Mədə: Redaktələr arasındakı fərq

=== Selikli qişa və selikaltı qat ===

Mədənin [[selikli qişa]]sı - {{lang-la|tunica mucosa}} çəhrayi rəngdə olur. boş mədənin selikli qişasında çoxlu büküşlər - {{lang-la|plicae gastricae}} vardır; bunlardan mədə girəcəyi və çıxacağı hissələrində onlar şüa; əyrilik nahiyəsindəkilər boylama və başqa nahiyələrdəkilər isə qeyri-müntəzəm istiqamətdə olur. Mədə ilə onikibarmaq bağırsaq arasında selikli qişa dairəvi bir büküş təşkil edir; bu büküş əzələ qişasından əmələ gəlmiş mədə çıxacağını büzən əzələyə - {{lang-la|m. sphincter pylori}} uyğundur və mədə çıxacağı qapağı - {{lang-la|valvula pylorica}} adlanır. Kiçik əyrilik boyu gedən boylama büküşlər mədə yolu adlanan boylama bir şırım əmələ gətirir. Mədə boş olduğu zaman büküşlərin miqdarı artır, dolu və ya genəlmiş halad onların miqdarı azalır. Bu büküşlərdən başqa selikli qişada mədə meydançaları - {{lang-la|areae gastricae}} adlanan hündürlüklər vardır. Bunların da üzərində zərrəbin ilə çuxurcuqlar - {{lang-la|foveolae gastricae }} gırmək olur. Bu çuxurcuqlara mədə vəzilərinin axacaqları açılır. Selikli qişa birqatlı silindrəbənzər epitel təbəqədən, əsas zardan və əzələ səfhəsindən ibarətdir. Bu qişada mədə şirəsi ({{lang-la|succus gastricus}}) ifraz edən borulu vəzilər vardır; bunlar iki qrupa bölünür: 1) xüsusi mədə vəziləri - {{lang-la|glandulae gastricae propriae}} və 2) mədə çıxacağı vəziləri - {{lang-la|glandulae pyloricae}}. Mədə şirəsinin tərkibində olan duz turşusunu xüsusi mədə vəziləri ifraz edir. Bu vəzilərdən başqa mədənin selikli qişasında limfa follikulları - {{lang-la|folliculi lymphatici gastrici}} vardır.