World Wide Web Consortium
Ümumdünya Hörümçək Toru Konsorsiumu (ing. World Wide Web Consortium ya da qısaca W3C) — ümumdünya hörümçək toru üçün əsas beynəlxalq standartlar təşkilatı. 1994-cü ildə təsis edilmişdir və Tim Berners-Li tərəfindən idarə olunur. Konsorsium ümumdünya hörümçək toru üçün standartların işlənib hazırlanmasında birgə fəaliyyət göstərən tam ştatlı işçiləri təmin edən üzv təşkilatlardan ibarətdir. 5 mart 2023-cü il tarixinə olan məlumata görə, W3C-nin 462 üzvü var idi.[5][6] W3C həmçinin, təhsil və təbliğatla məşğul olur, proqram təminatı hazırlayır və internet haqqında müzakirələr üçün açıq forum rolunu oynayır.
| World Wide Web Consortium W3C | |
|---|---|
 | |
| Növü | Konsorsium, 501(c)(3) təşkilatı[d][1] |
| Yaranma tarixi | 1 oktyabr 1994[2] |
| Mərkəzi | |
| Qurucusu | |
| Sədr | Tim Berners-Li |
| Üzvləri |
|
| w3.org | |
 Vikianbarda əlaqəli mediafayllar | |
Tarixi redaktə
"World Wide Web Consortium" (W3C) 1994-cü ildə Tim Berners-Li tərəfindən 1994-cü ilin oktyabrında Avropa Nüvə Tədqiqatları Təşkilatından (CERN) ayrıldıqdan sonra yaradılmışdır. Bu, Avropa Komissiyası və Müdafiə Təkmil Araşdırma Layihələri Agentliyinin (DARPA) dəstəyi ilə Massaçusets Texnologiya İnstitutunun (MIT) Kompüter Elmləri Laboratoriyasında yaradılmışdır.. DARPA internetin sələflərindən biri olan ARPANET-ə öncülük etmişdi.[5] 2004-cü ilə qədər Texnologiya Meydanında yerləşirdi, sonra Stata Mərkəzinə köçmüşdü.[7]
İlk növbədə CERN-in W3C-nin Avropa filialına ev sahibliyi etməsi nəzərdə tutulmuşdu. Bununla belə, CERN informasiya texnologiyalarına deyil, hissəciklər fizikasına diqqət yetirmək istəyirdi. 1995-ci ilin aprelində Fransa Kompüter Elmləri və Avtomatlaşdırma üzrə Tədqiqatlar İnstitutu W3C-nin Avropa üzrə ev sahibi olmuşdu. Keyo Universitetinin Tədqiqat İnstitutu 1996-cı ilin sentyabrında Asiya üzrə ev sahibi olmuşdu.[8] 1997-ci ildən başlayaraq W3C bütün dünyada regional ofislər yaratmışdır. 2009-cu ilin sentyabr ayına olan məlumata görə, onun Avstraliya, Benilüks ölkələri (Belçika, Niderland və Lüksemburq), Braziliya, Çin, Finlandiya, Almaniya, Avstriya, Yunanıstan, Honkonq, Macarıstan, Hindistan, İsrail, İtaliya, Cənubi Koreya, Mərakeş, Cənubi Afrika, İspaniya, İsveç və 2016-cı ildən etibarən Birləşmiş Krallıq və İrlandiyada ofisləri var.[9]
2013-cü ilin yanvarında Beyhan Universiteti Çin üzrə ev sahibi olmuşdur.[10]
2022-ci ildə "W3C WebFonts" İşçi Qrupu xüsusi endirilə bilən şriftlər, veb və TV cihazları üçün tipoqrafiya üçün şrift texnologiyasını standartlaşdırdığına görə Milli Televiziya İncəsənəti və Elmləri Akademiyasından "Emmi" mükafatını qazanmışdır.
Birliyin standartlarına uyğun gələn şəbəkə brauzerləri redaktə
Birliyin müəyyən etdiyi standartlar redaktə
Həmçinin bax redaktə
İstinadlar redaktə
- ↑ https://www.w3.org/press-releases/2023/w3c-le-launched/.
- ↑ https://www.w3.org/History.html.
- ↑ https://www.w3.org/Consortium/Legal/2002/ipr-notice-20021231.
- ↑ https://www.w3.org/staff/.
- ↑ 1 2 W3C. "World Wide Web Consortium (W3C) About the Consortium". 9 December 2017 tarixində arxivləşdirilib. İstifadə tarixi: 21 March 2022.
- ↑ "Current Members – W3C". World Wide Web Consortium. 6 March 2023 tarixində arxivləşdirilib. İstifadə tarixi: 5 March 2023.
- ↑ Michael Blanding, "The Past and Future of Kendall Square", MIT Technology Review August 18, 2015 [1] Arxivləşdirilib 2019-10-17 at the Wayback Machine
- ↑ "Press Release: Keio University joins MIT and INRIA in hosting W3C". www.w3.org. 9 September 1996. 2016-03-04 tarixində arxivləşdirilib. İstifadə tarixi: 2017-07-13.
- ↑ Jacobs, Ian. "W3C Offices". June 2009. 5 October 2009 tarixində arxivləşdirilib. İstifadə tarixi: 14 September 2009.
- ↑ "Beihang University Becomes Newest Institution to Host W3C". www.w3.org. 20 January 2013. 2 February 2023 tarixində arxivləşdirilib. İstifadə tarixi: 26 September 2023.