Səadət yolu ilə (film, 1956)

Səadət yolu ilə
Rejissor	Muxtar Dadaşov
Ssenari müəllifləri	M.Musayev Muxtar Dadaşov
Operatorlar	Muxtar Dadaşov Seyfulla Bədəlov Vladimir Zbudski
Bəstəkar	Zakir Bağırov
İstehsalçı	Bakı Kinostudiyası
Filmin növü	tammetrajlı sənədli film
Ölkələr	Azərbaycan SSR
İl	1956
Texniki məlumatlar	8 hissə 2400 metr 35 mm
Rəng	rəngli

Məzmun

Tammetrajlı sənədli film Azərbaycanın xalq təsərrüfatının müxtəlif sahələrində qazandığı nailiyyətlərlə, qabaqcıl əmək adamları, elm və mədəniyyət xadimləri ilə, bərəkətli Azərbaycan torpağının nemətləri ilə bizi tanış edir. Ekranda ucu-bucağı görünməyən gözəl dağ çəmənlikləri, "ağ qızıl"-pambıq tarlaları, üzüm bağları, ətirli çay və tütün plantasiyaları bir-birini əvəz edir.

Heyvandarlıq və quşçuluq fermaları, yun, barama, meyvə bağları-bütün bunlar zəhmət adamlarının əməyi ilə hasil edilmişdir. Biz həmin zəhmət adamları-Bəsti Bağırova, Şamama Həsənova, Sürəyya Kərimova, Məleykə Quliyeva, Qızqayıt Həsənova, Gilas Verdiyeva, Zərqələm Hacıyeva və onların briqadaları ilə tanış oluruq. Filmdə 148 yaşlı Mahmud Eyvazovu, məşhur müğənnilərimizdən Bülbül, Rəşid Behbudovu, Gülağa Məmmədovu, neftçi Gülbala Əliyevi və Mingəçevir SES-in mühəndisi Sarvan Salmanovu görürük.

Xalqlar dostluğu mövzusu filmdə əsas yeri tutur.

Festivallar və mükafatlar

1) 1956-cı ildə

• Rejissor Muxtar Dadaşov filmə görə ÜİKTS-in Qızıl medalına layiq görülmüşdür.

Filmin heyəti

Film üzərində işləyənlər

Rejissor: Muxtar Dadaşov

Ssenari müəllifi: M.Musayev, Muxtar Dadaşov

Operator: Muxtar Dadaşov, Seyfulla Bədəlov, Vladimir Zbudski

Bəstəkar: Zakir Bağırov

Səs operatoru: Əziz Şeyxov

Mahnıların mətni: Zeynal Cabbarzadə

Mənbə

• Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.
• Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 130-139.
• Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 814.