Qrafik dizayn hər hansı bir məlumatı müəyyən bir hədəf kütləsinə çatdırmaq məqsədilə mətbəə, fotoqrafiya və illustrasiyadan istifadə edərək loqo, afişa, bilbord, baner, mətbuat elanı, qablaşdırma, kitab, jurnal, reklam filmi, çizgi film kimi dizaynları bədii ölçülər daxilində yazılı və vizual elementlərlə dizayn edən visual ünsiyyət və problemlərin həlli prosesidir.[1] Qrafik dizaynerlər fikir və ideyalarını vizual yolla təqdim etmək üçün simvolları, şəkil və mətnləri kombinasiya edirlər.

Tarixi redaktə

Qrafik dizayn tarix boyu müxtəlif formalarda tətbiq edilmişdir, qədim Çin, Misir və Yunanıstandakı əlyazmalar qrafik dizaynın keçmiş formasının bariz nümunələrdir. XV əsrdə çap və kitab istehsalı inkişaf etdikcə sonrakı dövrlərdə müxtəlif yeni yazı tipləri və kompozisyalarla qrafik dizaynda da irəliləyişlər oldu. XIX əsrdə sənaye inqilabı yeni texnologiya və ticarət imkanları yaratdı və nəhayət, XIX əsrin sonu XX əsrin əvvəllərində reklam agentlikləri, kitab naşirləri və jurnallar məzmuna uyğun bir ifadə yaratmaq üçün ünsiyyətin bütün vizual elementlərini təşkil edən art direkotrlar işə götürdülər. Nəhayət, 1922-ci ildə tipoqraf William A. Dwiggins inkişaf etməkdə olan sahəni müəyyənləşdirən bir qrafik dizayn hazırladı. XX əsrdə dizayn üçün bədii və kommersiya imkanlarının mümkünlüyü, dizaynerlər üçün mövcud olan texnologiya qrafik dizayn sahəsini daha da inkişaf etdirdi.[2]

Tətbiq sahələri redaktə

Qrafik dizaynerlər bir çox sahələrdə işləyirlər, lakin bəzi sahələr vardır ki, bu sahənin inkişafında qrafik diaynerlərin rolu birinci dərəcəlidir. İnternet və çap dünyasında ixtisaslı qrafik dizaynerlərə böyük imkanlar var və bu sahələr iqtisadiyyatın ən sabit və ənənəvi sektorlarıdır.[3] Bu sahələr:

  1. İnternet və proqram təminatı kompaniyaları;[4]
  2. Reklam agentlikləri;
  3. Televizya studiyaları və video kompaniyalar;
  4. Korporativ brending və konsultasiya kompaniyaları.[5]

Kompüter və proqram təminatı redaktə

  1. Adobe Photoshop qrafik redaktoru: rastr fotoların peşəkar işlənilməsi, retuş və kollaj;
  2. Adobe Illustrator qrafik redaktoru: vektor rəsmlərin və qarışıq rastr-vektor komposiziyalarının yaradılması; 
  3. Adobe InDesign nəşriyyat sistemi: Adobe şirkətinin çap və elektron nəşrlərin hazırlanması üçün ən yeni nəşriyyat sistemi;
  4. Autodesk 3ds Max: 3D-modelləşdirmə: üç ölçülü qrafika istifadəsinin əsas bilikləri və Autodesk 3ds Max ilə iş Autodesk 3ds Max;
  5. Autodesk 3ds Max: Mürəkkəb obyektlərin modelləşdirilməsi: poliqonal və spline-modelləşdirmənin istifadəsi ilə üç ölçülü obyektlərin yaradılması üçün müasir texnologiyalar.
  6. Autodesk 3ds Max: Vizuallaşdırma və real işıqlandırma: peşəkar işıqlandırma metodları, üç ölçülü səhnələrin və obyektlərin mental ray və V-Ray vasitəsi ilə işıqlandırılması;
  7. Autodesk AutoCAD layihələndirmənin və rəsmlərlə işin əsasları.[6]

İstinadlar redaktə

  1. "Arxivlənmiş surət". 2016-12-09 tarixində orijinalından arxivləşdirilib. İstifadə tarixi: 2018-07-14.
  2. "Arxivlənmiş surət". 2022-09-28 tarixində arxivləşdirilib. İstifadə tarixi: 2018-07-14.
  3. "Arxivlənmiş surət". 2022-08-10 tarixində arxivləşdirilib. İstifadə tarixi: 2018-07-14.
  4. "Arxivlənmiş surət". 2022-08-04 tarixində arxivləşdirilib. İstifadə tarixi: 2022-08-04.
  5. "Arxivlənmiş surət". 2022-01-18 tarixində arxivləşdirilib. İstifadə tarixi: 2018-07-14.
  6. "Arxivlənmiş surət" (PDF). 2016-12-28 tarixində orijinalından (PDF) arxivləşdirilib. İstifadə tarixi: 2018-07-14.

Xarici keçidlər redaktə