Hüseyn Məmmədov (siyasətçi, 1900)
Bu məqalədə heç bir məlumatın mənbəsi göstərilməmişdir. (fevral 2024) |
Hüseyn Məmmədov (15 may 1900, Dırnıs, Ordubad rayonu – 24 noyabr 1970, Bakı) — dövlət xadimi, Sosialist Əməyi Qəhrəmanı (1948).
| Hüseyn Məmmədov | |
|---|---|
| Hüseyn Qurban oğlu Məmmədov | |
 | |
.svg){kind=small} .svg){kind=small} | |
| may 1952 – aprel 1963 | |
| Əvvəlki | Cəbrayıl Məmmədov |
| Sonrakı | Səkinə Əliyeva |
| Şəxsi məlumatlar | |
| Doğum tarixi | 15 may 1900 |
| Doğum yeri | |
| Vəfat tarixi | 24 noyabr 1970 (70 yaşında) |
| Vəfat yeri | |
| Dəfn yeri | |
| Partiya | |
| Hərbi xidmət | |
| Mənsubiyyəti | Sovet Sosialist Respublikaları İttifaqı |
| Döyüşlər | |
|
|
|
| Təltifləri |
     |
Həyatı redaktə
Hüseyn Məmmədov gəncliyində Bakı neft mədənlərində fəhləlik etmişdir. Bakıda hərbi siyasi məktəbi bitirdikdən sonra 1925-ci ilədək orduda siyasi rəhbər işləmişdir.
Hüseyn Məmmədov 1920-ci ildə Kommunist Partiyasına üzv olmuş, 1930-cu ildən Qonaqkənd rayonu, 1934–1936-cı illərdə isə Masallı və Kürdəmir rayon MTS-lərində çalışmışdır. 1936–1938-ci illərdə Kürdəmir, sonra isə Qaryagin rayonu partiya komitəsinin katibi olmuşdur.
1938–1943-cü illərdə Azərbaycan SSR Xalq toxuculuq komissarının müavini olmuşdur. 1943–1951-ci illərdə Ağsu Rayon Partiya Komitəsinin katibi olmuşdur. 1951–1953-cü illərdə Azərbaycan KP Naxçıvan Vilayət Komitəsinin 2-ci katibi, 1952–1963-cü illərdə Naxçıvan MSSR Ali Soveti Rəyasət Heyətinin sədri – Azərbaycan SSR Ali Soveti Rəyasət Heyəti sədrinin müavini olmuşdur.
Hüseyn Məmmədov 1947-ci ildə Ağsu rayonu üzrə planların yerinə yetirilməsində yüksək əmək göstəricilərinə nail olmuşdur. SSRİ Ali Sovetinin (4-cü çağırış), Azərbaycan SSR Ali Sovetinin (1–6-cı çağırış) deputatı olmuş, dəfələrlə Azərbaycan KP MK üzvü seçilmişdir. 3 dəfə ""Lenin" ordeni", "Qırmızı Əmək Bayrağı", "Qırmızı Ulduz", "Şərəf nişanı" ordenləri və medallarla təltif edilmişdir.
Dırnıs kənd məktəbi Hüseyn Məmmədovun adınadır.