Ester Peoni
Aleksandra Kretsu (rum. Alexandra Crețu; 21 iyul 1993, Buxarest, Rumıniya) və ya səhnə adı ilə Ester Peoni — Rumıniya müğənnisi və bəstəkarı. O, "On a Sunday" mahnısı ilə Rumıniyanı İsrailin Tel-Əviv şəhərində keçirilən 2019 Avroviziya Mahnı Müsabiqəsində təmsil etmişdir.[1][2] Ester Rumıniyada anadan olsa da, Kanadanın Monreal şəhərində böyüyüb başa çatmışdır.[3]
| Ester Peoni | |
|---|---|
 Ester Peoni | |
| Ümumi məlumatlar | |
| Doğum adı |
Aleksandra Kretsu rum. Alexandra Crețu |
| Ləqəbi | Ester Peony |
| Doğum tarixi | |
| Doğum yeri | Buxarest, Rumıniya |
| Vətəndaşlığı |
 Rumıniya |
| Musiqiçi məlumatları | |
| Fəaliyyəti | müğənni, bəstəkar |
| Fəaliyyət illəri | 2014–h.h. |
| Janr |
|
| Musiqi aləti | vokal |
| Albom şirkəti | Cat Music |
 Vikianbarda əlaqəli mediafayllar | |
Onun səhnə adı Ester Babiloniyanın sevgi, gözəllik, arzu, müharibə, ədalət və siyasi güc ilahəsi İştardan gəlir. Qədim fars dilində Ester "ulduz" deməkdir.[4]
Musiqi karyerası redaktə
2015-2018: Erkən illəri redaktə
Ester Piteşti şəhərində yerləşən Dinu Lipatti adına incəsənət məktəbində musiqi təhsilini almışdır. Onun musiqiyə olan sevdası uşaqlıq illərindən özünü göstərməyə başlamış və o ailəsi ilə birlikdə Monrealda yaşayarkən caz kursuna getmişdir. Rumıniyaya qayıtdıqdan sonra Ester kbəstəkarlıq və caz bölmələri üzrə konservatoriyaya daxil olur. İnternetdə müxtəlif canlı ifalarını paylaşmasının ardınca Ester 2014-cü ildə Rumıniyanın bir albom şirkəti ilə müqavilə əldə edir. "Leyla" və "Iubire" sinqlları ilə birlikdə ifaçının fərqli musiqi əməkdaşlıqları da öz nəticəsini göstərir. Bir il sonra Esterin Veskan ilə duet şəklində ifa etdiyi "Sub aripa ta" mahnısı Rumıniya televiziya və radiolarında səslənməyə başlayır. 2018-ci ildə Esterin Dig It adlı mini-albomu işıq üzü görmüşdür. Albomda yer alan mahnılar Ester tərəfindən bəstələnmişdir.
2019 Avroviziya Mahnı Müsabiqəsi redaktə
Rumıniyanın TVR telekanalı Avroviziya 2019 üçün təşkil edilən Selecției Naționale adlı seçim turunda iştirak edən 24 namizəddən birinin də Ester Peoni olduğunu elan etmişdir. "On a Sunday" mahnısı ilə yarışmanın yarımfinal mərhələsində çıxış edən ifaçı finalda yer almağa nail olmuşdur. Qalibiyyətə əsas favorit Laura Bretan və Bella Santiaqonun göstərilməsinə baxmayaraq, nəticədə Ester seçim turunda qələbə qazanaraq Rumıniyanı Tel-Əvivdə keçirilən Avroviziya 2019-da təmsil etmək hüququnu əldə etmişdir.
Diskoqrafiya redaktə
Mini-albomlar redaktə
| Albom adı | İl |
|---|---|
| Dig It | 2018 |
Sinqllar redaktə
| Mahnı adı | İl |
|---|---|
| „Iubire” | 2014 |
| „Cuminte de Crăciun” (Ana Baniçiu, Puya, Doddy, Veskan və Mahia Beldo) | |
| „Sub aripa ta” (Veskan ilə duet) |
2015 |
| „1000 de motive” (Phelipe) ilə duet |
2016 |
| „On My Way” | 2017 |
| „So Fine” | |
| „Leaving Tomorrow” | |
| „Dig It” | 2018 |
| "On a Sunday" |
İstinadlar redaktə
- ↑ "Romania: Ester Peony Selected for Eurovision Song Contest 2019". Eurovoix. 17 fevral 2019. 2019-02-18 tarixində arxivləşdirilib. İstifadə tarixi: 2019-02-21.
- ↑ "Romania: Ester Peony wins Selecția Națională 2019!". ESCToday. 17 fevral 2019. 2019-02-18 tarixində arxivləşdirilib. İstifadə tarixi: 2019-02-21.
- ↑ "Romania goes for Ester Peony with 'On a Sunday'". Avropa Yayım İttifaqı. 17 fevral 2019. 2019-02-18 tarixində arxivləşdirilib. İstifadə tarixi: 2019-02-21.
- ↑ "Arxivlənmiş surət". 2021-02-26 tarixində arxivləşdirilib. İstifadə tarixi: 2019-02-21.
| Əvvəlki: The Humans "Goodbye" |
Rumıniya Avroviziya Mahnı Müsabiqəsində  2019 |
Sonrakı: — |