Ayxan Tağızadə

Ayxan Tağızadə (d. 19 yanvar 1996) — Azərbaycan taekvondoçusu.

Ayxan Tağızadə
Tağızadə Ayxan Əvəz oğlu
Ayxan Tağızadə Birinci Avropa Oyunlarının qalibi olarkən
Ayxan Tağızadə Birinci Avropa Oyunlarının qalibi olarkən
Şəxsi məlumatlar
Tam adı Tağızadə Ayxan Əvəz oğlu
Vətəndaşlığı Azərbaycan Azərbaycan
Doğum tarixi (28 yaş)
Doğum yeri Bakı, Azərbaycan
Təhsili Azərbaycan Dövlət Bədən Tərbiyəsi və İdman Akademiyası
Boyu 186 sm
Çəkisi 68 kq
İdman növü Taekvondo

Həyatı redaktə

Ayxan Tağızadə 19 yanvar 1996-cı ildə Bakı şəhərində taekvondo məşqçisi Əvəz Tağıyevin ailəsində dünyaya göz açıb. 3 yaşından taekvondo idman növü ilə məşğul olan Ayxan Tağızadə 6 yaşında qara kəmər sahibi olub.

2013-cü ildə Yasamal rayonu 158 nömrəli orta məktəbdən məzun olmuşdur. Hal hazırda Azərbaycan Dövlət Bədən Tərbiyəsi və İdman Akademiyası-nın IV kurs tələbəsidir.

Qardaşı Fərid Tağızadə Azərbaycan milli taekvondo komandasının keçmiş üzvüdür. Atası Azərbaycanın Para-Taekvondo üzrə Milli komandasının baş məşqçisidir[1]

Karyerası redaktə

2013 Portuqaliya Gənclər arası Avropa Çempionatında redaktə

Ayxan Tağızadə 25–28 sentyabr 2013-cü ildə Portuqaliya Portu şəhərində Gənclər arasında keçirilən Avropa Çempionatında 63 kq çəkidə iştirak etmiş və II yeri tutmuş[2] gümüş medal qazanmışdır.

2015 Avropa Oyunlarında redaktə

Ayxan Tağızadə 17 iyun 2015-ci ildə Baku Crystal Hallda 2015 Avropa Oyunları çərçivəsində taekvondo üzrə keçirilən kişilər arasında 68 kiloqram çəkidə Azərbaycanı təmsil etmişdir.[3]

Yarışa ilkin mərhələdən başlayan idmançı Sloveniyalı Yure Pantarla döyüşdə 11:3 hesabı ilə qalib gələrək dörddə bir finalda London Olimpiya Oyunlarının qalibi, ikiqat dünya və ikiqat Avropa çempionu ispaniyalı Xoel Qonzales Bonilla ilə qarşılaşmışdır. On doqquz yaşlı Ayxan Tağızadə təcrübəli rəqibini 7:5 hesabı ilə məğlub edərək yarımfinalda iştirak hüququ qazanmış və Rusiya idmançısı Aleksey Denisenkonu 7:5 hesabı ilə məğlub edərək finala çıxmışdır.[3]

Final görüşündə Ayxan Tağızadə polşalı Karol Robak ilə qarşılaşmış və qələbə qazanaraq Birinci Avropa Oyunlarının çempionu olmuşdur. Bununla da, Azərbaycan birinci Avropa Oyunlarında qazandığı qızıl medalların sayını 11-ə çatdırmışdır.[3]

Azərbaycan Respublikasının Prezidenti İlham Əliyev və xanımı, "Bakı-2015" birinci Avropa Oyunları Təşkilat Komitəsinin sədri Mehriban Əliyeva Ayxan Tağızadənin finala çıxmaq uğrunda mübarizəsini (1/4 final) izləmişlər.[3]

Ayxan Tağızadə Birinci Avropa Oyunlarında taekvondo üzrə ilk qızıl medal qazanan idmançı olmuşdur.

2017 İslam Həmrəyliyi Oyunlarında redaktə

Ayxan Tağızadə 17 may 2017-ci ildə Baku Sports Hallda 2017 İslam Həmrəyliyi Oyunları çərçivəsində taekvondo üzrə keçirilən kişilər arasında 68 kiloqram çəkidə Azərbaycanı təmsil etmişdir. Həlledici mərhələdə İran idmançısı Seyid Hüseyn ilə üz-üzə gələrək, rəqibini 8:7 hesabı ilə məğlub etmişdir.

2017 Summer Universiade redaktə

Tayvanda təşkil edilən 29-cu Yay Universiada Oyunlarında taekvondo idman növü üzrə yarışda millinin üzvlərindən −68 kq çəki dərəcəsində döyüşən Ayxan Tağızadə fransız Fabio Mattelə 19:7, Böyük Britaniyalı Jacob Barnettə 17:9, Xavier Perezə (İspaniya) 9:7 hesabı ilə qalıb gələrək yarımfinala vəsiqə qazanıb. Final uğrunda qarılaşmada erməni rəqibi Sergey Vardazaryana (31:14) şans verməyən Ayxan, finalda rusiyalı taekvondoçu Boris Krasnovla döyüşdə qızıl xalla məğlub olaraq yarışı gümüş medalla başa vurdu.

İstinadlar redaktə

  1. "İdmançılar: Aykhan Taghizade". 2015 Avropa Oyunlarının saytı (az.). az.baku2015.com. 2015. İstifadə tarixi: 2015-06-19.[ölü keçid]
  2. "Nəticələr: 2000-2015". ATF (az.). taekwondo.az. 2013. 2018-08-10 tarixində arxivləşdirilib. İstifadə tarixi: 2015-06-19.
  3. 1 2 3 4 "İlham Əliyev taekvondo yarışlarında Ayxan Tağızadənin final uğrunda mübarizəsini izləyib" (az.). president.az. 17 iyun 2015, 22:50. 2017-12-27 tarixində arxivləşdirilib. İstifadə tarixi: 2015-06-19.