Riad Məmmədov
Riad Tahir oğlu Məmmədov (11 yanvar 1989, Bakı) — pianoçu[1], musiqişünas[2], caz və klassik musiqinin ifaçısı. Teodor Kurentzisin dəvəti ilə 2015-ci ildə Bakıda keçiriləcək Birinci Avropa Oyunlarının açılış mərasiminə xüsusi musiqi müşaviri təyin edildi[3]. Rusiya, Azərbaycan, Kanada musiqi festivallarının üzvü[1]. Dünyada caz muğam janrında işləyən bir neçə peşəkar musiqiçidən biridir[4].
| Riad Məmmədov | |
|---|---|
 | |
| Ümumi məlumatlar | |
| Ləqəbi | Риад Маммадов |
| Doğum tarixi | 11 yanvar 1989 (35 yaş) |
| Doğum yeri | |
| Musiqiçi məlumatları | |
| Fəaliyyəti | pianoçu, musiqişünas |
| Fəaliyyət illəri | 1996-cı ildən |
| Janrlar | klassik musiqi, caz, muğam |
| Musiqi aləti | piano |
| Təhsili | |
| riadmammadov.com | |
 Vikianbarda əlaqəli mediafayllar | |
Həyatı redaktə
Riad Məmmədov rəssam ailəsində dünyaya gəlmişdir. Riadın atası Tahir Məmmədov Azərbaycanın əməkdar rəssamı, Azərbaycan Dövlət Rəssamlıq Akademiyasının professorudur, anası Nailə Məmmədova sənətşünas və elmi əməkdaşdır, Azərbaycan Dövlət rəsm qalereyasında işləyir. İlk konsertlərini pianoçu 7 yaşında ikən verməyə başlamışdır[5].
Riad Məmmədovun adı Rusiyada, Azərbaycanda və başqa ölkələrdə geniş yayılmışdır. Yaradıcılıq fəaliyyətində pianoçu müxtəlif janrları və musiqi istiqamətlərini bir araya gətirir. O həm klassik repertuar əsərlərində, həm də caz ifasında eyni dərəcədə məharətli və virtuozdur. 2014-cü ildə Riad Məmmədov Bakı-2015 Birinci Avropa Oyunlarının xüsusi musiqi müşaviri təyin edilmişdir (Musiqi direktoru T. Kurentzis / V. Kurentzis, bədii rəhbər D. Papaioannu)[6].
Riad Məmmədov rəssam ailəsində dünyaya gəlmişdir. Moskva Dövlet Konservatoriyasini və Rusiya Federasiyasinin əməkdar artisti, MDK professoru K. Knorrenin sinfində "fortepiano" ixtisası üzrə aspiranturanı, həmçinin professor V. Xolopovanın rəhhbərliyi altında musiqişünas olaraq nəzəri aspiranturanı bitirmişdir. V. Merjanov, A. Bonduryanski, M. Lidski, E. Nəzirova, S. Behbudova və s. müxtəlif vaxtlarda onun müəllimləri olmuşdur. Təhsil aldığı dövrdə H. Əliyev fondunun təqaüdçüsü olmuşdur. Təhsilini başa vurduqdan sonra P. İ. Çaykovski adına opera və balet teatrının dəvətli artisti olmuşdur (bədii rəhbər T. Kurentzis)[6].
Azərbaycan Dövlət Simfonik orkestri ilə, Q. Qarayev adına Dövlət Kamera orkestri ilə, "MusicAeterna" orkestri ilə, "Veritas" Moskva Gənclər Kamera orkestri ilə, "Niagara Silkway" Kanada Kamera orkestri ilə[7], T. Kurentzis, F. Çijevski, M. Yemelyanıçev, A. Skoryer, T. Göyçayev, E. Qyliyev və s. kimi tanınmış dirijorların rəhbərliyi ilə Novosibirsk filarmoniyasının Dövlət Akademik Kamera orkestri ilə[6], həmçinin Belçikanın, ABŞ-nin, Macarıstanın "Big Band" caz orkestrləri ilə çıxış etmişdir.
Musiqinin konsert coğrafiyası 15-dən ölkəni əhatə edir. Pianoçu Moskva Dövlət konservatoriyasının Böyük Zalı, "Aleksandrinsk" Teatrının Yeni səhnəsi, M. Maqomayev adına Azərbaycan Dövlət Filarmoniyası, P. İ. Çaykovski adına opera və balet teatrının Böyük səhnəsi, Sate-Şantye qəsri, A. S. Puşkin adına Dövlət Rəsm Sənətləri Muzeyinin konsert zalı, Théâtre de l'Athénée və s. kimi nüfuzlu səhnələrdə çıxış edir. "Niagara Music" (Kanada), "Dyagilev festivalı" (Rusiya), "Primavera Classica" (Rusiya), V. Martınovun "Musiqi gəmisinin layihəsi" (Rusiya), " Moskva Konservatoriyasının Böyük Zalında yay caz festivalı" (Rusiya), Ü. Hacıbəyli adına Beynəlxalq festival (Azərbaycan), "Caspian Jazz & Blues Festival", "International Baku Jazz Festival" (Azərbaycan), Qəbələ Beynəlxalq musiqi festivali (Azərbaycan), Stanislavskinin Elektroteatrında Electro Jazz Festival (Rusiya) və s. festivalların iştirakçısıdır. Artistin ifaları Rusiyanın, Azərbaycanın, Kanadanın, Belçikanın və ABŞ televiziya və radiosunda translyasiya edilmişdir[6].
Riad Məmmədov Azərbaycanın müasir musiqi sənətində janrların sistemləşdirilməsinə dair elmi məqalə və nəşrlərin müəllifi, həmçinin müasir musiqi sənətində "hibrid janrlar" termininin müəllifidir. Pedaqoji fəaliyyətlə məşğul olur[6].
İstinadlar redaktə
- ↑ 1 2 Дарина Куликова, Евгений Астапенко. "Пианист Риад Мамедов: Хочу рассказать о культуре народа через джаз". Москва-Баку.РУ. 2019-10-17 tarixində arxivləşdirilib. İstifadə tarixi: 2019-11-02.
- ↑ "Мамедов Риад". ТАСС. 2019-10-18 tarixində arxivləşdirilib. İstifadə tarixi: 2019-11-03.
- ↑ Ф.Г. "Риад Мамедов назначен ассистирующим музыкантом Евроигр-2015". oxu.az. 2019-11-02 tarixində arxivləşdirilib. İstifadə tarixi: 2019-11-02.
- ↑ "Над сводами московского "Башмет-центра" прозвучит азербайджанский мугам". Вестник Кавказа. 2019-01-21. 2019-10-18 tarixində arxivləşdirilib. İstifadə tarixi: 2019-11-01.
- ↑ "Соната – фантазия в тропиках". Версия. 2019-05-14 tarixində arxivləşdirilib. İstifadə tarixi: 2019-11-02.
- ↑ 1 2 3 4 5 "About". 2019-10-18 tarixində arxivləşdirilib.
- ↑ Ф. Агаларова. "Азербайджанский пианист презентует в Москве уникальный проект, посвященный "Тысяче и одной ночи"". Day.Az. 2019-10-24. 2019-11-02 tarixində arxivləşdirilib. İstifadə tarixi: 2019-11-02.