Maqnitski aktı (ing. Magnitsky Act) — 2012-ci ildə ABŞ Konqresi tərəfindən qəbul edilmiş qanun, insan hüquqlarının pozulmasında günahkar olan şəxslərə tətbiq edilir.[1] Sənəd Hermitage Capital Fondunun hüquqşünası Sergey Maqnitski Moskva təcridxanasında istintaq zamanı öldükdən sonra qəbul edilib.[1] Hazırda Amerikanın siyahısına 18 nəfər daxildir.[1] ABŞ Maliyyə Nazirliyi tərəfindən tərtib olunmuş siyahiya daxil edilən RusiyaMDB dövlətlərindən olan 18 şəxsə qarşı maliyyə və viza qadağaları tətbiq edilib.[1]

Zəmin redaktə

Sergey Maqnitski 2009-cu ildə Moskvanın istintaq təcridxanasında vəfat edib.[2] Həbsindən əvvəl hüquqşünas çoxmilyardlıq büdcə vəsaitlərinin mənimsənilməsini araşdırıb.[2] Hüquqşünasın təmsil etdiyi Hermitage Capital bildirib ki, Sergey Maqnitski oğurluqda suçladığı şəxslər tərəfindən şərlənərək məhbəsə atılmışdır.[2]

Qanun redaktə

Siyahı redaktə

Siyahıdakı ilkin 16 adam bilavasitə Hermitage Capital şirkətinin hüquqşünası Sergey Maqnitskinin ölümünə aidiyyatda şübhəli bilinən şəxslərdir.[2] Siyahıda olanlardan biri - Artyom Kuznetsov 1975-ci ildə Bakıda anadan olub.[3]

  • Artyom Kuznetsov, Rusiya Daxili İşlər Nazirliyinin Moskva bölgəsi üzrə vergi müstəntiqi
  • Pavel Karpov, Daxili İşlər Nazirliyinin Moskva bölgəsi üzrə baş müstəntiqi
  • Oleq F. Silçenko, Daxili İşlər Nazirliyinin baş müstəntiqi
  • Olqa Stepanova, 28 nömrəli Moskva vergi ofisinin sədri
  • Yelena Staşina, Tver rayonu məhkəmə hakimi, Maqnitskinin həbsini artırdığına görə
  • Andrey Peçeqin, Baş Prokurorluğun istintaq nəzarət şöbəsinin müdir müavini
  • Aleksey Droqanov
  • Yelena Ximina
  • Dmitriy Komnov
  • Aleksey Krivoruçko, Tver rayonu məhkəmə hakimi
  • Oleq Loqunov
  • Sergey Q. Podopriqorov, Tver rayonu məhkəmə hakimi
  • İvan Pavloviç Prokopenko
  • Dmitri M. Tolçinskiy
  • Svetlana Uxnalyova
  • Natalya V. Vinoqradova
  • Kazbek Dukuzov, Pol Xlebnikovun qətlində günahlandırılır
  • Leça Boqatırov, Avstriya orqanları tərəfindən Umar İsrailovun qətlində günahlandırılır

Rusiya hakimiyyətinin reaksiyası redaktə

2013-cü il 12 apreldə rəsmi Moskva “Maqnitski siyahısı"na cavab olaraq 18 ABŞ vətəndaşının Rusiyaya girişini yasaqlayıb.[2]

İstinadlar redaktə

  1. 1,0 1,1 1,2 1,3 "Azərbaycan genişləndirilmiş "Maqnitski aktı"na düşəcəkmi?". 2016-03-04 tarixində orijinalından arxivləşdirilib. İstifadə tarixi: 2015-08-22.
  2. 2,0 2,1 2,2 2,3 2,4 "Rusiya "Maqnitski siyahısına" öz siyahısı ilə cavab verib". 2017-12-28 tarixində arxivləşdirilib. İstifadə tarixi: 2015-08-22.
  3. "Sanksiyalar siyahısına 18 Rusiya rəsmisi salınır". 2023-07-27 tarixində arxivləşdirilib. İstifadə tarixi: 2015-08-22.