Anita Raçvelişvili
Anita Raçvelişvili (gürc. ანიტა რაჭველიშვილი, 28 iyun 1984, Tbilisi) — Gürcüstanın Mezzo-soprano səs tembrli opera ifaçısıdır. Xüsusilə "Verdini" ifa etdiyi üçün məşhurdur.[1] Dirijor Rikardo Muti 2018-ci ildə onun haqqında demişdi: "O, şübhəsiz ki, bu gün planetdə ən yaxşı Verdi mezzo-soprano ifaçısıdır". O, həmçinin Jorj Bizenin Karmen operasını ifasına görə tanınır.[2]
| Anita Raçvelişvili | |
|---|---|
 | |
| Ümumi məlumatlar | |
| Doğum tarixi | 28 iyun 1984 (39 yaş) |
| Doğum yeri | |
| Vətəndaşlığı | |
| Musiqiçi məlumatları | |
| Fəaliyyəti | opera müğənnisi |
| Janr | opera |
| Səs tembri | messo-soprano |
| Təhsili |
|
| anitarachvelishvili.com | |
Təhsil və karyera redaktə
Anita Raçvelişvili əvvəlcə Muxran Maçavariani adına musiqi məktəbində fortepiano çalmağa başlayıb. O, Tbilisi Konservatoriyasına daxil oldu və burada Manana Eqadzenin vokal dərslərini alır. Konservatoriyada təhsil aldığı illərdə, o, Gürcüstan Opera və Balet Teatrında Riqolettada Maddalena hissəsini ifa edib. Musiqi təhsilini Milandakı La Scala Akademiyasında davam etdirdi. La Scala Teatrının direktoru Daniel Barenboim Karmen operasının yeni formada səhnə çıxışına Anitanı əsas rol oynamağa dəvət etdi.[3] 2009-cu ildə səhnələşdirilən bu opera bir çox ölkələrdə nümayiş olundu və Anitaya dünya şöhrəti qazandırdı. Tənqidçilər onun güclü səsini və təsirli səhnə cazibəsini qeyd etdilər. Raçvelişvili dünyanın ən qabaqcıl opera məkanlarında, London Royal Opera Evi, Kanada Opera, Nyu-Yorkda Metropoliten Opera və digərlərində Karmen hissəsini ifa etmişdir. Digər çıxış etdiyi operalara Oorfey (Orfey və Evridika), Dalila (Samson və Deliha), Dülsineya(Don Kixot) və Konçakovna (Knyaz İqor) daxildir. 2016-cı ildə Raçvelişvili Paris Operasında yeni səhnələşdirilmiş "Aida"nın Amneris hissəsini ifa etdi. Bu çıxış tənqidçilər tərəfindən tərif qazandı. 2016-cı ildə o, gürcü müğənnisi və musiqiçisi Otar Maisuradze ilə evləndi.[4] 2017-ci ildə "Bachtrack Opera Awards"da ən yaxşı müğənni adına layiq görülüb.[5]
İstinadlar redaktə
- ↑ Guillemin, VincenDeux reines pour Verdi Arxivləşdirilib 2017-02-03 at the Wayback Machine Les concerts d'Altamusica.
- ↑ "Anita Rachvelishvili official website". 2017-12-10 tarixində orijinalından arxivləşdirilib. İstifadə tarixi: 2019-05-23.
- ↑ Zaconni, Daniela.. Carmen: 'Una che s'innamora' Arxivləşdirilib 2020-10-26 at the Wayback MachineCorriere della Sera (27 November 2009).
- ↑ "На свадьбе Аниты Рачвелишвили повеселилась вся грузинская элита". 2019-03-26 tarixində arxivləşdirilib. İstifadə tarixi: 2019-05-23.
- ↑ "Лучшая певица: Анита Рачвелишвили — призер Bachtrack Opera Awards". 2019-03-26 tarixində arxivləşdirilib. İstifadə tarixi: 2019-05-23.