Həbib Əbdül Hüseyn oğlu Bayramov (14 iyun 1926, Bakı15 avqust 1994, Bakı) — azərbaycanlı tarzən, Azərbaycan SSR xalq artisti (1989).

Həbib Bayramov
Ümumi məlumatlar
Digər adı Həbibulla Bayramov
Doğum tarixi
Doğum yeri Bakı, Azərbaycan SSR, ZSFSR, SSRİ
Vəfat tarixi (68 yaşında)
Vəfat yeri Bakı, Azərbaycan
Dəfn yeri II Fəxri Xiyaban
Vətəndaşlığı SSRİ SSRİ
Azərbaycan Azərbaycan
Musiqiçi məlumatları
Fəaliyyəti tarzən
Fəaliyyət illəri 1941–1994
Janr muğam
Musiqi aləti tar
Mükafatları "Azərbaycan SSR xalq artisti" fəxri adı — 1989 "Azərbaycan SSR əməkdar artisti" fəxri adı — 1964

Həyat və yaradıcılığı redaktə

Həbib Bayramov 14 iyun 1926-cı ildə Bakı şəhərində anadan olmuşdur. Bayramovun hələ uşaq olarkən musiqiyə olan həvəsini görən atası Əbdül Hüseyn Bayramov oğluna tar alaraq onu Əhməd Bakıxanovun yanına aparmışdır. Həbib Bayramov 1941-ci ildən Ə.Bakıxanovun rəhbərlik etdiyi Azərbaycan Xalq Alətləri Ansamblında çalışmış, 1973-cü ildən ömrünün sonunadək Azərbaycan Dövlət Televiziya və Radio Verilişləri Komitəsinin Əhməd Bakıxanov adına ansamblının bədii rəhbəri olmuşdur.[1][2]

Həbib Bayramov 1943-cü ildə Asəf Zeynallı adına orta ixtisas musiqi məktəbində həm təhsil almış, həm də müəllim çatışmadığı üçün burada muğamat sinfində dərs demişdir. Daha sonra 1949-cu ildən Müslüm Maqomayev adına Azərbaycan Dövlət Filarmoniyasının Azərbaycan Qastrol-Konsert Birliyi təşkil olunandan sonra isə bu birliyin solisti olmuşdur.[1][2]

Həbib Bayramov repertuarında "Rast", "Şur", "Çahargah", "Humayun", "Segah" və digər muğamlar əsas yeri tuturdu. Həbib Bayramov həmçinin saz ifaçısı olmuşdur. Onun sazda ifa etdiyi "Segah", "Humayun", "Bayatı-Qacar" muğamları radionun qızıl fondunda saxlanılmaqdadır.[1][2]

 
Soldan sağa Yaqub Məmmədov, Həbib Bayramov və Habil Əliyev. 1964-cü il

Həbib Bayramov 15 avqust 1994-cü ildə Bakı şəhərində vəfat etmiş, II Fəxri xiyabanda dəfn olunmuşdur.[1][2]

Ailəsi redaktə

Həbib Bayramov Tükəzban İsmayılovanın həyat yoldaşı, İlhamə Quliyevanın ögey atası olmuşdur.[1][2]

Təltif və mükafatları redaktə

İstinadlar redaktə

  1. 1,0 1,1 1,2 1,3 1,4 "Tarı dünyaya sevdirən sənətkar: Həbib Bayramov" (Azərbaycan). medeniyyet.az. 24.12.2018 tarixində arxivləşdirilib.
  2. 2,0 2,1 2,2 2,3 2,4 "Xalq artisti Həbib Əbdülhüseyn oğlu Bayramov" (Azərbaycan). anl.az. 2021-09-16 tarixində arxivləşdirilib.

Xarici keçidlər redaktə