Elmira Qəmbərova

Azərbaycan güləşçisi

Elmira Qəmbərova (14 mart 1994) — Azərbaycanı təmsil edən sərbəst güləşçi.[1]

Elmira Qəmbərova
Şəxsi məlumatlar
Tam adı Elmira Qəmbərova
Vətəndaşlığı Azərbaycan Azərbaycan
Doğum tarixi 14 mart 1994(1994-03-14) (29 yaş)
Boyu 168 sm. (5 ft 6 in)
İdman növü Güləş
Karyera illəri 2011—2020
Məşqçisi Aslan Ağayev

Karyerası redaktə

Elmira Qəmbərova beynəlxalq turnirlərdə birinci uğuruna 2014-cü ildə Polşada gənclər arasında Avropa Çempionatını gümüş medalla başa vurmaqla imza atdı.[1] Həmin il Elmira Qəmbərova həm də Xorvatiyada gənclər arasında Dünya Çempionatını beşinci pillədə başa vurdu.[1] 2015-ci ilin martında isə Elmira Qəmbərova Polşada U23 Avropa Çempionatının bürünc medalına sahib oldu.[1] Həmin il Avropa Oyunlarında çıxış edən Elmira Qəmbərova 2015 və 2016-cı illərdə Azərbaycanın sabiq Prezidenti Heydər Əliyevin xatirəsinə həsr olunan beynəlxalq turnirləri beşinci pillələrdə başa vurdu.[1]

2017-ci ildə Elmira Qəmbərova Kiyev şəhərində beynəlxalq turnirin gümüş medalına sahib oldu, Macarıstanda U23 Avropa Çempionatını və Serbiyada Avropa Çempionatını isə yeddinci pillələrdə başa vurdu.[1] Mayda Azərbaycanda baş tutan IV İslam Həmrəyliyi Oyunlarının bürünc medalına sahib olan Elmira Qəmbərova həmin il Paris şəhərində (Fransa) Dünya Çempionatında debüt elədi və turniri 12-ci pillədə başa vurdu.[1] 2018-ci ildə Elmira Qəmbərova Rusiyada Avropa Çempionatını 8-ci, Macarıstanda Dünya Çempionatını isə 14-cü pillədə başa vurdu.[1]

Karyerasın ən uğurlu mövsümü 2019-cu ilə təsadüf edən Elmira Qəmbərova əvvəl Fransa Qran-Prisini beşinci pillədə başa vursa da, mövsümün növbəti nüfuzlu turnirlərində uğurlara imza atdı.[1] Apreldə Rumıniyanın Buxarest şəhərində baş tutan Avropa Çempionatını bürünc medalla başa vuran Elmira Qəmbərova iyunda Belarusda Avropa Oyunlarının final görüşündə məğlub olaraq turnirin gümüş medalına sahib oldu.[1]

2020-ci ildə əvvəl yanvarda İstanbul şəhərində Yaşar Doğunun xatirəsinə həsr olunan beynəlxalq turnirin bürünc medalına sahib olan Elmira Qəmbərova daha sonra fevralda İtaliyanın Roma şəhərində Avropa Çempionatını yeddinci pillədə başa vurdu.[1] Elmira Qəmbərova 2021-ci ildə evləndi və idmanla vidalaşdı.

Nəticələri redaktə

Sıra
İl
Yarış
Ev sahibi
Nəticə
1
2014
Gənclərin Avropa Çempionatı   Polşa
2.
2
Gənclərin Dünya Çempionatı   Xorvatiya
5.
3
2015
Paris Qran-Prisi   Fransa
12.
4
U23 Avropa Çempionatı   Polşa
3.
5
Avropa Oyunları   Azərbaycan
15.
6
Qızıl Qran-Pri   Azərbaycan
5.
7
2016
Qızıl Qran-Pri   Azərbaycan
5.
8
2017
Kiyev Turniri   Ukrayna
2.
9
U23 Avropa Çempionatı   Macarıstan
7.
10
Avropa Çempionatı   Serbiya
7.
11
İslam Həmrəyliyi Oyunları   Azərbaycan
3.
12
Dünya Çempionatı   Fransa
12.
13
U23 Dünya Çempionatı   Polşa
8.
14
2018
Avropa Çempionatı   Rusiya
8.
15
Y. Doğu Turniri   Türkiyə
5.
16
A. Medved Turniri   Belarus
3.
17
Dünya Çempionatı   Macarıstan
14.
18
2019
Fransa Qran-Prisi   Fransa
5.
19
Avropa Çempionatı   Rumıniya
3.
20
Sassari Turniri   İtaliya
2.
21
Avropa Oyunları   Belarus
2.
22
Dünya Çempionatı   Qazaxıstan
28.
23
2020
Yaşar Doğu Turniri   Türkiyə
3.
24
Avropa Çempionatı   İtaliya
7.

İstinadlar redaktə

  1. 1 2 3 4 5 6 7 8 9 10 11 International Wrestling Database. "ELMIRA GAMBAROVA". www.iat.uni-leipzig.de (ingilis). 2022-08-04. 2022-02-02 tarixində arxivləşdirilib. İstifadə tarixi: 02.08.2022.