Entoni Dauns
Entoni Dauns (21 noyabr 1930[1][2][…] – 2 oktyabr 2021[3][4], Betesda, Merilend[4]) – Amerika iqtisadçısı və politoloqu, doktorluq dərəcəsini Stanford Universitetində (1956) almışdır.[5]
| Entoni Dauns | |
|---|---|
| ing. Anthony Downs | |
| Doğum adı | James Anthony Downs[4] |
| Doğum tarixi | 21 noyabr 1930[1][2][…] |
| Vəfat tarixi | 2 oktyabr 2021[3][4] (90 yaşında) |
| Vəfat yeri | |
| İş yerləri |
|
| Təhsili | |
| Üzvlüyü | |
Həyatı redaktə
Karlton kollecini (Minnesota ştatı) bitirmişdir. Çikaqo Universitetinin professoru (1959–62) olmuş, 1977-ci ildən Vaşinqtondakı Brukinqs Mərkəzində böyük tədqiqatçı vəzifəsində çalışır.[5]
Fəaliyyəti redaktə
Səmərəli seçim nəzəriyyəsinin müəllifidir. İqtisadi model və konsepsiyaları sırf siyasi problemlərin təhlilində, bürokratiyanın tədqiqində istifadə edərək, əsas iştirakçıları məqsədlərinin maksimallaşdırılmasına can atan "səmərə aktorları" (partiyalar, siyasətçilər, seçicilər) olan demokratik siyasət konsepsiyasını işləyib hazırlamış, "hakimiyyət itkisi" tezisini formulə etmişdir. Dauns bürokratik strukturda qeyri-çevikliyin (fəaliyyətsizliyin) artması səbəbini onun mərkəzləşdirmə, daxili ixtisaslaşma və yeni tənzimləmə qaydalarının tətbiqi yolu ilə "hakimiyyət itkisi"ni kompensasiya etmək cəhdində görürdü. Dauns yanaşması siyasi proseslərin modelləşdirilməsində geniş istifadə olunur.[5]
Əsərləri redaktə
- An economic theory of democracy. N. Y., 1957;
- Inside bureaucracy. Boston, 1967;
- Dohousing allowances work (K. L. Bredberi ilə birlikdə). Wash., 1981;
- Energy costs, urban development, and housing (K. L. Bredberi ilə birlikdə). Wash., 1984.
İstinadlar redaktə
- ↑ 1 2 3 4 Utter G. H. Downs, Anthony // American Political Scientists (ing.): A Dictionary. 2 Greenwood Publishing Group, 2002. ISBN 978-0-313-31957-0
- ↑ 1 2 Anthony Downs // Brockhauz Ensiklopediyası (alm.).
- ↑ 1 2 Tribute Archive Obituary - Visitation & Funeral Information.
- ↑ 1 2 3 4 5 Roberts S. Tony Downs, Economist Who Studied Why People Vote, Dies at 90 (ing.). / J. Kahn Manhattan, NYC: New York Times Company, A. G. Sulzberger, 2021. ed. size: 443000 ISSN 0362-4331; 1553-8095; 1542-667X
- ↑ 1 2 3 Dauns// Azərbaycan Milli Ensiklopediyası (25 cilddə). — VI cild. Bakı, 2009. — Səh.: 379.