Təzəkənd (İsmayıllı)

Təzəkənd — Azərbaycan Respublikasının İsmayıllı rayonunun inzibati ərazi vahidində kənd.

Təzəkənd
40°44′46″ şm. e. 48°16′16″ ş. u.
Ölkə	Azərbaycan
Tarixi və coğrafiyası
Saat qurşağı	UTC+04:00
Əhalisi
Əhalisi	1.520 nəf.
Təzəkənd

Tarixi

Təzəkənd kəndi adından da göründüyü kimi elə də qədim tarixə malik olan kənd deyil. 1936-cı ildə yaranıb. Ötən əsrin əvvəllərində dağ kəndlərində yaşayan əhali yavaş-yavaş məskən salmaq üçün bu kəndin aşağı hissəsinə Qazmalar yeri deyilən (indi camaat ora Heyvalıq deyir) əraziyə köç edib. 1936-cı ildə isə hal-hazırkı ərazidə Təzəkənd kəndini qurublar. Əhali əsasən Müdri, Həftəsov, Müdirsə, Mişgəmir, Kəlfərəc, Zanqı və s. kimi kəndlərdən gəlmələrdir. Bakı-İsmayıllı yolu üzərində, Girdimançayın yaxınlığında (şimala baxanda sol tərəfində) yerləşir. Rayon mərkəzindən 12 km aralıqdadır. Kəndin yuxarı hissəsindən geniş meşə zolağı başlayır. Yerli əhali istirahət üçün "Suyun gözü" deyilən yeri əlverişli yer hesab edir. Kənddə tibb məntəqəsi, on bir illik məktəb, ATS, poçt məntəqəsi, uşaq baxçası və məscid fəaliyyət göstərir. Əhalinin əsas məşğuliyyəti taxılçılıq, heyvandarlıq, meyvəçilik, bostançılıq, üzümçülük və s.ibarətdir. Kəndin şimal-qərb hissəsində şirin su tutumlu Vəlbinə gölü yerləşir.

Əhalisi

Əhalisi 1577 nəfərdir ki onunda 784 nəfəri kişi, 793 nəfəri qadındır.

Tanınmışları

• Nizami Cəfərov (geoloq) — Qazaxıstan alimi.

Şəhidləri

• Şükran Kərəm oğlu Ağayev 1970–19.01.1994
• Məsim Paşa oğlu Əkbərov 1968–10.12.1993
• Sirac Ziyad oğlu Abbasov 1974–21.01.1994
• Hikmət İsbat oğlu Abbasov 1974–04.01.1994
• Nizam Məlikməmməd oğlu Bağırov 1967–15.04.1994
• Ağayar Baba oğlu Bağırov 1974–17.05.1995
• Tərlan Soltan oğlu Hüseynov 1966–23.02.1994
• İlham Eldar oğlu Qasımov 1971–15.04.1994
• İsrayıl Şirzad oğlu Kazımov 1974–20.01.1993
• Xatəm Nadir oğlu Məmmədov 1968–25.04.1994
• Qulam Yaqub oğlu Mürsəlov 1968–12.02.1994
• Şakir İsmayıl oğlu Muradov 1973–05.02.1993 itkin
• Mirzağa Kamal oğlu Əzimov
• Cahan Saleh Oğlu Məmmədzadə — 1994–07.11.2020