Ənvər Behbudov
Bu məqaləni vikiləşdirmək lazımdır. |
Ənvər Məcid oğlu Behbudov (20 mart 1912, Şuşa – 18 mart 1993, Moskva)[1] — RSFSR xalq artisti (1965), rejissor, bədii rəhbər.
| Ənvər Behbudov | |
|---|---|
 | |
| Doğum tarixi | 20 mart 1912 |
| Doğum yeri | |
| Vəfat tarixi | 18 mart 1993 (80 yaşında) |
| Vəfat yeri | |
| Vətəndaşlığı | |
| Atası | Məcid Behbudov |
| Fəaliyyəti | dramaturq, teatr rejissoru |
| Mükafatları |
   |
Həyatı redaktə
Ənvər Məcid oğlu 20 mart 1912-ci ildə Şuşa şəhərində anadan olmuşdu. Ümumittifaq Dövlət Teatr Sənəti İnstitutunun rejissorluq fakültəsini bitirmiş (1942), Ulyanovsk (1944–1946), Xabarovsk (1946–1948), Novosibirsk (1948–1954) teatrlarında rejissor və bədii rəhbər olmuşdur. V. Kaçalov adına Böyük Dram Teatrında (Kazan, 1954–1959) və M. Qorki adına Dram Teatrında (Rostov, 1959–1964) baş rejissor işləmişdir. "Tüfəngli adam" (N. Poqodin), "Oyanmış torpaq" (M. Şoloxov), "Ölü canlar" (N. Qoqol), "Məhəbbət haqqında 104 səhifə" (E. Radzinski) və s. tamaşaların quruluşunu vermişdir. 1966-cı ildən Azərbaycan Opera və Balet Teatrında baş rejissor işləmiş, "Koroğlu" operasını tamaşaya qoymuşdur. 1969-cu ildən Azərbaycan Rus Dram Teatrının baş rejissoru olmuşdur; Ə. Behbudov burada "Altı iyul" (1970, M. Şatrov), "Kənar adam" (1972, M. Dvoretski), "Öz yolunla" (1973, R. İbrahimbəјov), "Sən yanmasan" (1974, N. Xəzri), "Ötən yay Çulimskdə" (1975, A. Vampilov), "Bir iflasın protokolu" (1976, A. Gelman) və s. əsərləri tamaşaya qoymuşdur. Qırmızı Əmək Bayrağı və "Şərəf nişanı" ordenləri, həmçinin, medallarla təltif edilmişdir.
İstinadlar redaktə
- ↑ "BEHBUDOV Ənvər Məcid oğlu" (az.). Azərbaycan Milli Ensiklopediyası. 2019-02-14 tarixində arxivləşdirilib. İstifadə tarixi: 2019-02-14.