Falih Rıfkı Atay Təbiət Parkı

Falih Rıfkı Atay Təbiət Parkı (türk. Falih Rıfkı Atay Tabiat Parkı) ― Türkiyənin İstanbul ilinin Sarıyer ilçəsində yerləşən təbiət parkı.[2]

Falih Rıfkı Atay Təbiət Parkı
Sahəsi 16,33 hektar
Yaradılma tarixi 2011
Yerləşməsi
41°11′33″ şm. e. 28°57′39″ ş. u.
Ölkə
Yerləşməsi Bahçeköy, Sarıyer, İstanbul
Falih Rıfkı Atay Təbiət Parkı xəritədə
Falih Rıfkı Atay Təbiət Parkı
Falih Rıfkı Atay Təbiət Parkı
Vikianbarın loqosu Vikianbarda əlaqəli mediafayllar

Sarıyerin Bahçeköy məhəlləsindən 7 km şimal-qərbdə və Neşet Suyu Təbiət Parkının yanında yerləşən Falih Rıfkı Atay Təbiət Parkı 16,33 hektar ərazini əhatə edir. Park 2011-ci ildə yaradılmışdır və Belqrad meşəsi daxilində yerləşən doqquz parkdan biridir. Qorunan ərazi jurnalist, yazıçı və siyasətçi Falih Rıfkı Atayın (1894-1971) şərəfinə adlandırılmışdır.[2]

Osmanlı sultanı Qanuni Sultan Süleyman (1520–1566-cı illər) tərəfindən Belqrad mühasirəsində hərbi əsir olaraq götürülmüş serblər İstanbula gətirildi və əvvəllər park sərhədləri daxilində olan kənddə yerləşdirildilər.[3][4] Təbiət parkında 1999-cu ilin noyabrında mədəni irs olaraq qeydiyyata alınmış qorunan tarixi tikili statuslu kilsənin dağıntıları var.[2][5]

Təbiət parkı ziyarətçilər üçün gündəlik olaraq gəzinti, velosiped və piknik kimi açıq hava istirahət fəaliyyətlərini təklif edir.[6] Ərazidə uşaqlar üçün oyun meydançaları var. Parkda həmçinin, açıq hava restoranı fəlaiyyət göstərir. Ziyarətçilər və nəqliyyat vasitələri üçün giriş ödənişlidir.[2]

Ekosistem redaktə

Təbiət parkı zəngin flora və faunaya malikdir.[2]

 
Təbiət parkındakı kilsə xarabalıqları

Flora

Park müxtəlif bitki növləri üçün yaşayış yeridir. Bölgədəki əsas ağaclar yay palıdı ( Quercus robur) və Carpinus betulus-dur. Digər enliyarpaqlı ağaclara Quercus petraea,Quercus vulcanica, kol bitkilərinə isə Rubus plicatus, tikanlı bigəvər (lat. Ruscus aculeatus), Erica arborea və nəcib dəfnə ( Laurus nobilis) daxildir. Parkda tüklü cökə (lat. Tilia tomentosa) və şərq fıstığı (Fagus orientalis) kimi nadir növlər də mövcuddur. Smilax excelsa, Aubrieta cultorum, yabanı çiyələk (Fragaria) və pişiknanəsi (Nepeta cataria) təbiət parkında tapılan çiçəkli bitkilərdəndir.[2]

Fauna

 
Belqrad meşəsindəki Bahçeköy maral ferması.

Təbiət parkında əsasən müşahidə olunan heyvanlar oxlu kirpi, sincab, tısbağa, qarğa, ağacdələnsərçələrdir.[2] Təbiət parkının qarşısında maral ferması (türk. Geyik Üretme İstasyonu) var.[2]

İstinadlar redaktə

  1. 1 2 Nationally designated areas (CDDA) (ing.).
  2. 1 2 3 4 5 6 7 8 "Falih Rıfkı Atay Tabiat Parkı" (Turkish). İstanbul Tabiat Parkları. 2018-01-04 tarixində orijinalından arxivləşdirilib. İstifadə tarixi: 2016-05-21.
  3. Sydney Nettleton Fisher. The Middle East, a History. Knopf. 1959. Many Serbs were transplanted to the outskirts of Istanbul, where the Belgrad Forest still remains as testimony to this ...
  4. Mandell Creighton; Justin Winsor; Samuel Rawson Gardiner; Reginald Lane Poole; Sir John Goronwy Edwards. The English Historical Review. Longman. 1920. 2020-08-13 tarixində arxivləşdirilib. İstifadə tarixi: 2021-07-23. and the Belgrad forest near Constantinople, so called from the captives taken at the present Serbian capital in 1521
  5. "Karar" (PDF) (Turkish). Kültür ve Turizm Bakanlığı – İstanbul III Numaralı Kültür Varlıklarını Koruma Bölge Kurulu. 2015-03-05. 2016-08-03 tarixində arxivləşdirilib (PDF). İstifadə tarixi: 2016-05-23.
  6. "Falih Rıfkı Atay Tabiat Parkı" (Turkish). Orman ve Su İşleri Bakanlığı - 1. Bölge Müdürlüğü - İstanbul Şube Müdürlüğü. 2018-01-20 tarixində orijinalından arxivləşdirilib. İstifadə tarixi: 2017-05-15.