Hiroşima prefekturası

Hiroşima prefekturası (yap. 広島県) — Yaponiyanın Honşu adasının Çuqoku regionunda prefektura. Onun tərkibinə həmçinin Daxili Yapon dənizində yerləşən 140 ada da aiddir. Prefekturanın inzibati mərəzi Hiroşima şəhəridir.

Hiroşima
Hiroşima prefekturasının yerləşməsi
Hiroşima prefekturası Yaponiya xəritəsində Hiroşima prefekturasının xəritəsi
Hiroşima prefekturasının adası
Yerləşməsi
Ölkə Yaponiya
Region Çuqoku regionu
Ada Honşu
Məlumat
İnzibati mərkəz Hiroşima
Statistika
Sahə 8479,70 km² (10-cu)
su  %-i 0,3 %
Əhali (01/09/2012)
   Ümumi 2 849 278 adam (12-ci)
   Əhali sıxlığı 336,01 nəfər/km²
Qəzalar 5
Bələdiyyələr 23
Rəmzlər
Prefektura bayrağı
Prefektura bayrağı
Ağac Ağcaqayın
Quş Qırmızıdöş qaqar
Rəsmi sayt (yap.)

Hiroşima prefekturasını çox vaxt "Yaponiyanın miniatür şəkili" də adlandırırlar. Onun şimal və mərkəzi hissələri keçilməz dağ meşə massivindən ibarətdir. Cənub hissəsi isə balıqla zəngin Daxili Yapon dənizənə açılır. Bu prefektura Yaponiyanın ən əsas kommersiya, avtomobilqayırma, kənd təsərrüfatı, və balıqçılıq mərkəzlərindəndir.

Prefekturanın ərazisində UNESCO-nun iki obyekti, Miyadzima adasında İsikusima məbədi və Hiroşima şəhərində Sülh abidəsi yerləşir. Hiroşima prefekturasının emblemi yapon katakana əlifbasının ヒ(xi) işarəsisir. Bu hərflə Hiroşima (ヒロシマ) sözü başlayır. Emblem dairəvi təsvir edilmişdir, bu da prefektura əhalisinin harmonik tərzdə birlik halında olmasının rəmzidir. Bu emblem 1968-ci il 16 iyulunda prefekturanın 572 saylı qərarı ilə təsdiq edilmişdir. Onu bəzən prefektura gerbi də adlandırırlar.

Prefektura bölgüsünün aparıldığı 1876-cı ilədək bu ərazidə iki vahid yerləşirdi. Bunlar Şərqdə olan Binqo və qərbdə olan Aki əyalətləri idi. Bu əyalətlə bölünmə indi də dialekt fərqliliklərində özünü göstərməkdədir.

Hiroşima prefekturasında 14 böyük şəhər və 9 qəsəbə vardır.

Hiroşima prefekturası Honşu adasının qərbində, Çuqoku regionunun mərkəzində yerləşir. Qərbdən Yamaquti, şimaldan Simane və şərqdən Okayama prefekturaları ilə həmsərhəddir.

Hiroşima prefekturası bu bölgənin ən böyük inzibati vahididir. Onun ərazisi 8 479, 03 km kvadratdır. Bu ərazinin demək olar ki, hamısı dağ-meşə massivindən ibarətdir. Cənubda, Daxili Yapon dənizinin sahilində Hiroşima və Fukuyama düzənlikləri yerləşir. Şimal-şərqdən cənub-qərbə doğru Çuqoku sıra dağları uzanır. Bu dağların hündürlüyü şərqdə 1300 metrdən qərbdə 400 metrə qədər dəyişir. Ən hündür nöqtəsi Osorokan dağıdır. (1346 metr). Sıra dağların qərbi "Nisi Çuqoku Santi" Milli Parkının ərazisidir. Bu sıra dağlar Sandan-kö və Taisyaku-kö kanyonlarının füsunkar mənzərələri ilə məşhurdur. Son kanyon "Xiba Doqo Taisyaku" Milli Parkının ərazisinə daxildir.

Həmçinin bax redaktə