Alovda yürüyən (film, 1986)

Alovda yürüyən (ing. Firewalker) — 1986-ci ildə Çak Norrisin iştirakı ilə çəkilən ABŞ filmidir.[2]

Alovda yürüyən
ing. Firewalker
Janr Döyüş filmi
Rejissor Con Li Tompson
Prodüserlər Menahem Qolan
Yoram Qlobus
Norman Alacem
Karlos Hil
Cefri M.Rozenbaum
Ssenari müəllifləri Robert Qossnel
Cefri M.Rozenbaum
Norman Alacem
Baş rollarda Çak Norris
Luis Qossett-kiçik
Melodi Anderson
Operator Aleks Fillips-kiçik
Bəstəkar Qeri Çan
Rəssamlar Xose Rodriqes Qranada
Poppi Kennon-Riz
Kleomenes Stamadiaes
Montajçı Riçard Marks
İstehsalçı The Cannon Group
Distribütor The Cannon Group, Netflix
İlk baxış tarixi 1986, 5 fevral 1987[1]
Müddət 104 dəqiqə
Ölkələr ABŞ ABŞ
Dil İngilis dili
İl 1986
Rəng rəngli
IMDb ID0091055

Məzmun redaktə

Jurnalist vəzifəsində çalışan Patrisiya arxeologiya ilə maraqlanır. Bir dəfə onun əlinə bir xəritə düşür. Bu xəritədə keçmiş hindu tayfasına məxsus qızılların hansı ərazidə yerləşdiyi göstərilir. Bunun üçün Patrisiya qorxmaz qəhrəmanlar axtarır. Günlərin birində Patrisiya Maks və Leo ilə barta rastlaşarkən, onlardan kömək istəyir. Patrisiya Bu zaman hindu geyimli naməlum şəxs onlara bir neçə ox atır və tez bir zamanda buranı tərk edir. Maks və Leo bəxtlərini sınamaq üçün Patrisiya ilə birlikdə macəra axtarışına çıxırlar. Macəra zamanı qiymətli əşyaya bənzər bir bıçaq tapırlar. Bu zaman bardakı hindu geyimli şəxs peyda olaraq, Patrisiyanı qaçırır. Maks və Leoya bir neçə hindu geyimli şəxs müqavimət göstərir. Maks və Leo onların müqavimətini dəf edir. Onlar Patrisiyanı xilas edən zaman onu qaçıran hindu, bıçağın parlaqlığını müşahidə edir və təpədən düşərək, dünyadan köçür. Bir müddət sonra qızılın yerini təyin etmək üçün "Hündür Qartal" adlı bir hindunun evinə gedirlər. "Hündür Qartal" qızılların yerini bilməsə də, onlara El Koyotedən qorunmalarını bildirir.

Bir müddət sonra onlar yaşadıqları otelə geri dönürlər və gecə vaxtı Maksın otağına hindu geyimli bir qız daxil olur. Həmin qız Maksa, "Hündür Qartal" tərəfindən göndərildiyini bildirir və ona güc qazanması üçün su verir. Əslində, bu qız El Koyote tərəfindən göndərilmişdir. Hindu qız onu öldürmək istəyən müddətdə "Hündür Qartal" xüsusi mərasim keçirir və Maksın dostlarını yuxudan ayıltmağa çalışır. Patrisiya yuxudan ayılaraq, ona müqavimət göstərir. Sonda Leo onun müqavimətini dəf etməyi bacarır. Sabahısı gün onlar hindu qızı saxladıqları otaqda yoxa çıxdığını müşahidə edirlər. Bu zaman otağda ilan hərəkət etməyə başlayır. Bir müddət sonra Patrisiya, Maks və Leo Mərkəzi Amerikaya yola düşürlər. Onlar barda Boqq adlı şəxslə tanış olurlar və ondan kömək istəyirlər. Boqqs onları kəndlərin birinə istiqamətləndirir. Bir müddət sonra Boqqs El Koyoteyə onların getdiyi yeri bildirir və ondan pul istəyir. Lakin El Koyote onu öldürür.

Bu müddətdə Patrisiya, Maks və Leo, Boqqsun onlara göstərdiyi əraziyə çatırlar. Bu zaman onlar kənddə baş verən müharibənin şahidi olurlar. Bir qrup silahlı dəstə onları izləməyə başlayır. Patrisiya, Maks və Leo onlardan qaçmağı bacarır. Gecə vaxtı El Koyote Patrisiyanı ram etmək istəyir. Patrisiya macəra zamanı tapdıqları bıcaqla birlikdə ona tərəf istiqamətlənir, lakin Maksın səsləməsi sayəsində hipnozdan azad olur. Sabahısı gün onları ərazidəki başqa silahlı heyət əsir edərkən, Maks və Leo heyət başçısının keçmiş dostları olan Korkinin olduğunu görürlər və gecəni ona məxsus ərazidə qalırlar. Sabahısı gün Patrisiya, Maks və Leo macəralarına yenidən davam edirlər. Gecə vaxtı onlar gölməçənin ətrafında gecələyirlər. Bu zaman Maks və Patrisiya Leonun naməlum səbəbdən gözə görsənmədiyini müşahidə edirlər. Leo, El Koyote tərəfindən qaçırılmış və onlar bundan xəbərsizdirlər. Maks geri dönmək istəyən zaman Patrisiya onu fikrindən daşındırmağı bacarır.

Bir müddət sonra Maks və Patrisiya bir mağaraya çatırlar. Burada Leo əsir saxlanılmışdır. Müxtəlif hadisələr əsnasında El Koyote həm bıçağa, həm də Patrisiyaya sahib olur. El Koyotenin sözlərinə görə bu bıçaqla Patrisiyanı öldürdükdən sonra alovda yerimək üçün güc qazanacaq və günəşə qovuşacaqdır. Bu müddətdə Maks Leonu xilas edir və onlar Patrisiyanı tapmağa başlayırlar. El Koyote Patrisiyanı öldürmək istəyən zaman Maks ona atəş açır və onun öldüyünü zənn edir. Patrisiya bu bıçaq sayəsində qızılların yerini təyin edir. Onlar buranı tərk edən zaman El Koyotenin müqaviməti ilə rastlaşırlar. Maks onunla mübarizə aparır və ona qalib gəlir. Sonda Patrisiya, Maks və Leo istirahətə yollanırlar.

Rollarda redaktə

Aktyor Rol
Çak Norris Maks Doniqan
Luis Qossett-kiçik Leo Porter
Melodi Anderson Patrisiya Qudvin
Con Ris-Devis Korki Teylor
Uill Sampson Hündür Qartal
Yen Eberkrombi Boqqs
Sonni Lendem El Koyote

Həmçinin bax redaktə

İstinadlar redaktə

  1. Lexicon of international films (alm.). Zweitausendeins.
  2. "Firewalker' Is Handsome Hokum The Los Angeles Times". 2012-11-02 tarixində arxivləşdirilib. İstifadə tarixi: 2011-12-07.

Xarici keçidlər redaktə