Vir və Zara (film, 2004)

"Vir və Zara" rejissoru Yaş Çopranın olduğu və oğlu Aditya Çopra ilə birgə ərsəyə gətirdiyi, romantik dram janrına məxsus və hind dilində qələmə alınmış filmdir. Talehsiz sevgililərin adını alan bu filmdə baş rolları Şahrux Xan ilə Priti Zinta canlandımışdır. Vir Hind Hava Qüvvələrinin pilotu, Zara isə Pakistan siyasi xadiminin qızıdır. Vir yanlış ittihamlardan dolayı həbs edilir və Rani Mukercinin canlandırdığı gənc pakistanlı hüquqşünas onun azadlığı üçün mübarizə aparır. Amitab Baççan, Hema Malini, Divya Dutta, Mənuc Bacpayi, Boman İrani, Anupam Ker və Kirron Ker kimi tanınmış aktyor və aktrisalar digər rolları canlandırmışlar.

Vir və Zara
ing. Veer-Zaara hind. वीर-ज़ारा
Janr	romantik dram
Rejissor	Yaş Çopra
Prodüserlər	Aditya Çopra Yaş Çopra
Ssenari müəllifi	Aditya Çopra
Baş rollarda	Şahrux Xan Priti Zinta
Bəstəkar	Madan Mohan Aranjman: Sanjiv Kohli
İstehsalçı	Yash Raj Films
Distribütor	Netflix
İlk baxış tarixi	12 noyabr 2004
Filmin növü	bədii film
Müddət	196 dəqiqə
Büdcə	230 milyon rupi
Gəlir	976.4 milyon rupi
Ölkələr	Hindistan
Dil	Hindcə
İl	2004
Rəng	rəngli
Çəkiliş yeri	Hindistan, Pakistan.
IMDb	ID0420332

Məzmun

Hind pilotu Vir Prataph Sinqh, Zara adlı qızın həyatını xilas edir. Bu hadisədən sonra onlar öz vaxtlarının çoxunu birgə keçirirlər və Vir Zaranın nə üçün Hindistana gəldiyini öyrənir. Zaranın ailəsi əvvəldən kimsəsiz bir qadına baxmışdılar. Bu yaşlı qadın vəfat etməzdən əvvəl Zaradan onun külünü Hindistandakı bir çaya atmasını istəyir. Zara yaşlı qadının diləyini qəbul edir və anasını, atasını xəbərdar etmədən yola çıxır. Hindistana gedərkən avtobus yol qəzası ilə üzləşir. Elə həmin vaxt Vir Zaranı xilas edir. Zara həmin qadının külünü çaya tökənə qədər Vir ona hər bir işdə kömək edir. Bütün bu yaxşılıqların əvəzində Zara Virdən ondan bir şey istəməsini xahiş edir. Vir Zaradan həyatının yalnız 1 gününü ona ayırmasını istəyir. Zara bu təklifi qəbul edir və Vir onu öz qəsəbəsinə aparır. Onlar Virin ailəsilə Lodi bayramında iştirak edirlər. Vir bu gecədən sonra Zaraya aşiq olduğunu başa düşür və ertəsi gün öz sevgisini ona bildirmək qərarına gəlir. Lakin... Vir Zaranı aparmağa gələn nişanlısı ilə qarşılaşır. Zaranın artıq evlənməyə hazırlaşdığını görən Virin bütün ümidləri qırılır. Buna baxmayaraq stansiyada Zaraya aşiq olduğunu deyir, onu hər zaman gözləyəcəyini bildirir. Vir və Zara ayrılırlar. Ancaq onların məhəbbəti burada bitmir. Pakistana qayıdan Zaranın da qəlbində sevgi alovlanmağa başlayır. Zaranın ən yaxın yoldaşı olan Sebo Viri tapıb onu Pakistana çağırır, Zaranın ona aşiq olduğunu və toydan qabaq onu qaçırmasını təklif edir. Əhvalatı belə görən Vir qəlbinin səsinə qulaq asaraq Pakistana gedir. Zaranın toyunda Vir gəlib çıxır və onlar hər kəsin gözü qabağnda qucaqlaşırlar. Aləm qarışır, hər kəsdə çaşqınlıq yaranır. Zaranın atası bu əhvalatdan şok keçirir. Zaranın evlənəcəyi adam onun ailəsi üçün çox vacibdir. Bu evlilik atasının iş yerinin yüksəlişi üçün çox önəmlidir. Bir tərəfdən də həmin oğlanla yox, Virlə ailə qursa, atasının daha bir şok keçirməsi ölümünə apara bilər. Zaranın atasının bu vəziyyəti və hər iki ailənin təzyiqləri qarşısında Vir və Zara öz sevgilərindən vaz keçmək məcburiyyətində qalırlar. Bu ayrılıqdan sonra ölkəsinə dönmək üzrə olan Vir Zaranın nişanlısı tərəfindən qurulan bir tələnin qurbanı olur və haqsız günahlandırılaraq həbsxanaya salınır. Zara da nişanlısına ərə gedir. 22 il keçdikdən sonra bir vəkil qadın tərəfindən günahsızlığı sübuta yetirilən Vir həbsdən azad olunur. Vəkil ona Zara ilə yenidən qovuşmasında da kömək olur... Beləcə ədalət yerini tapır və Virlə Zara qalan ömürlərini xoşbəxt keçirirlər.

Filmin heyəti

Film üzərində işləyənlər

Ssenari müəllifi : Aditya Çopra

Rejissor : Yaş Çopra

Prodüserlər : Aditya Çopra, Yaş Çopra

Bəstəkarlar : Madan Mohan, Sanciv Kohli

Rollarda

Aktyor	Rol
Şahrux Xan	Vir Prataph Sinqh
Priti Zinta	Zara Həyat Xan
Rani Mukherci	Səmiyə Siddiqu
Kiron Kher	Məryəm Həyat Xan
Divya Dutta	Şabbo
Boman İrani	Cahangir Xan
Anupam Kher	Zakir Əhməd
Amitabh Baççan	Çadhari Sumer Sinqh
Hema Malini	Mati
Manoc Bacpayi	Razə Şirazi

Xarici keçidlər

• Vir və Zara — Internet Movie Database saytında.

• Veer-Zaara's Official Site
• Veer-Zaara Trailer sayt YouTube