Binəqədi gölü
Binəqədi gölü-Bu göl üç su-bataqlıq ərazisindən ibarət olub həm biomüxtəliflik, həm də təbiət abidələrinin sistemliliyi baxımından unikal landşafta malikdir. Gölün qərb hissəsində 2 geoloji təbiət abidəsi - Keyrəki və Abix palçıq vulkanları yerləşir. Keyrəki palçıq vulkanı həm nəhəngliyi, həm də püskürmə aktivliyi baxımından çox maraqlı bir təbiət abidəsi olmaqla Azərbaycanın dövlət əhəmiyyətli təbiət abidələri siyahısına daxil edilmişdir.
| Binəqədi gölü | |
|---|---|
 Keyrəki palçıq vulkanı və Binəqədi gölü | |
| Ümumi məlumatlar | |
| Mütləq hündürlüyü | 54-57 m |
| Sahəsi | 0,015 km² |
| Tökülən çay | yoxdur |
| Minerallaşma tipi | Şorsulu |
| Yerləşməsi | |
| 40°28′04″ şm. e. 49°48′04″ ş. u. | |
| Ölkə |
 Azərbaycan |
| Yerləşməsi |
Binəqədi rayonu (Azərbaycan) |
|
|
|
|
|
|
Gölün şərq hissəsində iki yatmış palçıq vulkanı – Böyükdağ və Kiçikdağ palçıq vulkanları yerləşir. Ərazinin digər dövlət əhəmiyyətli təbiət abidəsi gölün cənub-şərq hissəsində yerləşən «Binəqədi Faunası» - Binəqədi Dördüncü Dövr Fauna və Flora ərazisidir. ərazinin şimal tərəfində isə məşhur duz gölü olan Masazır gölü yerləşir. Bu baxımdan ərazi yüksək ekoloji turizm potensialına malikdir. Məlumdur ki, Abşeronun su-bataqlıq əraziləri intensiv antropogen amillərin təsiri nəticəsində kəskin azalmışdır. Bu isə ərazinin su-bataqlıq canlılarının məhvinə aparır. Bir zamanlar Binə, Binəqədi kəndləri, Xırdalan və Rəsulzadə qəsəbələri ətrafındakı geniş bataqlıq ərazilərdən artıq heç bir əlamət qalmamışdır. Bu prosesdavam edərsə, göstərilən ərazilər də qurudularaq istifadəyə sərf olunacaqdır. ərazidə «Azərbaycanın Qırmızı Kitabı»na salınmış quşlar məskunlaşmışdır. Biomüxtəlifliyin mühafizəsi, ekoloji maarifləndirmə, Bakı və ətraf ərazilərin sakinlərinin estetik və rekreasiyası baxımından da göstərilən ərazi böyük ekoloji, irsi, maarifləndirmə və elmi əhəmiyyətə malikdir.