şimal porsuğunun qatılması ilə baş tutur. Bu andan etibarən Şimal porsuğu ilə Cen Qrey arasında münasibətlər yaranır.

Növbəti buraxılışlarda Klaremont və Kokrum Şimal porsuğunu komiksdən çıxarmaq istəyir, amma onların bu qərarı onları komiksdən uzaqlaşdırır. Kokrumun yerinə gələn Con Brin Şimal porsuğunu ön plana çıxarır. Con Brin özünün də kanadalı olduğunu bildirərək bir kanadalı personajı ön plana çıxarmaq istədiyini demişdi.[10][11]

Con Brin daha sonra Alfa uçuşu adlı komandanı yaradır. Bu qrupun əsl məqsədi Şimal porsuğunu ələ keçirmək və ona təlim verməkdir. Brin həmçinin Şimal porsuğu üçün qəhvəyi rəngdə yeni kostyum hazırlayır.

Bioqrafiya redaktə

Şimal porsuğunun yaradıcılarından Len Ueyn personajı mutantlaşmış şimal porsuğu olaraq təsvir edir. Onun mutantlaşmış bir buz porsuğu olduğu "İnanılmaz Halk"ın 180 və 181-ci saylarında Kokrum tərəfindən də təsdiqlənmişdir. O, Şimal porsuğunun Hörümçək-adam tərzində təkamül keçirdiyini deyir. Amma bu Con Romitanın 40 yaşlı Şimal porsuğunu çəkməsi ilə dəyişir, personajı mutantlaşmış şimal porsuğu kimi təqdim etməkdən imtina edir.

2001-ci ildə nəşr olunan "Mənşə" adlı mini seriyada Şimal porsuğunun XIX əsrdə anadan olduğu göstərilıir. Kanadanın Alberta əyalətində başlayan hekayədə Ceyms Houlet[12] ELizabet Houlet və Tomas Loqanın oğlu kimi anadan olur. Amma Elizabet ona əsl atasının kimliyi açıqlamır, onu Con Houlet ilə böyüdür. Ceyms öz uşaqlığını xəstəliklərlə birlikdə keçirir. Tomas Loqan Con Houleti öldürdükdən sonra Ceyms onu öldürür və pəncələri ilk dəfə ortaya çıxır. Qısa müddət sonra xüsusiyyətləri inkişaf edir. Anası intahar etdikdən sonra orduya qatılır və Şimal porsuğu adını alır.

Daha sonra "Silah X" adlı layihəyə qatılır, regenerasiya qabiliyyəti sayəsində çətin eksprementdən sağ çıxır və bütün skeleti qırılmaz adamantium metalı ilə örtülür. Dayandırılmaz heyvana çevrilir. "Silah X" layihəsinin təşkilatçıları onu aldadaraq yaddaşını silir, Ceyms adını belə unudur, sadəcə Şimal porsuğu adını xatırlayır.

Gücləri redaktə

Şimal porsuğunun genlərində porsuq DNT-sı olduğu üçün heyvani instinkt və reflekslərə sahibdir. Güclü qorxualma qabiliyyətinə sahibdir. Döyüş meydanında çox acımasızdır, insan öldürməkdən çəkinmir. Sürətli, dayanıqlı və çevikdir. Ən böyük üstünlüyü isə tez sağalma qabiliyyətidir. Döyüş zamanı yaralansa da tez bir zamanda yarası sağalır. Bütün xəstəliklərə qarşı dözümlüdür. Uzun müddət siqar çəksə də, tez sağalma qabiliyyəti ağ ciyərlərini daima bərpa edir. Tez-tez spirtli içkilər qəbul edir, amma sərxoş ola bilmir. Əllərinin hərəsindən 3 adamantium pəncə çıxarır. Bu pəncələr qırılmazdır, oda dözümlüdür. 18 dil bilir.

Digər mediada redaktə

Filmlər redaktə

 
Hyu Cekman Şimal Porsuğu kimi axırıncı Loqan filmindən kadr

Şimal porsuğu "İks-adamlar" filmlər seriyasında çəkilən filmlərdən əsas personajlardan biri kimi yer almışdır. Bütün filmlərdı Şimal porsuğu rolunu ancaq Hyu Cekman ifa etmişdir. Hyu Cekman daha sonra 20th Century Fox-un növbəti bütün X-Men filmlərində Şimal porsuğu rolunu oynamışdır:İks-adamlar, İks-adamlar 2, İks-adamlar: Son müqavimət, İks-adamlar: Başlanğıc. Şimal porsuğu, İks-adamlar: Birinci dərəcə, Şimal porsuğu: Ölməzlik, İks-adamlar: Gələcəyin keçmiş günləri, İks-adamlar: Apokalipsis, Loqan, yalnız İks-adamlar: Birinci dərəcə və İks-adamlar: Apokalipsis filmlərində sadəcə qısa səhnədə görünmüşdür. "İks-adamlar: Başlanğıc. Şimal porsuğu" filmində isə personajın bioqrafiyasına böyük yer verilmişdir. Bu filmdə Ceymsin uşağlığını Troyan Sivan oynamışdır. Loqan filmi Hyu Cekmanın Şimal porsuğu kimi görünəcəyi son filmi olacaq.

Video oyunlar redaktə

  • "The Uncanny X-Men" (1989)
  • "X-Men: Madness in Murderworld" (1989)
  • "X-Men II: The Fall of the Mutants" (1990)
  • "X-Men" (1992)
  • "Spider-Man and the X-Men in Arcade's Revenge" (1992)
  • "The Amazing Spider-Man 2" (1992)
  • "X-Men" (1993)
  • "X-Men" (1994)
  • "X-Men: Mutant Apocalypse" (1994)
  • "X-Men: Children of the Atom" (1994)
  • "X-Men: Gamesmaster's Legacy" (1995)
  • "X-Men 2: Clone Wars" (1995)
  • "X-Men vs. Street Fighter" (1996)
  • "X-Men: Mojo World" (1996)
  • "X-Men: The Ravages of Apocalypse" (1997)
  • "X-Men: Mutant Academy" (2000)
  • "X-Men: Mutant Wars" (2000)
  • "Spider-Man" (2000)
  • "X-Men: Mutant Academy 2" (2001)
  • "X-Men: Reign of Apocalypse" (2001)
  • "X-Men: Next Dimension" (2002)
  • "X-Men Legends" (2002)
  • "X-Men Legends II: Rise of Apocalypse" (2004)
  • "Ultimate Spider-Man" (2005)
  • "X-Men: The Official Game" (2006)
  • "Spider-Man: Web of Shadows" (2008)
  • "Spider-Man: Shattered Dimensions" (2010)
  • "Uncanny X-Men: The Days of Future Past" (2014)
  • "X-Men: Destiny" (2014)
  • "Marvel Super Heroe"
  • "Marvel Super Heroes: War of the Gems"
  • "Marvel Super Heroes vs. Street Fighter"
  • "Marvel vs. Capcom: Clash of Super Heroes"
  • "Marvel vs. Capcom 2: New Age of Heroes"
  • "Marvel Nemesis: Rise of the Imperfects"
  • "Marvel vs. Capcom 3: Fate of Two Worlds"
  • "Ultimate Marvel vs. Capcom 3"
  • "Marvel Contest of Champions"
  • "Marvel: Avengers Alliance Tactics"
  • "Lego Marvel Super Heroes"
  • "Deadpool"
  • "Marvel Heroes"
  • "Marvel Avengers: Battle for Earth"
  • "Marvel: Avengers Alliance"
  • "Marvel: Ultimate Alliance 2"

İstinadlar redaktə

  1. ↑ Aushenker, Michael (April 2007). "The Son of Satan: A Trident True Devil Hero". Back Issue! (TwoMorrows Publishing) (21): 6–13.
  2. ↑ https://xmen.fandom.com/fr/wiki/Logan_/_Wolverine.
  3. ↑ http://lestoilesheroiques.fr/2014/09/x-men-days-of-future-past-quand-wolverine-embrasse-tornade-scene-coupee.html.
  4. ↑ http://www.marvel-world.com/encyclopedie-202-fiche-mystique-biographie.html.
  5. ↑ Azerkino. "Şimal porsuğu: Ölməzlik (2013)" (az.). 2017-09-09 tarixində orijinalından arxivləşdirilib. İstifadə tarixi: 22 mart 2016.
  6. ↑ İks-adamlar (film) at the Internet Movie Database
  7. ↑ ISBN 978-0-8018-7450-5
  8. ↑ "The 50 Greatest Comic Book Characters". Empire. July 2008. 2012-02-19 tarixində arxivləşdirilib. İstifadə tarixi: 2015-08-03.
  9. ↑ Cunningham, Brian (1996). "Dressed to Kill". Wizard Tribute to Wolverine.
  10. ↑ Sanderson, Peter (w). "Wolverine: The Evolution of a Character" The Incredible Hulk and Wolverine (October 1986), Marvel Comics
  11. ↑ DeFalco, Tom (May 1, 2006). Comics Creators on X-Men. Titan Books. p. 110. ISBN 978-1-84576-173-8
  12. ↑ Jemas, Bill, Quesada, Joe, Jenkins, Paul (w). Origin (2001–2002), Marvel Comics

Xarici keçidlər redaktə

 
Vikianbarda Şimal porsuğu ilə əlaqəli mediafayllar var.
Mənbə — "https://az.wikipedia.org/w/index.php?title=Şimal_porsuğu_(Marvel_Comics)&oldid=7442793"