Elena Koltsova-Mosalskaya

Elena Koltsova-Mosalskaya (rum. Elena Ghica; 3 fevral 1828[1][2] və ya 22 yanvar 1828[3][4], Buxarest[3][1][…]17 noyabr 1888[3][4][…], Florensiya[3][1][…]) — Rumıniyalı rəssam, yazıçı və alpinist. Əsərləri Dora d'Istria təxəllüsü ilə nəşr edilmişdir.

Elena Koltsova-Mosalskaya
rum. Elena Ghica
Doğum adı Elena Ghica
Doğum tarixi 3 fevral 1828(1828-02-03)[1][2] və ya 22 yanvar 1828(1828-01-22)[3][4]
Doğum yeri
Vəfat tarixi 17 noyabr 1888(1888-11-17)[3][4][…] (60 yaşında)
Vəfat yeri
Vətəndaşlığı
Fəaliyyəti rəssam, yazıçı, esseist, tarixçi, traveler, alpinist
Əsərlərinin dili fransız dili
Üzvlüyü
İmza
Vikianbarın loqosu Vikianbarda əlaqəli mediafayllar

Bioqrafiyası redaktə

Elena Gika mənşəyi Albaniyada axtarılan knyaz Qika ailəsindən gəlir. 17-ci əsrin ortalarından bu nəsldən çıxanlar Moldaviya və Valaxiyanın hökmdarları idi. Atası Şahzadə Mihay Qika idi. O, moldaviyalı Qreqori IV Qikanın əmisi oğlu idi.

Knaqinya Koltsova-Mosalskaya gəncliyində əla təhsil alır. Sonradan xaricdə təhsilini davam etdirir. Rumın, rus, italyan, alman, ingilis, fransız, latın, qədim və müasir yunan, alban və s daxil olmaqla ondan çox dildə səlis danışan bir poliqlot idi. Prussiyanın paytaxtında qədim yunan dili bilikləri ilə Aleksandr von Humboldtda çox gözəl təəssürat yaratmışdır.

1849-cu ildə Yaş şəhərində rus zabiti knyaz Aleksandr Koltsov-Mosalski ilə evlənir. Cütlük 1875-ci ildə knyazın ölümünə qədər Rusiyada yaşamışdır[5].

Sonra Elena Koltsova-Mosalskaya Avropaya üz tutur, İsveçrə, Fransa, İrlandiya, YunanıstanAnadoluda olur. ABŞ-a səfər edir.

1885-ci ildə o, Alp dağlarında Monblan və Monax zirvələrinə bələdçi ilə qalxır.

Səhhətinə görə Rusiyadan İtaliyaya, ölənə qədər yaşadığı Florensiyaya köçmək məcburiyyətində qalır. Yırtığın pozulmasından dünyasını dəyişir. Trespiano şəhər qəbiristanlığında dəfn edilir.

Yaradıcılığı redaktə

Drezdendə, sonra Vyanada, Venesiyada və Berlində rəssamlığı öyrənərək ilkin dövrdə yarımçıq qalan bədii meyllərini inkişaf etdirir.

Sankt-Peterburqda Elena Koltsova-Mosalskaya paytaxtın bədii həyatında fəal iştirak edirdi. Rəssamlıq Akademiyasında sərgilənən əsərlərinə görə mükafata layiq görülüb. İncə yazıları və zəngin rəngləri ilə fərqlənən şahzadənin kətanlarında əsasən cənub Avropa ölkələrinin təbiəti və memarlığı təsvir edilmişdir. Rus və Qərbi Avropa sənət istiqamətinin nümunəsi bidermayer idi.

1855-ci ildə "La vie monastique dans l'Eglise orientale" kitabı ilə ədəbi sahədə meydana çıxır. Fransızca Countess Dora D'Istria təxəllüsü ilə yazılar yazır

Demək olar ki, bütün Avropa ölkələrində jurnal və qəzetlərdə sənət, ədəbiyyat, siyasi, sosial və dini mövzularda bir sıra məqalələr yazmışdır. Ədəbi əsərləri və jurnalistikası ilə Avropada şöhrət qazanmışdır.

Bir çox Avropa elmi cəmiyyətlərinin, xüsusən də İtaliya Akademiyasının üzvü idi.

Yunan parlamenti ona "böyük vətəndaş" və İtaliyanın bir çox şəhərindən fəxri vətəndaşlıq adı verilmişdir.

Şeirləri redaktə

  • La vie monastique dans l'Eglise orientale (1855, 3-cü nəşr, 1858);
  • Les femmes en Orient (Sürix, 1858; rus dilində — 1865);
  • Excursion en Roumelie et en Moree (Sürix, 1858);
  • Des femmes par une femme (Sürix, 1864; rusca tərcüməsi — 1866);
  • Les roumains et la papaute;
  • La poesie des Ottomans (1877);
  • Gli Albanesi in Rumenia (XVII–XIX əsrlərdə knyaz Qikanın tarixi) (2-ci nəşr, Florensiya, 1873);
  • Jurnal və qəzetlərdə bir sıra məqalələr.

İstinadlar redaktə

  1. 1,0 1,1 1,2 1,3 1,4 1,5 Bibliothèque nationale de France BnF identifikatoru (fr.): açıq məlumat platforması. 2011.
  2. 2,0 2,1 Biographisches Lexikon zur Geschichte Südosteuropas (alm.). / Hrsg.: M. Bernath, K. Nehring, Leibniz-Institut für Ost- und Südosteuropaforschung R. Oldenbourg Verlag, 1974.
  3. 3,0 3,1 3,2 3,3 3,4 3,5 3,6 3,7 Dizionario Biografico dell'Educazione 1800-2000 (it.). Editrice Bibliografica, 2013.
  4. 4,0 4,1 4,2 4,3 Countess Dora d'Istria // (unspecified title).
  5. "Elena Ghica - Dora d'Istria". 2012-01-30 tarixində arxivləşdirilib. İstifadə tarixi: 2020-04-28.