Latviya Milli İstiqlal Hərəkatı
Latviya Milli İstiqlal Hərəkatı (latış. Latvijas Nacionālās Neatkarības Kustība, LNNK) ― 1988-ci ildən 1997-ci ilə qədər mövcud olmuş Latviya siyasi təşkilatı.[1]
1988-ci ildə Latviya millətçi hərəkatının radikal qanadı olaraq yarandı.[2] Lap başdan Sovet İttifaqı daxilində Latviya üçün daha çox muxtariyyəti dəstəkləyən əsas Latviya Xalq Cəbhəsindən fərqli olaraq, LNNK əvvəldən müstəqillik tələb edirdi. LNNK-nın liderləri arasında Eduards Berklavs, Aleksandr Kirşteyns, Andreys Krastinş, Eynars Repşe, Visvaldis Latsis və Yuris Dobelis yer alırdı.
Latviya müstəqilliyini bərpa etdikdən sonra LNNK siyasi partiyaya çevrildi və adını Milli Mühafizəkar Partiyası adlandırdı. O, 1993-cü il parlament seçkilərində 100 yerdən 15-ini qazandı və nüfuzlu müxalifət partiyası idi. 1993-cü ildə partiyanın naş nazir namizədi Yoaxim Sigerist iyalnız bir səslə məğlub olaraq ikinci oldu. LNNK 1994-cü ildə Latviyanın paytaxtı Riqada keçirilən bələdiyyə seçkilərində qalib gəldi, lakin populyarlığı bundan sonra sürətlə azaldı. 1995-ci il parlament seçkilərində parlamentdəki yerlərinin yarısını itirdi və nəticədə "Tēvzemei un Brīvībai" ("Ata yurdu və azadlıq üçün") ilə birləşdi, hansı ki Latviya İstiqlal Hərəkatında oxşar mənşəyə malik daha bir sağçı partiyadır.
"Ata yurdu və azadlıq üçün" ilə ittifaq qurduqdan sonra, getdikcə Latviya haqqında tamamilə "latış" təsəvvürünü təbliğ etməyə çalışdı, buna əyani sübut kimi Latviya mallarının istehlakını təşviq edən və qeyri-latviyalılardan gələn təhlükələr barədə xəbərdarlıq edən bir sıra ziddiyyətli reklamları göstərmək olar.[3]
Oxşar məqsədlərə və demək olar ki, eyni ada sahib bir başqa təşkilat Estoniyada da mövcud idi. onun adı Estoniya Milli İstiqlal Partiyası idi.
Həmçinin bax redaktə
İstinadlar redaktə
- ↑ "Latvians campaign for national independence, 1989-1991 | Global Nonviolent Action Database". Nvdatabase.swarthmore.edu. 2016-10-27 tarixində arxivləşdirilib. İstifadə tarixi: 2015-11-05.
- ↑ "The restoration of Latvian independence 1986-1992". Latvian History. 2016-10-28 tarixində arxivləşdirilib. İstifadə tarixi: 2015-11-05.
- ↑ TB/LNNK advert Arxivləşdirilib 2021-04-27 at the Wayback MachineTB/LNNK advert Arxivləşdirilib 2017-04-10 at the Wayback Machine; TB/LNNK advert Arxivləşdirilib 2017-05-11 at the Wayback Machine (hamısı latışca)