Rüstəm Ağayev

Rusiya və Azərbaycan güləşçisi

Rüstəm Ağayev (1 may 1982, Açxoy-Martan rayonu, Rusiya SFSR) — 2004–2005-ci illərdə Azərbaycanı, 2006–2008-ci illərdə isə Rusiyanı təmsil edən sərbəst güləşçi.[1]

Rüstəm Ağayev
Şəxsi məlumatlar
Tam adı Rüstəm Arbiyeviç Ağayev
Vətəndaşlığı Azərbaycan Azərbaycan
Rusiya Rusiya
Doğum tarixi (41 yaş)
Doğum yeri Açxoy-Martan rayonu, Rusiya SFSR
Boyu 186 sm. (5 ft 6 in)
İdman növü Güləş
Karyera illəri 1998—2008
Məşqçisi Cavanşir Qurbanov
Komandası Neftçi İdman Klubu

Karyerası redaktə

Rüstəm Ağayev 2004-cü ilin yanvarında Bratislava şəhərində baş tutan Dünya Olimpiya Təsnifat Turnirində mübarizə apardı və turnirin bürünc medalına sahib oldu.[2][3] Daha sonra Rüstəm Ağayev apreldə İstanbul şəhərində baş tutan Avropa Çempionatında mübarizə apardı və turniri bürünc medalla başa vurdu.[4]

Həmin ilin avqustunda Rüstəm Ağayev Afina şəhərində (Yunanıstan) baş tutan XXVIII Yay Olimpiya Oyunlarında Azərbaycanı təmsil elədi.[5] Rüstəm Ağayev olimpiada da sərbəst güləş üzrə Azərbaycan yığmasında ən uğurlu çıxış edən güləşçi oldu.[6] Rüstəm Ağayev qrup mərhələsinin birinci görüşündə 2000-ci il Sidney Olimpiadasının finalçısı Qazaxıstan nümayəndəsi İslam Bayramuqov ilə üz-üzə gəldi.[6] Həmin görüşdə Rüstəm Ağayev rəqibinə 8:2 hesabı ilə qalib gəldi.[6] Qrup mərhələsinin növbəti görüşündə onun rəqibi Namibiya nümayəndəsi Ni Yaobs oldu.[6] Bu görüşdə Rüstəm Ağayev rəqibi üzərində 11:0 hesabı ilə inamlı qələbə qazandı və qrupu birinci pillədə başa vuraraq pley-off mərhələsinə adladı.[6] Olimpiadanın 1/4 final mərhələsində onun rəqibi Dünya və Avropa çempionu İran nümayəndəsi Əlirza Heydəri oldu.[6] Bu görüşdə Rüstəm Ağayev rəqibinə 0:5 hesabı ilə məğlub oldu və medal uğrunda mübarizəsini başa vurdu.[6] Formal əhəmiyyətə sahib olan beşinci yer uğrunda görüşdə isə Rüstəm Ağayev Çin nümayəndəsi Van Yuanyuana qalib gəldi və olimpiadanı beşinci pillədə başa vurdu.[6]

2005-ci ildə Budapeşt şəhərində baş tutan Dünya Çempionatını 16-cı pillədə[7] başa vuran Rüstəm Ağayev 2006-cı ildə Rusiya yığmasına cəlb olundu. 2006-cı ilin iyulunda Rusiya Çempionatının bürünc medalına sahib olan Rüstəm Ağayev 2008-ci ildə idmanla vidalaşdı.[8]

Nəticələri redaktə

Sıra
İl
Yarış
Ev sahibi
Nəticə
  Azərbaycan
1
2004
Dünya Olimpiya Təsnifat Turniri   Slovakiya
3.
2
Avropa Çempionatı   Türkiyə
3.
3
Olimpiya Oyunları   Yunanıstan
5.
4
2005
Dünya Çempionatı   Macarıstan
16.

İstinadlar redaktə

  1. Olympedia.org. "Rüstəm AĞAYEV". www.olympedia.org (ingilis). 2022-08-30. 2022-05-30 tarixində arxivləşdirilib. İstifadə tarixi: 30.08.2022.
  2. International Wrestling Database. "RUSTAM AGHAYEV". www.iat.uni-leipzig.de (ingilis). 2022-08-04. 2022-04-22 tarixində arxivləşdirilib. İstifadə tarixi: 02.08.2022.
  3. International Wrestling Database. "2004 // World Olympic Qualification Tournament // Seniors // Freestyle // 96 Kg. // Results". www.iat.uni-leipzig.de (ingilis). 2022-08-04. 2022-04-22 tarixində arxivləşdirilib. İstifadə tarixi: 02.08.2022.
  4. International Wrestling Database. "2004 // European Championship // Seniors // Freestyle // 96 Kg. // Results". www.iat.uni-leipzig.de (ingilis). 2022-08-04. 2022-10-28 tarixində arxivləşdirilib. İstifadə tarixi: 02.08.2022.
  5. International Wrestling Database. "2004 // Olympic Games // Seniors // Freestyle // 96 Kg. // Results". www.iat.uni-leipzig.de (ingilis). 2022-08-04. 2022-08-22 tarixində arxivləşdirilib. İstifadə tarixi: 02.08.2022.
  6. 6,0 6,1 6,2 6,3 6,4 6,5 6,6 6,7 Olympedia.org. "2004 Summer Olympics / Wrestling / Heavyweight / Freestyle (96 Kilograms) / Men". www.olympedia.org (ingilis). 2022-08-30. 2022-05-15 tarixində arxivləşdirilib. İstifadə tarixi: 30.08.2022.
  7. International Wrestling Database. "2005 // World Championship // Seniors // Freestyle // 96 Kg. // Results". www.iat.uni-leipzig.de (ingilis). 2022-08-04. 2022-12-08 tarixində arxivləşdirilib. İstifadə tarixi: 02.08.2022.
  8. International Wrestling Database. "2006 // Russian Championship // Seniors // Freestyle // 96 Kg. // Results". www.iat.uni-leipzig.de (ingilis). 2022-08-04. 2022-04-22 tarixində arxivləşdirilib. İstifadə tarixi: 02.08.2022.