Fabritsio Moro
Fabritsio Mobriçi (it. Fabrizio Mobrici; d. 9 aprel 1975, Roma, İtaliya) və ya səhnə adı ilə Fabritsio Moro — İtaliya müğənnisi və bəstəkarı. Onun debüt albomu 2000-ci ildə təqdim olunmuşdur. 2007-ci ildə Moro İtaliyanın ən böyük musiqi hadisələrindən hesab olunan Sanremo musiqi festivalında ifa etdiyi "Pensa" mahnısı ilə qalib gəldikdən sonra İtaliyada şöhrət qazanmışdır. Mahnı ölkədə uzun müddət hit olaraq qalmışdır.
| Fabritsio Moro | |
|---|---|
| it. Fabrizio Moro | |
.jpg) Fabritsio Moro 2018-ci ildə | |
| Ümumi məlumatlar | |
| Doğum adı |
Fabritsio Mobriçi it. Fabrizio Mobrici |
| Ləqəbləri |
Fabritsio Moro it. Fabrizio Moro |
| Doğum tarixi | |
| Doğum yeri | Roma, İtaliya |
| Vətəndaşlığı |
 İtaliya |
| Musiqiçi məlumatları | |
| Fəaliyyəti | müğənni, bəstəkar |
| Fəaliyyət illəri | 1996–h.h. |
| Janrlar | Rok, Pop |
| Musiqi alətləri | vokal, gitara |
| fabriziomoro.net | |
 Vikianbarda əlaqəli mediafayllar | |
2018-ci ilə kimi Moronun yeddi studiya albomu, bir mini-albomu və bir canlı ifalardan təşkil olunmuş albomu işıq üzü görmüşdür. 2011-ci ildə İtaliyanın RAI 2 telekanalında ifaçı Sberra adlı televiziya proqramına aparıcılıq etmişdir. Bundan başqa Moro digər italyan müğənniləri üçün mahnılar da yazmışdır.
Moro Ermal Meta ilə duet şəklində ifa etdiyi "Non mi avete fatto niente" mahnısı ilə 2018 Sanremo musiqi festivalında qələbə qazanmışdır. Onlar həmin mahnı ilə İtaliyanı 2018 Avroviziya Mahnı Müsabiqəsində təmsil etmiş və nəticədə 5-ci yeri qazanmışdırlar.
Musiqi karyerası redaktə
Fabritsio Moronun "Per tutta un'altra destinazione" adlı debüt sinqlı 1996-cı ildə çıxmışdır. Sinql daha sonra ifaçının 2000-ci ildə satışa buraxdığı və özü adını verdiyi debüt albomuna daxil edilmişdir. Moro 50-ci keçirilən Sanremo musiqi festivalında ifa etdiyi "Un giorno senza fine" mahnısı ilə 13-cü yerdə qərarlaşmışdır.
2004-cü ildə Moro "Situazioni della vita" mahnısının ispan dilində səslənən versiyasını hazırlamış və mahnı Italianos para siempre albomunda yer almışdır. Latın Amerikasında satışa buraxılan alboma eyni zamanda digər italyan müğənnilərinin də ifa etdiyi mahnılar daxil edilmişdir.[1] Moronun növbəti sinqlları "Eppure pretendevi di essere chiamata amore" və "Ci vuole un business" 2004 və 2005-ci illərdə təqdim olunmuşdur.
2007-ci ildə Moro Sanremo musiqi festivalındakı ikinci iştirakı ilə ölkədə şöhrət qazanmışdır. O, festivalda anti-mafiya mövzusunda ifa etdiyi "Pensa" mahnısı ilə qələbə qazanmışdır.[2] Mahnı sinql kimi buraxıldıqdan sonra İtaliya hit paradlarında zirvədə yer almış və eyni zamanda qonşu ölkələrdə də ən çox dinlənilən mahnılardan olmuşdur. Həmin ilin mart ayında Moronun Pensa adını verdiyi ikinci studiya albomu işıq üzü görmüşdür.
Sanremo musiqi festivalındakı üçüncü iştirakından sonra Moronun 2008-ci ildə Domani adlı üçüncü studiya albomu satışa buraxılmışdır. Albomun əsas mahnısı "Eppure mi hai cambiato la vita" mahnı yarışmalarından birində üçüncü yerə layiq görülmüş və Moronun İtaliyadakı növbəti hiti olmuşdur.[3]
2009-cu ildə Moro İtaliyanın Stadio adlı pop-rok qrupunun Diluvio universale albomu üçün "Resta come sei" mahnısını bəstələmişdir. Həmin mahnının bir hissəsini Moro ifa etmişdir. 2009-cu ilin iyun ayında ifaçının Barabba adlı ilk mini-albomu işıq üzü görmüşdür. İtalyan mediasına görə albomun əsas mahnısında İtaliyanın keçmiş baş naziri Silvio Berluskoninin azyaşlı bir qızla münasibətdə olması qalmaqalına toxunulmuşdur. Lakin ifaçı iddiaları rədd edərək, mahnıda heç bir siyasi məqam olmadığını vurğulamış və mahnının həmin qalmaqaldan öncə yazıldığını söyləmişdir.[4] Növbəti ildə Moro "Non è una canzone" mahnısı ilə Sanremo musiqi festivalında iştirak etmişdir. Festivalın yarımfinalında o, həm də ispan qrupu Jarabe de Palo ilə birlikdə çıxış etmişdir. Nəticədə isə festivalın final gecəsinə vəsiqə qazana bilməmişdir. Mahnı ifaçının Ancora Barabba adlı dördüncü studiya albomuna daxil edilmişdir. Ancora Barabba İtaliyanın albom siyahılarında 17-ci yerədək yüksələ bilmişdir.
2011-ci ilin noyabr ayında Moro İtaliyanın RAI 2 telekanalında Sberra adlı televiziya proqramına aparıcılıq etmişdir. O, həm də proqram üçün xüsusi olaraq "Respiro" mahnısını bəstələmişdir. Həmin mahnı ifaçının ilk canlı ifaların yer aldığı albomuna daxil edilmişdir.
Bəstəkar kimi Moro italyan müğənni Noemi üçün "Sono solo parole" və "Se non è amore" mahnılarını yazmışdır. Hər iki mahnı 2012-ci ildə Noeminin RossoNoemi studiya albomunda yer almışdır.
Moro Ermal Meta ilə duet şəklində ifa etdiyi "Non mi avete fatto niente" mahnısı ilə 2018 Sanremo musiqi festivalında qələbə qazanmışdır. Onlar həmin mahnı ilə İtaliyanı 2018 Avroviziya Mahnı Müsabiqəsində təmsil etmiş və nəticədə 308 xalla 5-ci yeri qazanmışdırlar.[5]
Diskoqrafiya redaktə
Albomlar redaktə
| Albom adı | İl |
|---|---|
| Fabrizio Moro | 2010 |
| Pensa | 2007 |
| Domani | 2008 |
| Ancora Barabba | 2010 |
| L'inizio | 2013 |
| Via delle girandole 10 | 2015 |
| Pace | 2017 |
| Parole rumori e anni | 2018 |
Canlı albom redaktə
| Albom adı | İl |
|---|---|
| Atlantico Live | 2011 |
Mini-albom redaktə
| Albom adı | İl |
|---|---|
| Barabba | 2009 |
İstinadlar redaktə
- ↑ "Fabrizio Moro – Biografia" (italyanca). Rockol.it. 1 yanvar 2010. 2010-03-16 tarixində arxivləşdirilib. İstifadə tarixi: 16 dekabr 2012.
- ↑ "Il rap contro la mafia conquista Sanremo". Corriere della Sera (italyanca). 3 mart 2007. 2018-07-20 tarixində arxivləşdirilib. İstifadə tarixi: 16 dekabr 2012.
- ↑ "Italian Charts – Fabrizio Moro – Eppure mi hai cambiato la vita (song)". Italiancharts.com. Hung Medien. 13 dekabr 2014 tarixində orijinalından arxivləşdirilib. İstifadə tarixi: 16 dekabr 2012.
- ↑ "Fabrizio Moro: la mia canzone non è su Noemi". Corriere della Sera (italyanca). 5 iyun 2009. 2016-01-02 tarixində arxivləşdirilib. İstifadə tarixi: 16 dekabr 2012.
- ↑ "Ermal Meta e Fabrizio Moro rappresenteranno l'Italia all'Eurovision Song Contest" (italyanca). Rockol.it. 11 fevral 2018. 2018-04-25 tarixində arxivləşdirilib. İstifadə tarixi: 11 fevral 2018.
| Əvvəlki: Françesko Qabbani "Occidentali's Karma" |
İtaliya Avroviziya Mahnı Müsabiqəsində  2018 |
Sonrakı: Mahmud "Soldi" |