Gülyaz Məmmədova
Gülyaz Məmmədova (1 may 1970, Böyük Dəhnə, Şəki rayonu) — xanəndə. Azərbaycan Respublikasının xalq artisti (2014). Azərbaycanlı xanəndə Azərbaycanın və Özbəkistanın Xalq artisti Gülyanaq Məmmədovanın bacısı.
| Gülyaz Məmmədova | |
|---|---|
| Məmmədova Gülyaz Zakir qızı | |
 | |
| Ümumi məlumatlar | |
| Doğum tarixi | |
| Doğum yeri | Böyük Dəhnə, Şəki rayonu, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Musiqiçi məlumatları | |
| Fəaliyyəti | müğənni, musiqi pedaqoqu[d], xanəndə |
| Fəaliyyət illəri | 1992-ci ildən |
| Musiqi aləti | qaval |
| Mükafatları |
  |
Həyatı redaktə
Məmmədova Gülyaz Zakir qızı 1 may 1970-ci ildə Şəki rayonunun Böyük Dəhnə kəndində anadan olub. 1977–1987-ci illərdə Böyük Dəhnə 1 saylı orta məktəbdə oxuyub. 1988–1992-ci illərdə Azərbaycan Milli Konservatoriyası nəzdində Musiqi Kollecində (keçmiş A. Zeynallı adına Musiqi texnikumu) təhsil almışdır. 2002-ci ildə Azərbaycan Dövlət Mədəniyyət və İncəsənət Universitetində "solo oxuma" xanəndəlik fakültəsində təhsil almışdır. 1991-ci ildən 2014-cü il mart ayının 1-dək R. Behbudov adına Azərbaycan Dövlət Mahnı teatrında solist vəzifəsində çalışmışdır. 1992-ci ildən Milli Opera və Balet Teatrının solistidir. 1996-cı ildən Azərbaycan Milli Konservatoriyası nəzdində Musiq kollecində pedaqoq kimi fəaliyyət göstərir.
Hazırda Azərbaycan Milli Konservatoriyası nəzdində Musiqi Kollecində (keçmiş Asəf Zeynallı) və Bakı Humanitar Kollecində dərs deyir.
Üzeyir Hacıbəylinin "Leyli və Məcnun"operasında Leyli, tərəf-müqabilləri Azərbaycanın Respublikasının Xalq artisti, Şöhrət ordenli, proferssor Mənsum İbrahimov (1993-cü il 23 iyun), Xalq artisti Baba Mahmudoğlu, Zahid Quliyev, Əməkdar artist Səbuhi İbayev (2001-ci il sentyabr), İlkin Əhmədov və digərləri olub. Ümumiyyətlə Gülyaz Məmmədova bu günə kimi 105 dəfə Leyli rolunu oynayıb. Bunun ardınca Zülfüqar Hacıbəylinin "Aşıq Qərib" operasında Şahsənəm, Üzeyir Hacıbəylinin "Arşın mal alan" operasında Telli, Şəfiqə Axundovanın "Gəlin qayası" operasında Gülbahar, Ramiz Mustafayevin "Vaqif" operasında Xanəndə qız, Üzeyir Hacıbəylinin "Koroğlu" operasında Xanəndə qız, Vasif Adıgözəlovun "Natəvan"operasında Xanəndə qız, Niyazinin "Rast" baletində Xanəndə obrazlarını yaradıb.
2012-ci il may ayınınn 28–30-da Azərbaycanın Gürcüstandakı səfirliyinin dəvəti ilə Tbilisidə və Kutasidə konsert proqramları ilə çıxış edib.
2012-ci ildə rəsmi dəvətlə 7 dəfə Türkmənistanda qastrol səfərində olub.
2012-ci il iyun ayının 7-dən 16-a kimi NAYO təşkilatı-Norveç-Azərbaycan gənclər təşkilatının dəvəti ilə Azərbaycan Respublikasının Əməkdar artisti Sahib Paşazadənin rəhbərlik etdiyi muğam ansamblı ilə Norveçin paytaxtı Oslo şəhərində keçirilən Saqane beynəlxalq festivalında iştirak edib.
O, 20 iyun 2011-ci ildə Yeni Azərbaycan Partiyasına üzv qəbul edilmişdir.[1]
Mükafatları redaktə
- Azərbaycan Respublikasının xalq artisti — 18.12.2014[2]
1998-ci ildə Azərbaycan Respublikasının Əməkdar artisti fəxri adına layiq görülüb. 9 may 2012-ci ildə Prezident Mükafatına layiq görülmüşdür.
Həmçinin bax redaktə
İstinadlar redaktə
- ↑ "YAP-a yeni üzvlər qəbul edildi". 2020-10-21 tarixində arxivləşdirilib. İstifadə tarixi: 2022-06-01.
- ↑ "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin Sərəncamı". President.az (az.). president.az. 18 dekabr 2014, 19:00. 2017-09-23 tarixində arxivləşdirilib. İstifadə tarixi: 2014-12-24.