Never Say No to Panda
Never Say No to Panda (azərb. Pandaya heç vaxt yox deməyin) - "Panda Cheese" adlı pendir markasının istehsalçısı olan Arab Diary üçün "Advance Marketing" adlı şirkət tərəfindən hazırlanan və ilk dəfə 2010-cu ildə Misir televiziyalarında yayımlanan reklam seriyası.
Hər bir reklam ona təklif olunan "Panda Cheese" markalı pendiri rədd edən şəxsin yer aldığı hissə ilə başlayır. Dərhal sonra arxa planda çalan, Baddi Holliyə məxsus olan "True love ways" mahnısının sədaları altında nəhəng bir panda peyda olur. Pendiri rədd edən şəxsə bir neçə saniyə baxan panda, sonra ətrafına zərər vurmağa başlayır. Yenidən gözlərini pendiri rədd edən şəxsə dikdikdən sonra məhsulun qısa reklamı gedir və "Never Say No to Panda" (pandaya heç vaxt yox deməyin) yazısı ilə birlikdə reklam bitir.[1] Televiziyalarda yayımlanmasının ardından reklamlar internet mühitində olduqca populyar oldu.[2][3]
Reklamlar redaktə
Bu günə qədər beş fərqli reklam yayımlandı.[2] Ofisdə baş tutan ilk reklamda işçilərdən birinin düzəltdiyi pendirli sandviçi rədd edən işçinin masasını dağıdan panda, sonra kompüter klaviaturasını qırır.[2] İkinci reklam xəstəxanada baş tutur. Otağında televizora baxan xəstə tibb bacısının səhər yeməyi üçün gətirdiyi "Panda Cheese" markasının pendirini rədd edir. Bundan sonra meydana çıxan panda, xəstənin izlədiyi televizoru yerə atır.[2] Üçüncü reklam restoranın mətbəxində çəkilir. Belə ki, müştəri yeməyi pendirsiz sifariş verdiyi üçün aşçı yeməyə əlavə etməsi üçün ona verilən pendiri rədd edir. Bu vaxt panda yemək bişirilən masanın qarşısında peyda olur. İlk əvvəl qabda olan sousu masaya tökür və qabı yerə atır, daha sonra masada olan una əlləri ilə vuraraq ətrafa yayılmasını təmin edir.[2]
Son iki reklam isə bir marketdə alış-veriş edən ata ilə oğlu arasında çəkilir. Bunların ilkində oğlunun pendir almaq istəyini kifayət qədər qida aldıqları səbəbilə rədd edən ata, qarşısında pandanı görür. Alış-veriş səbətini üzüaşağı çevirən panda, daha sonra məhsulları əzir.[2] İkincisində isə oğlunun pendir istəməsinin ardından peyda olan pandanı görən ata bu dəfə pendiri alır. Ata pandanın hələ də ona baxdığını görür və oğlundan ikinci pendiri götürməsini istəyir. Bundan sonra panda alış-veriş səbətinin qarşısından çəkilsə də, onların arxasınca gedir.[2]
Reaksiyalar redaktə
Yayımlanmasından sonra internet mühitində olduqca populyar olan reklam seriyası qısa müddətdə internet fenomeninə çevrilir.[4] 2011-ci ilin noyabr ayından etibarən Youtube sosial şəbəkəsində on milyondan çox baxış qazanmışdır. Mətbəx, ofis və xəstəxanada çəkilən reklamlar 2010-cu ildə Kann Beynəlxalq Reklam Festivalındakı (Cannes International Advertising Festival) film kateqoriyasında "Gümüş aslan" mükafatını qazandı.[5]
Digər tərəfdən reklamdan ilham alaraq istehsal edilən müxtəlif qolsuz köynəklər fərqli mühitlər vasitəsilə satışa çıxarıldı.[6]
Xarici keçidlər redaktə
İstinadlar redaktə
- ↑ "Panda Cheese: NEVER Refuse It (Video)". The Huffington Post. 4 Mart 2016 tarihinde kaynağından arşivlendi. Erişim tarihi: 4 Kasım 2011.
- ↑ 2,0 2,1 2,2 2,3 2,4 2,5 2,6 a b c d e f g Gianatasio, David (3 Aralık 2010). "Do not make the Panda Cheese mascot mad". AdWeek. 2 Nisan 2015 tarihinde kaynağından arşivlendi. Erişim tarihi: 4 Kasım 2011.
- ↑ "Panda Cheese Ads Become Internet Hit". ABC News. 23 Eylül 2010. 2 Nisan 2015 tarihinde kaynağından arşivlendi. Erişim tarihi: 4 Kasım 2011.
- ↑ a b "Never Say No to Panda". "Know Your Meme. 31 Mart 2016 tarihinde kaynağından arşivlendi. Erişim tarihi: 4 Kasım 2011.
- ↑ "Film Lions Winners 2010" (PDF). Cannes Lions Uluslararası Yaratıcılık Festivali. 12 Eylül 2014 tarihinde kaynağından arşivlendi. Erişim tarihi: 5 Kasım 2011.
- ↑ "Never Say No To Panda T-Shirt". Thread Reviews. 27 Eylül 2010. 10 Eylül 2011 tarihinde kaynağından arşivlendi. Erişim tarihi: 5 Kasım 2011.